كۆادروكوپتەرمەن تۇسىرىلگەن بەينەجازبانى جەرگىلىكتى بلوگەر ازامات سارسەنباەۆ جاريالادى. ونىڭ ايتۋىنشا, جۇزدەگەن قىزعىلت قوقيقاز ماڭعىستاۋداعى قاراكولگە كەلىپ قونعان. ولار قاراشا ايىنىڭ ورتاسىنا دەيىن وسىندا مەكەندەۋى كەرەك. ودان كەيىن يرانعا قاراي ۇشادى.
ەكو-بەلسەندى ساكەن دىلداحمەتتىڭ ايتۋىنشا, قۇستىڭ بۇل ءتۇرى قازاقستاننىڭ قىزىل كىتابىنا ەنگىزىلگەن جانە الەمدە ونىڭ 10-نان استام ءتۇرى كەزدەسەدى.
«قوقيقازدار ءبىزدىڭ ەلگە افريكا, تۇرىكمەنستان, اۋعانستان ەلدەرىنەن ۇشىپ كەلەدى. ءساۋىر ايىندا كەلىپ, كۇن سۋىتقانشا (قىركۇيەك, قازان ايلارىنا دەيىن) بولادى. قوقيقازداردىڭ ەلورداعا جاقىن جەردەگى نەگىزگى مەكەنى قورعالجىن قورىعى, ولاردا سوندا مەكەندەپ, كوبەيەدى. مامانداردىڭ ايتۋىنشا, ەلىمىزگە جىل سايىن 100 مىڭعا جۋىق قوقيقاز ۇشىپ كەلەدى ەكەن. ونىڭ ىشىندە اقمولا, قوستاناي, جامبىل جانە ماڭعىستاۋ وبلىسىنىڭ اۋماعىن مەكەندەيدى. تالدىكولگە كەلسەك, مامانداردىڭ مالىمدەۋىنشە, مۇندا كىشى جانە ۇلكەن 100-دەن استام قۇس مەكەندەيدى. ونىڭ قاتارىندا قوقيقاز, اققۋ, قاز, ۇيرەك, شاعالا, بىرقازان جانە تاعى باسقا قۇستار بار. تالدىكولگە كەلگەن بۇل قوقيقازدىڭ بيىلعى بالاپاندارى. ولار جىلى جاققا ۇشپاس بۇرىن وسىنداي كول مەن كولشىكتەرگە توقتاپ, ءال جيناپ, ودان ءارى ۇشادى», دەيدى ساكەن دىلداحمەت.
