د.پوپكو جارتىلاي فينالدا الەمنىڭ 116-ىنشى, جارىستىڭ 3-راكەتكاسى, فرانتسيالىق حيۋگو گاستونمەن كورتقا شىقتى. قازاقستاندىق تەننيسشى 1 ساعات 20 مينۋتقا سوزىلعان ماتچتا 6:3, 6:4 ەسەبىمەن جەڭىسكە جەتتى.
باسەكە بارىسىندا د.پوپكو 2 ەيس جاساپ, 8 برەيك-پوينتتىڭ تەڭ جارتىسىن پايدالانا ءبىلدى. قارسىلاسى 1 ەيس, 2 برەيكتەن (4 برەيك-پوينت) اسا المادى.
د.پوپكو فينالدا دۇنيەجۇزىلىك رەيتينگتە 258-ساتىدا تۇرعان يتاليالىق اندرەا پەللەگرينومەن باس جۇلدە ءۇشىن تالاسادى. يتاليالىق تەننيسشى جارتىلاي فينالدا الەمنىڭ 122-راكەتكاسى, سلوۆاكيالىق اندرەي مارتينمەن كەزدەستى. ەسەپ 6:7 (5:7), 0:1 بولعان كەزدە مارتين ماتچتى جالعاستىرۋدان باس تارتتى.
