Reuters اگەنتتىگىنىڭ تالداۋىنا سايكەس, 2,5 ميلليون ادام ءبىر جىلدان استام ۋاقىتتا قايتىس بولسا, كەلەسى 2,5 ميلليون ءولىم سانى سەگىز ايدان از ۋاقىت ىشىندە تىركەلگەن.
سوڭعى اپتادا الەمدە ورتا ەسەپپەن كۇن سايىن 8000 ادام نەمەسە مينۋتىنا بەس ادام قايتىس بولعان. الايدا كەيىنگى كەزدە دۇنيە ءجۇزى بويىنشا ءولىم-ءجىتىم دەڭگەيى تومەندەي باستاعان.
ساراپشىلار «دەلتا» نۇسقاسىنىڭ كەڭىنەن تارالۋىمەن ۆاكتسينا الىپ ۇلگەرمەگەن ەلدەردەگى جاعداي قيىنداي تۇسكەندىگىن, سونداي-اق ۆيرۋستىڭ بۇل نۇسقاسى باي جانە كەدەي ەلدەردىڭ اراسىنداعى ۆاكتسينالاۋ الشاقتىعىن ناقتى كورسەتكەنىن ايتادى.
سوڭعى كۇندەرى ۆاكتسينالاردى كەدەي ەلدەرگە جەتكىزۋگە كوبىرەك كوڭىل بولىنۋدە. وزگە تابىستى ەلدەر ۆاكتسينانىڭ ءۇشىنشى كومپونەنتىن ۇسىنىپ جاتقاندا, كەي ەلدەردىڭ حالقى ءالى العاشقى دوزاسىن دا الىپ ۇلگەرمەگەن.
اگەنتتىكتىڭ ستاتيستيكالىق مالىمەتتەرىنە سايكەس, دۇنيە ءجۇزى تۇرعىندارىنىڭ جارتىسىنان كوبى ۆاكتسيناعا ءالى قول جەتكىزبەگەن.
