بىرلەستىكتىڭ ەلىمىزدەگى 2 زاۋىتىنىڭ بىرىندە ەلەكتروۆوز قۇراسىتىرىلادى. ەندى ينۆەستور ولاردى كورشى ەلدەرگە ساتۋدى قولعا الۋعا نيەتتى. قازاقستاندىق ونىمگە سۇرانىس جوعارى بولۋ ءۇشىن وتاندىق ماتەريالداردىڭ ۇلەسىن ارتتىرىپ, ونىڭ كولەمىن 40 پايىزدان 60 پايىزعا جەتكىزۋ كوزدەلگەن.
«وتاندىق ماتەريالدىڭ ۇلەسىن ارتتىرۋدان تەحنيكانىڭ قۇنى ارزانداپ, باسەكەلەستىككە قابىلەتتىلىگى ارتۋى ءتيىس. ارالاس ءوندىرىس دامىپ, ءبىزدىڭ 2025 جىلعا دەيىن شيكىزاتتىق ەمەس ەكسپورتتى ەكى ەسەلەۋ تۋرالى ماقساتىمىزعا جەتۋگە كومەكتەسەتىن بولادى», دەدى قر ساۋدا جانە ينتەگراتسيا ءمينيسترى باقىت سۇلتانوۆ.
«بۇل قازاقستانمەن ۇزاق مەرزىمدى قارىم-قاتىناس ورناتۋعا باعىتتالعان تاعى ءبىر قادامىمىز. ءبىزدىڭ «قازاقستان تەمىر جولىمەن» كەلىسىمشارتىمىز 30-40 جىلعا جوسپارلانعان. قازاقستاندا ءجۇرىپ جاتقان پويىزدارعا قىزمەت كورسەتۋدەن بولەك كەلەشەككە جوسپارىمىز كوپ», دەدى ALSTOM كومپانياسىنىڭ ايماقتىق پرەزيدەنتى ەندريۋ دەلەونە.
