الەم • 07 قازان، 2021

87 مىڭنان استام بالاعا ۆاكتسينا سالىندى

101 رەت كورسەتىلدى

وزبەكستاندا 87 مىڭنان استام بالاعا Pfizer ۆاكتسيناسى سالىندى، دەپ حابارلايدى Egemen.kz.

بۇل تۋرالى وزبەكستان دەنساۋلىق ساقتاۋ مينيسترلىگىنىڭ ءباسپاسوز قىزمەتى ءمالىم ەتتى.

مينيسترلىكتىڭ مالىمەتىنشە، وزبەكستاننىڭ باس مەملەكەتتىك سانيتاريا دارىگەرى مەن ۇلتتىق تەحنيكالىق يممۋنولوگيالىق ساراپتامانىڭ شەشىمىمەن، 28 قىركۇيەكتەن باستاپ اتا-اناسى مەن قامقورشىلارىنىڭ كەلىسىمىمەن 12 جاستان اسقان بالالارعا ەرىكتى ەكپە ەگۋ ەنگىزىلدى. وسىعان دەيىن 12-15 جاس ارالىعىنداعى بالالارعا جاساعان زەرتتەۋدە كوروناۆيرۋسقا قارسى Pfizer ۆاكتسيناسىنىڭ كلينيكالىق زەرتتەۋلەرىنىڭ ناتيجەلەرى بۇل ۆاكتسينانىڭ جوعارى تيىمدىلىگى مەن قاۋىپسىزدىگىن كورسەتتى، ال دۇنيەجۇزىلىك دەنساۋلىق ساقتاۋ ۇيىمى 12 جاستان اسقان بالالار مەن جاسوسپىرىمدەرگە Pfizer ۆاكتسيناسىن سالۋدى ۇسىنعان بولاتىن.

«5 قازانداعى جاعداي بويىنشا ءبىزدىڭ ەلىمىزدە 12-18 جاس ارالىعىنداعى 87 710 بالا Pfizer ۆاكتسيناسىن ەرىكتى تۇردە سالدىردى. قازىرگى ۋاقىتتا ەلىمىزدە جاپپاي ۆاكتسيناتسيالاۋدى 3138 ۆاكتسيناتسيا پۋنكتى مەن 18 828 بريگادا جۇرگىزىپ جاتىر. 12 جاستان اسقان بالالارعا اتا-انالارى مەن قامقورشىلارىنىڭ كەلىسىمىمەن ايماقتىڭ كەز-كەلگەن ۆاكتسيناتسيا ورتالىعىندا كوروناۆيرۋسقا قارسى ەكپە جاساۋعا بولادى»، دەپ حابارلادى دەنساۋلىق ساقتاۋ مينيسترلىگى.

ۆەدومستۆودا اتاپ وتكەندەي، ەلگە Pfizer/BioNTech ۆاكتسيناسىنىڭ بارلىعى 1 200 000 دوزا يمپورتتالدى، 5 قازاندا بۇل ۆاكتسينانىڭ 465 010 دوزاسى ۆاكتسيناتسيا پروتسەسىندە قولدانىلدى.

 

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

ۇقساس جاڭالىقتار