بۇل تۋرالى وزبەكستاننىڭ اۋىل شارۋاشىلىعى ءمينيسترى جامشيد حوجاەۆ پەن رەسەيدىڭ اۋىل شارۋاشىلىعى مينيسترلىگىنىڭ وكىلدەرى حابارلادى.
وزبەك جاعىنىڭ حابارلاۋىنشا, رەسەيدىڭ اۋىل شارۋاشىعىلى مينيسترلىگى وزبەك-ورىس جوباسىنا قىزىعۋشىلىق تانىتقان.
رەسەيدىڭ اۋىل شارۋاشىلىعى ءمينيسترىنىڭ ورىنباسارى سەرگەي لەۆيننىڭ حابارلاۋىنشا, قازىر رەسەيدە شامامەن 8-13 ميلليون گەكتار جەر بار, ال فەدەراتسياداعى 23 سۋبەكت وزبەك-ورىس جوباسىن قولداۋعا نيەت ءبىلدىرىپ وتىر.
وزبەك ءمينيسترىنىڭ ايتۋىنشا, 35 مىڭ گا جەردەن الىنعان ءونىم وزبەكستانعا ەكسپورتتالادى.
رەسەيدەگى شارۋالارعا جۇمىس كۇشى جەتپەي جاتىر. اۋىل شارۋاشىلىعى مينيسترلىگىنىڭ حابارلاۋىنشا, ءبىر عانا استراحان وبلىسىنا 11 مىڭ ەڭبەك ميگرانتى كەرەك. جەرگىلىكتى جۇمىسشىلار ايلىقتى وسىرسە دە القاپقا شىقپاعان. سونىڭ سالدارىنان رەسەيدىڭ بارلىق ايماعىندا اۋىل شارۋاشىلىعى ونىمدەرى كۇرت قىمباتتاپ كەتتى.
