08 اقپان، 2014

مونوپوليالاردى رەتتەۋدەگى ماڭىزدى مىندەتتەر

135 رەت كورسەتىلدى
100-850مەملەكەت باسشىسىنىڭ «قازاقستان جولى – 2050: ءبىر ماقسات، ءبىر مۇددە، ءبىر بولاشاق» اتتى­ جولداۋىنا قاتىستى ءباسپاسوز ءماسليحاتتارى جالعاسىن تاۋىپ جاتىر. كەشە ورتا­لىق كوممۋنيكاتسيالار قىزمەتىندە تابيعي مونوپوليالاردى رەتتەۋ اگەنتتىگى بريفينگ ءوت­كىزدى. وندا وتكەن جىل قورىتىندىلانىپ، بيىل اتقارىلاتىن مىندەتتەر تۋرالى ايتىلدى. ءباسپاسوز ءماسليحاتىنا اگەنتتىك توراعاسىنىڭ ورىنباسارلارى اسىلبەك دۇيسەباەۆ پەن امانجول الپىسباەۆ كەلىپ، مەكەمەنىڭ وتكەن جىلى اتقار­عان جۇمىستارى جونىندە اڭگىمەلەپ، ەلباسى جول­داۋىنداعى سالاعا قاتىستى جۇكتەلگەن ءمىن­دەت­تەرگە توقتالدى. جۋرناليستەر الدىندا ءسوز العان ا.دۇيسەباەۆ «مەملەكەت باسشىسى ءبىزدىڭ ۆەدوستۆوعا قاتىستى بىرقاتار تاپسىرمالار بەردى. سولاردىڭ ىشىندەگى ەڭ باستىلارى – شاعىن جانە ورتا بيزنەستىڭ دامۋىنا جاعداي جاساپ، ين­فراقۇرىلىم تۇتىنۋشىلارىنىڭ قۇقىعىن قالت­قىسىز قورعاۋ»، دەدى. ول ءۇشىن تاريفتەردى تەك­ زاڭ اياسىندا عانا بەكىتۋ كەرەكتىگىن دە قاپەرگە سالدى. قازاقستان الەمنىڭ دامىعان 30 ەلىنىڭ قاتارىنا ەركىن ەنۋدى كوزدەپ وتىر. بۇل ماقسات مەملەكەت باسشىسىنىڭ «قازاقستان-2050» ستراتەگياسىندا انىق كورسەتىلگەن. وسىناۋ بيىك ماقساتقا جەتۋدەگى ەل دامۋىنىڭ جاڭا مىندەتتەرى ەكونوميكانىڭ ءتيىمدى ينفراقۇرىلىمدارىن قۇرۋ ءۇشىن ايرىقشا جاعداي جاساۋدى تالاپ ەتەدى. ناقتى ايتقاندا، سالاعا تولىق جاڭعىرتۋ جۇرگىزبەي، ەكونوميكانىڭ ءتيىمدى ينفراقۇرىلىمىن جاساۋ مۇمكىن ەمەستىگىنە كوزىمىز جەتتى. سوندىقتان الدىڭعى قاتارلى مەملەكەتتەردىڭ تاجىريبەسىنە سۇيەنىپ، مونوپوليالاردى رەتتەۋدى كەزەڭدەپ ەنگىزىپ جاتىرمىز. باستى ماقسات ينۆەستيتسيالىق تارتىمدىلىقتى ارتتىرىپ، كەڭ اۋقىمدى جاڭعىرتۋ جۇرگىزۋ بولىپ وتىر، دەدى ا.دۇيسەباەۆ. توراعا ورىنباسارىنىڭ سوزىنە سەنسەك، بۇگىندە سۋىق جانە ىستىق سۋ ەسەپتەگىش قۇرالدارىن ورناتىپ، جاراقتاندىرۋ دەڭگەيى ەلىمىزدە شامامەن 85، ال ىستىق سۋ بويىنشا 88،3 پايىزدى قۇرايدى ەكەن. ال كوپ پاتەرلى ۇيلەرگە ورتاق جىلۋ ەسەپتەيتىن قۇرىلعىلاردى ورناتۋ ءالى كۇنگە وزەكتى ماسەلە كورىنەدى. بيىلعى جىلى ولاردى ورناتۋدىڭ بالامالى تەتىگى ەنگىزىلىپتى. ول بويىنشا ەسەپتەۋ قۇرىلعىلارى مونوپوليس­تەر ەسەبىنەن ورناتىلاتىن بولادى. «مەملەكەت باسشىسىنىڭ تاپسىرماسىن ورىنداۋ ماقساتىندا بالامالى تەتىكتى ەنگىزەمىز. دەگەنمەن، جىلۋ ەسەپتەۋ قۇرىلعىلارىن ورناتۋ جونىندەگى ءىس-شارالاردى بيۋدجەت ەسەبىنەن دە ىسكە اسىرامىز. ءسويتىپ، بۇيىرتسا 2014 جىلدىڭ سوڭىنا دەيىن قۇرىلعىلارمەن ەلدى 100 پايىز جاراقتاندىرۋ جوسپارلانىپ وتىر»، دەدى بايانداماشى. قازىرگى ۋاقىتتا اگەنتتىك ەكونوميكا جانە بيۋدجەتتىك جوسپارلاۋ مينيسترلىگىمەن بىرلەسىپ، تاريفتىك ساياسات جونىندە 2030 جىلعا دەيىنگى ۇزاقمەرزىمدى باعدارلاما ازىرلەپ جاتقان كورىنەدى. باعدارلامادا تۇتىنۋشىلاردىڭ مۇددەسى ۇنەمى ەسكەرىلىپ، شاعىن جانە ورتا بيزنەستىڭ قاناتىن ەركىن جايىپ دامۋىنا جول اشادى ەكەن. سونداي-اق، تاريف بەلگىلەۋدە اشىقتىقتى جانە ونىڭ مولدىرلىگىن قامتاماسىز ەتەتىن، كورسەتىلەتىن قىزمەتتەردىڭ ساپاسىن كوتەرىپ، قاراجاتتىڭ ماقساتتى پايدالانىلۋىنا باقىلاۋدى كۇشەيتەتىن زاڭ جوباسى دا دايىندالىپتى. بۇل زاڭ جوباسى بويىنشا سالادا جاريالى تىڭداۋلاردى جانە مونوپوليستەردىڭ جىل سايىنعى ەسەپ بەرۋىن وتكىزۋ تاسىلدەرىنە وزگەرىستەر ەنگىزىلەدى. وسىعان وراي، مىسالى، مونوپوليستەر ءتاريفتى كوتەرۋ بويىنشا وتىنىشتەردى ەلەكتروندى ۇلگىدە بەرۋىنە مۇمكىندىك جاسالادى. كەلەشەكتە بۇل شارا مىندەتتى بولىپ تابىلادى. وعان قوسا، تاريفتىك سمەتا مەن ينۆەستيتسيالىق جوبانى ورىنداۋ تۋرالى ەسەپتەردى قاراۋعا قوعامدىق مونيتورينگ جۇيەسىن ەنگىزۋ شاراسى ۇسىنىلىپتى. اتالعان زاڭ قازىر مەملەكەتتىك ورگانداردىڭ كەلىسىمدەرىنەن ءوتىپ جاتقان كورىنەدى. جۋرناليستەردىڭ كوپتەگەن سۇراقتارىنا جاۋاپ بەرگەن اگەنتتىك توراعاسىنىڭ ورىنباسارلارى، ەلورداعا قاتىستى «استانا بويىنشا تاريفتەردىڭ قىمباتتاۋى بولمايدى. سەبەبى، باس قالاداعى ءۇش تابيعي مونوپوليا سۋبەكتىسىنەن ازىرگە وتىنىشتەر تۇسكەن جوق»، دەدى. نۇرباي ەلمۇراتوۆ، «ەگەمەن قازاقستان».
سوڭعى جاڭالىقتار

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار