تەحنولوگيا • 03 قازان، 2021

كوكشەتاۋلىق ونەرتاپقىش تىڭ تەحنولوگيا ويلاپ تاپتى

248 رەت كورسەتىلدى

اۆتوردىڭ تۇسىندىرۋىنشە، بۇل قۇرىلعى قاردى نىعىزداپ، ونىڭ تەز ەرىپ كەتۋىنە جول بەرمەيدى. سەرىكباي ساعىندىقوۆتىڭ مۇنداي باستامانى قولعا الۋىنا ەلىمىزدەگى بيىلعى قۋاڭشىلىق سەبەپ بولعان، دەپ جازادى Egemen.kz.

ونەرتاپقىش ويلاپ تاپقان تەحنيكانىڭ سىزباسى قاراپايىم بولعانىمەن تيىمدىلىگى جوعارى. ونى ىسكە اسىرۋعا كوپ قاراجات تا كەتپەيدى. اۆتوردىڭ ايتۋىنشا، بۇل تەحنيكا تراكتورعا تىركەمە رەتىندە جالعاناتىن ءۇش بۇرىشتى ۇلكەن سۇزگىگە ۇقسايدى. تەحنيكا بويىنا جيناعان قاردى نىعىزداپ، ونى مۇزعا اينالدىرىپ شىعارادى.

ونەرتاپقىش تىڭ تەحنيكانى قىستىڭ سوڭىنا قاراي نەگىزىنەن بيىك جەرلەرگە قولدانۋ كەرەكتىگىن ايتادى. سەبەبى قىراتتاردا قار كوپ تۇرمايدى. ال ول نىعىزدالىپ مۇزعا   اينالعان سوڭ ۇزاق ەريدى. سوندىقتان بۇل قاردىڭ ادەتتەگىدەن 2-3 اپتاعا كەش ەرۋىنە  كومەكتەسپەك.

 بيىل سولتۇستىك ايماقتاردا كوپتەن بەرى بولماعان قۋاڭشىلىق بولىپ، استىق جىلداعىدان 1-1،5 ملن تونناعا از جينالدى. الايدا وتكەن قىستا قار كوپ ءتۇستى. «مىنە، سونى ەگىن القاپتارىندا ۇستاي الماعانىمىز قىنجىلتادى» دەيدى ونەرتاپقىش. ايتۋىنشا، مۇنى ويلاپ قازىر عالىمدار دا باس قاتىرىپ جاتقان جوق. جوباسى قولداۋ تاۋىپ، جۇزەگە اسىپ جاتسا، كوكشەتاۋلىق ازامات ونى يننوۆاتسيالىق يدەيالار بايقاۋىندا دا تانىستىرماق نيەتتە.

ونەرتاپقىش بۇل جاڭالىعىن وتاندىق تەلەارنالاردىڭ بىرىندە كوپشىلىككە جاريالادى.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار