ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆ, اۋىل شارۋاشىلىعى ءمينيسترى ەربول قاراشوكەەۆ, تۇركىستان وبلىسىنىڭ اكىمى ومىرزاق شوكەەۆ, الماتى وبلىسىنىڭ اكىمى اماندىق باتالوۆ, قىزىلوردا وبلىسىنىڭ اكىمى گۇلشارا ابدىقالىقوۆا بايانداما جاسادى.
مەملەكەت باسشىسى قاسىم-جومارت كەمەل ۇلى توقاەۆ سۋارمالى جەرلەردىڭ اۋدانىن 2025 جىلعا قاراي 2,2 ملن گا دەيىن, ال 2030 جىلعا قاراي 3 ملن گا دەيىن كەڭەيتۋ بويىنشا ناقتى مىندەتتى ايقىندادى. بۇگىندە حالىق پەن ەكونوميكا سالالارى ءۇشىن سۋ الۋدىڭ جالپى كولەمى شامامەن 25 تەكشە كم قۇرايدى. جىل وتكەن سايىن قاجەتتىلىكتەر ارتا بەرەتىن بولادى جانە بۇل سۋدى ءتيىمدى پايدالانۋدى, ەڭ جاڭا تەحنولوگيالاردى ەنگىزۋدى, سالانى تسيفرلاندىرۋدى تالاپ ەتەدى.
تەك اۆتوماتتاندىرىلعان ءبولۋ مەن تاسىمالداۋ ەسەبىنەن سۋدىڭ ارتىق جۇمسالۋى جىل سايىن 1,2 تەكشە كم-گە قىسقارادى. وسى رەتتە, الداعى بەس جىلدىق كەزەڭدە ۇزىندىعى 2,3 مىڭ كم بولاتىن 120 كانالدى رەكونسترۋكتسيالاۋ مەن جالپى كولەمى 1,7 ملرد تەكشە مەتر بولاتىن 9 ءىرى سۋ قويماسىن سالۋ جونىندە شارالار قابىلدانادى. سونىمەن قاتار وڭىرلىك دەڭگەيدە جايىلىمدىق جەرلەردەگى گيدروتەحنيكالىق قۇرىلىستاردى, قۇدىقتاردى جاڭعىرتۋ, جوندەۋ جانە ولارعا قىزمەت كورسەتۋ جۇرگىزىلەدى.
«جالپى, سۋ قويمالارىن سالۋ جانە جۇمىس ىستەپ تۇرعاندارىن جاڭعىرتۋ, سونداي-اق سۋ ۇنەمدەۋ تەحنولوگيالارىن قولدانۋ جىل سايىن 6,4 تەكشە كم كولەمىندە قوسىمشا سۋ رەسۋرستارىن جيناۋدى قامتاماسىز ەتەدى. بۇل شارالار «جاسىل قازاقستان» ۇلتتىق جوباسىندا دا بار», دەدى ا. مامين.
ۇكىمەت باسشىسى ەكولوگيا, گەولوگيا جانە تابيعي رەسۋرستار مينيسترلىگىنە ءبىر اي مەرزىمدە 9 سۋ قويماسى مەن 120 كانالدى سالۋ مەن رەكونسترۋكتسيالاۋدىڭ, سونداي-اق ولاردى تسيفرلاندىرۋدىڭ جول كارتاسىن ازىرلەۋدى تاپسىردى.
اۋىل شارۋاشىلىعى, ەكولوگيا, گەولوگيا جانە تابيعي رەسۋرستار مينيسترلىكتەرىنە وڭىرلەردىڭ اكىمدىكتەرىمەن بىرلەسىپ, سۋارمالى جەرلەردە سۋ ۇنەمدەۋ تەحنولوگيالارىن ەنگىزۋ بويىنشا 2025 جىلعا دەيىنگى وڭىرلىك جول كارتالارىن ءبىر اي مەرزىمدە ازىرلەۋ, سونداي-اق جايىلىمدارداعى گيدروتەحنيكالىق قۇرىلىستاردى, قۇدىقتاردى جانە سكۆاجينالاردى جاڭعىرتۋ بويىنشا شارالاردى قابىلداۋ تاپسىرىلدى.
اۋىل شارۋاشىلىعى مينيسترلىگىنە الماتى, تۇركىستان جانە قىزىلوردا وبلىستارىنىڭ اكىمدىكتەرىمەن بىرلەسىپ, سۋدى كوپ قاجەت ەتەتىن داقىلدار – كۇرىش پەن ماقتانىڭ ەگىستىك جەرلەرىن كەزەڭ-كەزەڭىمەن ازايتۋ ماسەلەسىن پىسىقتاۋ تاپسىرىلدى.
