ەلدىڭ ىشكى ىستەر مينيسترلىگىنىڭ مالىمەتىنشە, 30 كەڭەس مۇشەسىن سايلاۋعا قاتىسۋ 63,5%-دى قۇرادى. كەڭەستىڭ تاعى 15 مۇشەسىن بيلەۋشى ءامىر تاعايىندايدى.
اش-شۋرا ءماجىلىسى زاڭ شىعارۋشى بيلىككە يە بولادى جانە جالپى مەملەكەتتىك ساياسات پەن بيۋدجەتتى بەكىتەدى, بىراق قورعانىس, قاۋىپسىزدىك, ەكونوميكالىق جانە ينۆەستيتسيالىق ساياساتتى شەشۋگە قۇقىلى بولمايدى.
كەڭەستەگى 30 ورىنعا 233 كانديدات, ونىڭ ىشىندە 26 ايەل سايىسقا ءتۇستى, بىراق ولاردىڭ ەشقايسىسى جەتكىلىكتى داۋىس جيناي المادى.سايلاۋ كەزىندە بۇكىل ەل بويىنشا ەرلەر مەن ايەلدەر ءار ءتۇرلى سايلاۋ ۋچاسكەلەرىندە داۋىس بەردى.
DW مالىمەتى بويىنشا, كاتاردا ساياسي پارتيالارعا تىيىم سالىنعان جانە بۇعان دەيىن مۋنيتسيپالدى سايلاۋ وتكىزىلگەن. الايدا 2003 جىلعى رەفەرەندۋمدا ازاماتتار كونسۋلتاتيۆتىك اسسامبلەيا مۇشەلەرى ءۇشىن جالپىحالىقتىق داۋىس بەرۋدى كوزدەيتىن جاڭا كونستيتۋتسيانى قابىلدادى. سوعان قاراماستان, ءتۇرلى سەبەپتەرمەن سايلاۋ كەيىنگە شەگەرىلدى. جاقىندا عانا كاتار ءامىرى شەيح تاميم بين حاماد ال تاني سايلاۋ تۋرالى زاڭدى ماقۇلدادى.
