«سوت القاسى قاۋلى ەتتى: قىلمىستىق ىستەر جونىندەگى مامانداندىرىلعان اۋدانارالىق سوتىنىڭ 2021 جىلعى 28 مامىرداعى راشيد امانجولوۆ, جانات نۇرپەيىسوۆ, تالعات ءاشىم, ۇلىقبەك اچيلوۆ, تيمۋر قاساباەۆ, دۋلات مۋسەنوۆ, داۋرەن ابدىحاميتوۆكە قاتىستى ۇكىمنىڭ كۇشى جويىلدى. قىلمىستىق ءىس جۇرگىزۋ زاڭناماسىنىڭ باستى سوت تالقىلاۋىنا كەدەرگى كەلتىرەتىن ەلەۋلى بۇزۋشىلىقتارى مەن نورمالارىن جويۋ ءۇشىن قىلمىستىق ءىس نۇر-سۇلتان قالاسىنىڭ پروكۋرورىنا قايتارىلدى», دەپ اباي كوكجالوۆ نۇر-سۇلتان قىلمىستىق ىستەر جونىندەگى سوت القاسى سۋدياسىنىڭ شەشىمىن وقىدى.
ايىپتالۋشىلاردى «كۇزەتپەن ۇستاۋ» بۇلتارتپاۋ شاراسى وزگەرىسسىز قالدى.
ەسكە سالايىق, 28 مامىردا LRT جوباسىن ىسكە اسىرۋ كەزىندە قارجى جىمقىرۋ ءىسى بويىنشا سوتتالۋشىلارعا ۇكىم شىققان بولاتىن.
ءىس بويىنشا ايىپتالۋشىلار 7 جىلدان 10 جىلعا دەيىنگى مەرزىمگە سوتتالعان:
- ەلوردانىڭ جولاۋشىلار كولىگى جانە اۆتوموبيل جولدارى باسقارماسىنىڭ بۇرىنعى باسشىسى راشيد امانجولوۆ 10 جىلعا باس بوستاندىعىنان ايىرىلىپ, مەملەكەتتىك قىزمەتتە قىزمەت اتقارۋ قۇقىعىنان ايىرىلعان, جازاسىن قىلمىستىق-اتقارۋ جۇيەسى مەكەمەسىندە وتەيدى.
- قالالىق ءماسليحاتتىڭ ەكس-دەپۋتاتى جانە حاتشىسى جانات نۇرپەيىسوۆ قىلمىستىق-اتقارۋ جۇيەسى مەكەمەسىندە جازاسىن وتەيدى, ول مەملەكەتتىك قىزمەتتە قىزمەت اتقارۋ قۇقىعىنان ايىرىلىپ, 8 جىلعا باس بوستاندىعىنان ايىرىلعان.
- Astana Innovations اق بۇرىنعى باسقارما توراعاسى تالعات ءاشىم ورتاشا قاۋىپسىزدىك مەكەمەسىندە جازاسىن وتەيدى, ول مەملەكەتتىك قىزمەتتە جۇمىس ىستەۋ قۇقىعىنان جانە 7 جىلعا باس بوستاندىعىنان ايىرىلعان.
- جشس وكىلى ۇلىقبەك اچيلوۆ 8 جىلعا باس بوستاندىعىنان ايىرىلعان, جازاسىن ورتاشا قاۋىپسىزدىك كولونياسىندا وتەيدى.
- مەردىگەردىڭ وكىلى داۋرەن ابدىحاميتوۆتەن زاڭسىز جولمەن الىنعان باسقا تۇلعالاردىڭ مەنشىگىندەگى م ۇلىك تاركىلەنىپ, 8 جىلعا باس بوستاندىعىنان ايىرىلعان.
- مەردىگەر وكىلى دۋلات مۋسەنوۆ 7 جىلعا باس بوستاندىعىنان ايىرىلعان.
- مەردىگەردىڭ وكىلى تيمۋر قاساباەۆ 8 جىلعا باس بوستاندىعىنان ايىرىلعان.
