اەروبوت – كولىكتىڭ قانداي ءتۇرى ەكەنىن بىلەسىز بە؟ ءا, ءسال ويلانىپ قالدىڭىز با؟ وقاسى جوق. ەندەشە, ءوز ساۋالىمىزعا ءوزىمىز جاۋاپ قايتارساق, اەروبوت – قاردىڭ نەمەسە جۇقا مۇزدىڭ بەتىمەن اعىنى از, سۋى تاياز وزەن-كولدەردە ەمىن-ەركىن قوزعالاتىن جۇردەك كولىك ءتۇرى. وسىناۋ ەرەكشە قوزعالىس قۇرالى قىس كەزدەرىندە سۋ ايدىندارى مەن اق قار ۇستىندە بەينە ءبىر قايىق قىزمەتىن دە اتقارا الادى. كورشىلەس رەسەيدە اەروبوت شىعاراتىن بەس-التى شاعىن ءوندىرىس ورنى بولعانىمەن, قازاقستاندا بۇعان دەيىن اەروبوت قۇراستىرىلىپ كورمەپتى. مىنە, ايرىقشا يننوۆاتسيالىق ءمانى بار يننوۆاتورلىق تەحنيكانىڭ ەلىمىزدەگى العاشقى قۇراستىرۋشىسى ورالدىق ونەرتاپقىش ايبار قۇسپانوۆ بولعالى تۇر. ول قازاقستاندا تۇڭعىش رەت اەروديناميكالىق تارتقىشتى اەروبوتتىڭ بىرنەشە ۇلگىسىن جاساپ شىعاردى. ورال قالاسىنداعى «الگوريتم» تەحنوپاركىندە وسى ەرەكشە جوبانىڭ تانىستىرىلۋ ءراسىمى وتكىزىلدى.
ونىڭ تەحنيكالىق سيپاتتاماسىن ءسوز ەتسەك, «سۋبارۋ» قوزعالتقىشى قوندىرىلعان سۋ كولىگىنىڭ سالماعى مەيلىنشە جەڭىل, 350 كيلوگرامنان اسپايدى. ايباردىڭ اەروبوتىنىڭ سۋداعى جىلدامدىعى ساعاتىنا 70 شاقىرىم قۇراسا, قار ۇستىندە ساعاتىنا 100 شاقىرىمدىق جىلدامدىقپەن جۇيتكيدى. قۇنى – 2 ميلليون 600 مىڭ تەڭگە. بۇل باعا رەسەيلىك وندىرىسشىلەردىڭ ۇسىنىپ وتىرعان باعاسىنان ءبىرشاما تومەن. ونى ساتىپ الۋشىلار نەمەسە تۇتىنۋشىلار سەرۆيستىك قىزمەتكە الاڭداماۋلارىنا بولادى. مۇنى ازىرگە ورالدىق ونەرتاپقىشتىڭ ءوزى اتقارادى.
ايباردىڭ ايتۋىنشا, اەروبوتتى قۇراستىرۋعا ەمەس, وعان قاجەتتى ماتەريالداردى الىس شەتەلدەردەن تاپسىرىسپەن الدىرتۋعا كوپ ۋاقىت كەتەدى ەكەن. ايتالىق, اەروبوت جاساۋعا قاجەتتى توتىقپايتىن ءاليۋمينيدى سانكت-پەتەربۋرگتەن, «تويوتو», «سۋبارۋ» قوزعالتقىشتارىنا جاپونيادان, ءوزگە قوسالقى بولشەكتەردى رەسەيلىك زاۋىتتاردان الۋعا تۋرا كەلىپ وتىر, دەيدى ول. ماماندىعى ينجەنەر-كونسترۋكتور بولىپ تابىلاتىن ا.قۇسپانوۆ سىزبالارمەن قاجەتتى قۇجاتتاردى ءوزى جاسايدى.
وسى ورايدا ايباردىڭ بيزنەس باستاماسى, ەلباسىنىڭ بيىلعى جولداۋىندا ايتىلعانداي, ۇدەمەلى يندۋستريالاندىرۋدىڭ ەكىنشى جانە ودان كەيىنگى بەسجىلدىقتارىندا اتقارىلاتىن جوبالار مەن سالالار قاتارىنان ورىن الا الادى دەمەكپىز. وتاندىق جاڭاشىل جولداۋ تالابىنا سايكەس الداعى ۋاقىتتا ءوز بيزنەسىن كەڭەيتىپ, ونى سىرتقى نارىقتارعا شىعارۋدى كوزدەيدى.
ايباردىڭ بۇدان وزگە دە بيزنەس-جوسپارلارى بار. تەحنيكانى جەتىلدىرۋ, اۆتوكولىك ءدوڭگەلەكتەرىن شەشىپ الىپ, ونىڭ ورنىنا تەمىرتابان ورناتۋ جولدارىن ىزدەستىرىپ تاپتى. تاۋدا دا, تاستىڭ ۇستىمەن دە, بۇعان قوسا, جولسىز جەردە جۇرۋگە ارنالعان ايبار ويلاپ تاپقان مۇنداي كولىك تۇرلەرى گەولوگتار مەن مۇنايشىلارعا اسا قاجەت ەكەنى انىق. بۇل اۋىل شارۋاشىلىعى سالاسىنداعىلارعا دا كوكتەمگى-كۇزگى لايساڭداردا تاپتىرماس كولىك بولماق. ا.قۇسپانوۆ ايرىقشا كولىك تۇرلەرىنە تاپسىرىستاردى جەكە جانە زاڭدى تۇلعالاردان, سالالىق مينيسترلىكتەردەن كۇتەدى.
بۇگىنگى كۇندەرى ورال قالاسىنداعى ارنايى تسەحتا توتەنشە جاعدايلار مينيسترلىگىنە ارنالعان اەروبوت قۇراستىرىلۋ ۇستىندە. ورال تەحنوپاركىنىڭ تەحنولوگيالىق بيزنەس-ينكۋباتسيالاۋ ءبولىمى مەن كوممەرتسيالاندىرۋ ايماقتىق ورتالىعى ماماندارى اەروبوتتىڭ تاجىريبەلىك ۇلگىسى ونى وندىرىستىك نەگىزدە شىعارۋعا ابدەن لايىقتى دەگەن ۇيعارىمعا كەلىپ وتىر. ەگەر بۇل ۇسىنىس يندۋستريا جانە جاڭا تەحنولوگيالار مينيسترلىگىنە قاراستى تەحنولوگيالىق دامۋ جونىندەگى ۇلتتىق اگەنتتىك تاراپىنان قولداۋ تاپسا, ورالداعى تەحنوپارك ارقىلى ءونىمنىڭ تەحنيكالىق قۇجاتتامالارىن دايىنداپ, سىناقتان وتكىزۋگە مۇمكىندىك اشىلارى انىق.
«بيزنەستىڭ جول كارتاسى-2020» باعدارلاماسى شەڭبەرىندە «دامۋ» قورىنىڭ ايماقتىق فيليالى ارقىلى 3 ميلليون تەڭگە كولەمىندە مەملەكەتتىك گرانتقا يە بولعان ايبار قۇسپانوۆ كوپ ويلانباستان اەروبوت قۇراستىرۋعا بەكەم بەل بۋعان ەكەن. ونىڭ يننوۆاتسيالىق قادامى وسىلاي باستالىپتى. ەندەشە, ىسكە ءسات, دەيمىز دە.
ونىڭ تەحنيكالىق سيپاتتاماسىن ءسوز ەتسەك, «سۋبارۋ» قوزعالتقىشى قوندىرىلعان سۋ كولىگىنىڭ سالماعى مەيلىنشە جەڭىل, 350 كيلوگرامنان اسپايدى. ايباردىڭ اەروبوتىنىڭ سۋداعى جىلدامدىعى ساعاتىنا 70 شاقىرىم قۇراسا, قار ۇستىندە ساعاتىنا 100 شاقىرىمدىق جىلدامدىقپەن جۇيتكيدى. قۇنى – 2 ميلليون 600 مىڭ تەڭگە. بۇل باعا رەسەيلىك وندىرىسشىلەردىڭ ۇسىنىپ وتىرعان باعاسىنان ءبىرشاما تومەن. ونى ساتىپ الۋشىلار نەمەسە تۇتىنۋشىلار سەرۆيستىك قىزمەتكە الاڭداماۋلارىنا بولادى. مۇنى ازىرگە ورالدىق ونەرتاپقىشتىڭ ءوزى اتقارادى.
ايباردىڭ ايتۋىنشا, اەروبوتتى قۇراستىرۋعا ەمەس, وعان قاجەتتى ماتەريالداردى الىس شەتەلدەردەن تاپسىرىسپەن الدىرتۋعا كوپ ۋاقىت كەتەدى ەكەن. ايتالىق, اەروبوت جاساۋعا قاجەتتى توتىقپايتىن ءاليۋمينيدى سانكت-پەتەربۋرگتەن, «تويوتو», «سۋبارۋ» قوزعالتقىشتارىنا جاپونيادان, ءوزگە قوسالقى بولشەكتەردى رەسەيلىك زاۋىتتاردان الۋعا تۋرا كەلىپ وتىر, دەيدى ول. ماماندىعى ينجەنەر-كونسترۋكتور بولىپ تابىلاتىن ا.قۇسپانوۆ سىزبالارمەن قاجەتتى قۇجاتتاردى ءوزى جاسايدى.
وسى ورايدا ايباردىڭ بيزنەس باستاماسى, ەلباسىنىڭ بيىلعى جولداۋىندا ايتىلعانداي, ۇدەمەلى يندۋستريالاندىرۋدىڭ ەكىنشى جانە ودان كەيىنگى بەسجىلدىقتارىندا اتقارىلاتىن جوبالار مەن سالالار قاتارىنان ورىن الا الادى دەمەكپىز. وتاندىق جاڭاشىل جولداۋ تالابىنا سايكەس الداعى ۋاقىتتا ءوز بيزنەسىن كەڭەيتىپ, ونى سىرتقى نارىقتارعا شىعارۋدى كوزدەيدى.
ايباردىڭ بۇدان وزگە دە بيزنەس-جوسپارلارى بار. تەحنيكانى جەتىلدىرۋ, اۆتوكولىك ءدوڭگەلەكتەرىن شەشىپ الىپ, ونىڭ ورنىنا تەمىرتابان ورناتۋ جولدارىن ىزدەستىرىپ تاپتى. تاۋدا دا, تاستىڭ ۇستىمەن دە, بۇعان قوسا, جولسىز جەردە جۇرۋگە ارنالعان ايبار ويلاپ تاپقان مۇنداي كولىك تۇرلەرى گەولوگتار مەن مۇنايشىلارعا اسا قاجەت ەكەنى انىق. بۇل اۋىل شارۋاشىلىعى سالاسىنداعىلارعا دا كوكتەمگى-كۇزگى لايساڭداردا تاپتىرماس كولىك بولماق. ا.قۇسپانوۆ ايرىقشا كولىك تۇرلەرىنە تاپسىرىستاردى جەكە جانە زاڭدى تۇلعالاردان, سالالىق مينيسترلىكتەردەن كۇتەدى.
بۇگىنگى كۇندەرى ورال قالاسىنداعى ارنايى تسەحتا توتەنشە جاعدايلار مينيسترلىگىنە ارنالعان اەروبوت قۇراستىرىلۋ ۇستىندە. ورال تەحنوپاركىنىڭ تەحنولوگيالىق بيزنەس-ينكۋباتسيالاۋ ءبولىمى مەن كوممەرتسيالاندىرۋ ايماقتىق ورتالىعى ماماندارى اەروبوتتىڭ تاجىريبەلىك ۇلگىسى ونى وندىرىستىك نەگىزدە شىعارۋعا ابدەن لايىقتى دەگەن ۇيعارىمعا كەلىپ وتىر. ەگەر بۇل ۇسىنىس يندۋستريا جانە جاڭا تەحنولوگيالار مينيسترلىگىنە قاراستى تەحنولوگيالىق دامۋ جونىندەگى ۇلتتىق اگەنتتىك تاراپىنان قولداۋ تاپسا, ورالداعى تەحنوپارك ارقىلى ءونىمنىڭ تەحنيكالىق قۇجاتتامالارىن دايىنداپ, سىناقتان وتكىزۋگە مۇمكىندىك اشىلارى انىق.
«بيزنەستىڭ جول كارتاسى-2020» باعدارلاماسى شەڭبەرىندە «دامۋ» قورىنىڭ ايماقتىق فيليالى ارقىلى 3 ميلليون تەڭگە كولەمىندە مەملەكەتتىك گرانتقا يە بولعان ايبار قۇسپانوۆ كوپ ويلانباستان اەروبوت قۇراستىرۋعا بەكەم بەل بۋعان ەكەن. ونىڭ يننوۆاتسيالىق قادامى وسىلاي باستالىپتى. ەندەشە, ىسكە ءسات, دەيمىز دە.
تەمىر قۇسايىن,
«ەگەمەن قازاقستان».
ورال.
