ەكى كوماندا تارتىستى ويىن وتكىزدى. بيىلعى ءتۋرنيردى ءساتسىز باستاعاندىقتان كوماندالار ەندى ءاربىر كەزدەسۋددە جەڭىسكە جەتۋگە تىرىسىپ كەلەدى. ويىن بارىسىندا قازاقستاندىق كوماندا حوككەيشىلەرى قاتارىنان ەكى شايبا سوعىپ كەتتى. ونى كيورتيس ۆالك 12, ياكوب بەرگلۋند 12 -مينۋتتا ءوزىنىڭ ەنشىسىنە جازدى.
ودان كەيىن «لوكوموتيۆ» ساپىنان الەكساندر پولۋنين 14, پاۆەل كۋدرياۆتسەۆ 18-مينۋتتا مەرگەندىك تانىتىپ, تارازى باسىن تەڭەستىردى. ەكىنشى كەزەڭدە 35-مينۋتتا داررەن ديتس گول سوعىپ, تاعى دا «بارىستى» العا شىعاردى.
دەسە دە اراعا مينۋت سالماستان رەسەيلىك ارتۋر كايۋموۆ كوزدەگەن نىسانادان ءمۇلت كەتكەن جوق. ءۇشىنشى كەزەڭنىڭ 52-مينۋتىندا الەكساندر پولۋنين تاعى ءبىر گولدىڭ اۆتورى اتاندى. وسىلايشا «بارىس» قارسىلاسىنا 3:4 ەسەبىمەن جول بەردى. ەسكە سالساق, بۇدان بۇرىن «بارىس» رەسەيدە ماسكەۋلىك «دينامودان» جەڭىلىپ قالدى. ەندى «بارىس» 6 قازاندا ەلوردادا رەسەيدىڭ «اۆانگارد» كومانداسىن قابىلدايدى.
