ەلوردا تۇرعىندارى پوليتسياعا ارىزدانىپ, كومپانيا باسشىلىعى الداۋ مەن سەنىمگە قيانات جاساۋ ارقىلى ءوز قاراجاتتارىن يەمدەنىپ العانىن ايتقان.
«28 جاستاعى سەرىكتەستىك ديرەكتورى اۆتوكولىك ساتامىن دەگەن جەلەۋمەن ازاماتتارمەن كەلىسىمشارت جاساسقان, بىراق جەمە-جەمگە كەلگەندە اراداعى كەلىسىمدى ورىنداماعان. سونىمەن قاتار كۇدىكتى ساتۋ-ساتىپ الۋ كەلىسىمشارتتارىن جاساۋ ارقىلى ازاماتتاردىڭ كولىكتەرىن يەمدەنگەن, بىراق اقشاسىن تولەمەگەن. كەيىننەن كولىك ءۇشىنشى تۇلعالارعا ساتىلىپ كەتە بارعان. الاياقتىق فاكتىلەرى بويىنشا قىلمىستىق ءىس قوزعالدى», دەپ حابارلادى نۇر-سۇلتان قالالىق پد ءباسپاسوز قىزمەتى.
Nur-AvtoKz جشس ديرەكتورى تەرگەۋ يزولياتورىنا قامالدى. قازىر تەرگەۋ ءجۇرىپ جاتىر.
