سۋرەتتى تۇسىرگەن – باۋىرجان جۋاسباەۆ
– ەحرو-2020 DUBAI كورمەسىنە نەمەرەلەرىمدى ەرتىپ, ارنايى كەلدىم. العاشقىلاردىڭ ءبىرى بولىپ قازاقستان ۇلتتىق پاۆيلونىن ارالاپ كوردىك. ۇنادى. سىرتقى كەلبەتى الىستان كوز تارتادى. ءىشى دە مازمۇندى ورنەكتەلگەن. تاريحىمىز, تەحنولوگيالىق تابىستارىمىز تەگىس قامتىلعان. بۇيىرتسا باسقا دا ەلدەردىڭ پاۆيلونىن ارالاپ, سالىستىراتىن بولامىز, – دەدى سارا سماجانوۆا.
ول نەمەرەلەرىنىڭ پاۆيلوننان جاقسى اسەر العانىن جەتكىزدى.
– تەحنولوگيانىڭ, عىلىمنىڭ جەتىستىكتەرىن كورىپ سۇيسىندىك. ولاردى قازاقستاننىڭ كەڭ بايتاق دالاسىندا قولدانۋعا بولادى. كەرەمەت ەمەس پە؟! جالپى قازاقستاننىڭ دەربەس ەل رەتىندە مۇنداي اۋقىمدى شارالارعا قاتىسۋى بىزگە قاشاندا ماقتانىش سەزىمىن سىيلايدى. تورتكىل دۇنيە تەگىس باس قوساتىن ءىرى جيىنداردان قازاقستاننىڭ قالىس قالماۋى تاۋەلسىزدىگىمىزدى بەكەمدەي تۇسەدى. ەلىمىزدىڭ ابىرويى اسقاقتاپ, بەدەلى وسە بەرسىن! – دەدى س.سماجانوۆا.
دۋباي, بىرىككەن اراب امىرلىكتەرى
