بۇگىندە جەتىساي اۋدانىنا قاراستى جىلى سۋ اۋىلدىق وكرۋگىنىڭ تۇرعىنى قوزىباي اشەكوۆتىڭ ءونىمى سۇرانىسقا يە. اۋىل شارۋاشىلىعى سالاسىنداعى ءبىلىمىن بيزنەسپەن ۇشتاستىرعان اگرونوم ۇلى التايمەن بىرگە پلاستيكالىق قالدىقتاردان «شپيندەلدى ششەتكا» مەن قالىڭدىعى 1 مم بولاتىن ءجىپ شىعارۋدا. بۇعان دەيىن اتالعان ششەتكانى كورشىلەس وزبەكستان ەلىنەن تاپسىرىسپەن الىپ كەلگەن كومباين جۇرگىزۋشىلەرى اۋىل ازاماتىنىڭ قولىنان شىققان ءونىم ساپاسىنىڭ جوعارى, باعاسىنىڭ ارزان ەكەنىن ايتادى. ءبىر كومباينعا 96 دانا كەتەتىن ءبىر ماۋسىمعا جارامدى وزبەكستاندىق ششەتكانىڭ ءار داناسى بازار نارىعىندا 4 مىڭ تەڭگە بولسا, قوزىباي اشەكوۆتىڭ قولىنان شىققان ەكى ماۋسىمعا جارامدى ءونىمنىڭ باعاسى سونىڭ تەڭ جارتىسى, ياعني 2 مىڭ تەڭگە تۇرادى. وسىلايشا, وتباسىلىق بيزنەستى دامىتىپ وتىرعان قوزىباي ءابدىراشيم ۇلى قولىنان ءىس كەلەتىن اۋىلدىڭ تاعى ءبىر تۇرعىنىن جۇمىسپەن قامتىپ وتىر. قولداعى بارىمەن كاسىپ اشقان ازامات الداعى ۋاقىتتا مەملەكەتتىك قولداۋمەن نەسيە الۋعا نيەتتى.
«مەملەكەتىمىزدىڭ جۇيەلى ساياساتىنىڭ ناتيجەسىندە جىل سايىن كاسىپكەرلەرگە جاسالاتىن مەملەكەتتىك قامقورلىقتاردىڭ قاتارى ارتىپ, بەرىلەتىن نەسيەلەردىڭ كولەمى دە كوبەيىپ كەلەدى. ءبىز دە سول باعدارلامالارعا قاتىسىپ, جەڭىلدەتىلگەن پايىزبەن نەسيە الۋدى, الداعى ۋاقىتتا كاسىبىمىزدى كەڭەيتسەك, ءونىم كولەمىن ارتتىرساق دەگەن جوسپاردامىز», دەيدى ق.اشەكوۆ.
بۇگىندە كاسىپكەر كۇنىنە 25 داناعا دەيىن شپيندەلدى ششەتكا جاساۋدا. وتكەن جىلى 28, بيىل 40-قا تارتا كومباينعا ءونىم دايىنداعان ازاماتتار تاپسىرىستىڭ كۇن ساناپ ارتىپ وتىرعانىن ايتادى. سونداي-اق ق.اشەكوۆتىڭ وتباسى جىلىجاي, باۋ-باقشا ءوسىرۋ ءىسىن دە دۇرىس جولعا قويىپ, اۋىل تۇرعىندارىن جىل بويى كوكونىسپەن قامتاماسىز ەتىپ كەلەدى.
