11 اقپان، 2014

ماڭگىلىك ەل جولىندا

164 رەت كورسەتىلدى

قازاقستان رەسپۋبليكاسى تاۋەل­سىز­دىك العان جىلدار ىشىندە ەكونومي­كا­سى قارقىندى دامىعان، رۋحاني دۇنيەسى بەرىك ورنىققان، ساياسي باع­دا­رى ايقىندالعان، وركەنيەتتىك دەمو­كرا­­تيا­لىق جولمەن دامىپ كەلە جات­قان جا­سامپاز مەملەكەتتىڭ ىرگەسىن قالادى.

قازاقستان رەسپۋبليكاسىنىڭ تۇ­راقتى جانە وركەنيەتتى دامۋىنا سەرپىن بەرگەن ەلباسىمىز نۇرسۇلتان ءابىش ۇلى نازارباەۆتىڭ 1997 جىلى قابىلدانعان «قازاقستان-2030» ستراتەگيالىق دامۋ باعدارلاماسىنان كەيىنگى بيىلعى 18-جولداۋىنىڭ ماڭىزى وتە ەرەكشە.

ەلباسىمىزدىڭ «قازاقستان جو­لى – 2050: ءبىر ماقسات، ءبىر مۇددە، ءبىر بولاشاق» اتتى جولداۋىنان قوعام­دىق دامۋدىڭ ەكونوميكالىق، الەۋ­مەتتىك، رۋحاني بايلانىسىنىڭ نەگىزى كورىنىپ تۇرعانداي.

جولداۋدا ەلباسىمىز ۇكىمەتكە 2014 جىلدان باستاپ ەلىمىزدىڭ الەمنىڭ دامىعان 30 ەلى قاتارىنا ەنۋىنىڭ نەگىزگى 15 باعىتى بويىنشا ناقتى تاپسىرمالار جۇكتەدى. بۇل باعىتتاردىڭ بارلىعى دا ۋاقىت تالابىمەن ۇندەسكەن، وتە ماڭىزدى، سوندا دا ەلىمىزدە ىشكى جالپى ءونىم كولەمىنىڭ ءوسىمىن 4 پايىزدان ءتۇسىر­مەۋ، جان باسىنا شاققانداعى ىشكى جالپى ءونىم كولەمىن 13 مىڭنان 60 مىڭ دوللارعا دەيىن، ياعني 4،5 ەسەگە ارت­تىرۋ، عىلىمدى قارجىلاندىرۋ ءوسىمىن ىشكى جالپى ءونىمنىڭ 3 پايىز­دىق دەڭگەيىنەن تومەندەتپەۋ، قازاق­ستاندىقتاردىڭ ءومىر ءسۇرۋ جاسىن ۇلعايتۋ، الدىڭعى قاتارلى جانە باسە­كەگە قابىلەتتى ۇلتتىق ءبىلىم بەرۋ جۇيەسىن قالىپتاستىرۋ مىندەتتەرىنىڭ ماڭىزىن ەرەكشە اتاپ وتكىم كەلەدى.

2050 جىلعا قاراي عىلىمعا ءبولى­نەتىن قارجى ەلىمىز ءىجو كولەمىنىڭ 3%-ىن قۇرايتىن بولسا، بۇل وتە ۇلكەن قارجى، سوندىقتان وتاندىق عىلىم ءوندىرىس ونىمدە­رىنىڭ قۇنىن ارزانداتىپ، وندىرىلەتىن تاۋار­لاردىڭ ساپاسىن ارتتىراتىن بولادى.

ەلباسىمىزدىڭ «ۋنيۆەر­سي­تەت­تەردىڭ دەربەستىگىن قامتاماسىز ەتۋ كەرەك» دەگەن ويى جوعارى ءبىلىم سالاسى ءۇشىن وتە ماڭىزدى. بۇل ورايدا ەلىمىزدىڭ جوعارى وقۋ ورىندارى ءوز ماسەلەلەرىن دەربەس شەشىپ، «قا­زاقستان-2050» ستراتەگياسى اياسىندا العا قويعان مىندەتتەرىن جۇزەگە اسىرىپ، اكادەميالىق ەركىندىكتى اي­قىندايتىن بولادى.

الداعى ءۇش جىل ىشىندە ەلىمىزدىڭ مەك­تەپتەرىندە ورىن تاپشىلىعى ماسە­لەسىنىڭ تولىق شەشىمىن تاباتىنى، 2016 جىلدىڭ 1 قاڭتارىنان باستاپ ءبىلىم الۋشىلاردىڭ ستيپەنديا كولەمىنىڭ 25 پايىزعا كوبەيەتىنى بارشا جاس ۇرپاق وكىلدەرىمەن قاتار، پەداگوگتار قاۋىمىن قۋانتىپ وتىر.

سالاماتتى ءومىر سالتىن جانە مەديتسينالىق-تەحنو­لو­گيا­لىق دامۋ­دىڭ ارقاسىندا قازاق­ستان­دىق­تاردىڭ ءومىر ساپاسىن ارتتىرۋ، سول ارقىلى ءومىر ءسۇرۋ جاسىن 80 جاسقا دەيىن ۇزارتۋ مەملەكەت تاراپىنان جۇرگىزىلىپ وتىرعان الەۋمەتتىك-ەكونوميكالىق باعدارلامالاردىڭ جاسام­پازدىعىنا كوز جەتكىزىپ كەلەدى.

بۇگىنگى كۇنى ەلىمىزدە يننو­ۆا­تسيالىق جوبالاردى دامىتۋ، جۇزەگە اسىرۋ وزەكتى ماسەلەگە اينالدى. وسىعان بايلانىستى بالامالى ەنەرگيا كوزدەرىن پايدالانۋ، ونى ومىرگە ەنگىزۋ جۇمىستارى ناقتى قولعا الىنۋدا. جولداۋدا ەلىمىزدە ءموبيلدى جانە مۋلتيمەديالىق، نانو جانە كوسموستىق تەحنولوگيالار، روبوت تەحنيكاسى سالاسىن، گەندىك ينجەنەريانى دامىتۋ، بولاشاقتىڭ ەنەرگياسىن جاساۋ مىندەتى ومىرلىك ماڭىزى زور مىندەت رەتىندە ەرەكشە اتاپ ءوتىلدى.

مۇنداي كۇش-قۋاتىمىزدىڭ سال­­ماق­تىلىعى بىزگە باسەكەلەستىك ار­تىقشىلىق مۇمكىندىگىن بەرە وتىرىپ، ەلىمىزدى جاھان­دىق ەكونوميكاعا ەركىن كىرىگۋگە جاعداي جاسايتىن بولادى.

جولداۋدا كورسەتىلگەن ماڭىزدى يدەيا­نىڭ ءبىرى ەلباسىمىز ماڭگىلىك ەل بولۋ­دىڭ 7 باسىمدىعىن اتاپ كورسەتتى. بۇل جاسام­پاز يدەيا ءبىزدىڭ ورتاق تاعدىرمەن، جال­پى­قا­زاق­ستاندىق شاڭىراقتىڭ ۇلتتىق يدەيا­سى ايا­سىندا ەل بولاشاعىنىڭ ىرگەتاسى مەن بار­شا قازاقستاندىقتاردى بىرىكتىرەتىن باس­تى قۇندىلىق ەكەندىگى اقيقاتقا اينالعان شىندىق.

بيىلعى جولداۋدا بەلگىلەنگەن باسىم باعىتتار مەن مىندەتتەردى جۇزەگە اسىرۋ، ەلىمىزدىڭ باياندى بولا­شاعى جولىندا ايانباي بىرلەسە ەڭبەك ەتۋ، ەڭبەكتىڭ بەرەكەلى زەينەتىن كورۋ بۇگىنگى كۇنى ءاربىر قازاقستاندىق ازاماتتىڭ قاسيەتتى پارىزى بولىپ قالا بەرمەك.

الاشتىڭ اناسى اتانعان قاسيەتتى سىر وڭىرىندەگى ىرگەلى وقۋ ورنى قورقىت اتا اتىنداعى قىزىلوردا مەملەكەتتىك ۋنيۆەر­سيتەتىنىڭ ۇجىمى ەلباسىمىز نۇرسۇلتان ءابىش ۇلى نازارباەۆتىڭ بيىلعى «قازاقستان جولى – 2050: ءبىر ماقسات، ءبىر مۇددە، ءبىر بولاشاق» اتتى جولداۋىن قازاق­ستاننىڭ الەمدەگى دامىعان 30 ەلدىڭ قاتارىنا ەنۋدەگى ۇلتتىق ستراتە­گيانىڭ دامۋ جولدارىنىڭ، قازاق­ستاندىقتاردىڭ ءومىر ءسۇرۋ دەڭگەيىنىڭ جانە ەكونوميكالىق ساپانىڭ قا­لىپتاسۋىنا زور سەرپىن بەرەتىن ءوز ۋاقىتىنىڭ وسكەلەڭ قۇجاتى دەپ قابىلدايدى.

قىلىشباي بيسەنوۆ، تەحنيكا عىلىمدارىنىڭ دوكتورى، پروفەسسور، قورقىت اتا اتىنداعى قمۋ رەكتورى.
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار