بۇل تۋرالى قر مەملەكەتتىك قىزمەت ىستەرى اگەنتتىگىنىڭ ءباسپاسوز قىزمەتى ءمالىم ەتتى.
ولاردىڭ ناتيجەلەرى تۋرالى اقپارات 2021 جىلعى 4 قازان كۇنىنىڭ سوڭىنا دەيىن pk.rezerv.gov.kz پلاتفورماسىنداعى ءاربىر ۇمىتكەردىڭ جەكە كابينەتتەرىنە جولدانادى.
ال, 2021 جىلعى 6 قازان كۇنى پرەزيدەنتتىك جاستار كادر رەزەرۆىنە ىرىكتەۋدىڭ ەكىنشى كەزەڭىندە ۇمىتكەرلەر ساندىق تەستىلەۋدەن وتەدى.
مەملەكەت باسشىسىنىڭ تاپسىرماسىنا سايكەس مەملەكەتتىك قىزمەت ىستەرى اگەنتتىگى 2021 جىلى پرەزيدەنتتىك جاستار كادر رەزەرۆىنە ەكىنشى ىرىكتەۋدى جۇزەگە اسىرۋدا. ىرىكتەۋدىڭ قورىتىندىسى بويىنشا مەملەكەتتىك سەكتور ءۇشىن 50 رەزەرۆشى الىناتىن بولادى.
پرەزيدەنتتىك جاستار كادر رەزەرۆىنىڭ ماقساتى – قوعامدىق مۇددەلەردى باسشىلىققا الاتىن جاس تالانتتاردى انىقتاۋ.
ىرىكتەۋگە وسى جىلى 8638 ادام ءتيىستى قۇجات تاپسىرىپ, تىركەۋدەن ءوتتى.
