قازاقستان • 01 قازان، 2021

قوعامدىق كەڭەستەر ءوز وكىلەتتىكتەرىن تولىق ورىندامايدى – ا.بالاەۆا

155 رەت كورسەتىلدى

بۇگىن اقپارات جانە قوعامدىق دامۋ ءمينيسترى ايدا بالاەۆا الماتى قالالىق قوعامدىق كەڭەسىنىڭ مۇشەلەرىمەن كەزدەسۋ وتكىزدى، دەپ حابارلايدى Egemen.kz.

كەزدەسۋ بارىسىندا مينيستر قوعامدىق كەڭەستەردىڭ جۇمىسى مينيسترلىك توڭىرەگىندە ۇنەمى تالدانىپ جانە قوعام بەلسەندىلەرىمەن تالقىلاناتىندىعىن، ال ناتيجەلەرى مەملەكەتتىك ورگاندار مەن ازاماتتىق قوعام ينستيتۋتتارىنىڭ الاڭدارىندا جاريالاناتىندىعىن ايتتى.

«قوعامدىق كەڭەستەر جۇمىسىنىڭ ناتيجەسى رەتىندە ازاماتتىق قوعامنىڭ پىكىرىن ءبىلدىرۋ ماقساتىندا ناقتى ينستيتۋت قۇرىلدى. قوعامدىق كەڭەستەر «حالىق ۇنىنە قۇلاق اساتىن مەملەكەتتى» قالىپتاستىرۋدىڭ ماڭىزدى بۋىنىنا اينالدى»، دەدى ا.بالاەۆا.

قازاقستاندا 249 قوعامدىق كەڭەس قۇرىلىپ، ونىڭ ىشىندە 33-ءى رەسپۋبليكالىق، 216-سى جەرگىلىكتى دەڭگەيدە جۇمىس ىستەيدى.

مينيستر جىل باسىندا ەنگىزىلگەن قوعامدىق كەڭەستەر قىزمەتى بويىنشا زاڭنامالىق وزگەرىستەردىڭ ارقاسىندا قوعامدىق كەڭەس جۇمىسىنىڭ تيىمدىلىگىن ارتتىرۋ ىسىندە ايتارلىقتاي جەتىستىكتەرگە قول جەتكىزىلگەندىگىن اتاپ ءوتتى. ا.بالاەۆا قوعامدىق كەڭەستەردىڭ قىزمەتىن جەتىلدىرۋ جانە ۇيلەستىرۋ بويىنشا مينيسترلىك تاراپىنان جۇرگىزىلىپ جاتقان جۇمىسقا، ونىڭ ىشىندە زاڭعا تاۋەلدى اكتىلەرگە، زاڭنامانىڭ نەگىزگى ەرەجەلەرىن تۇسىندىرۋگە باعىتتالعان ادىستەمەلىك سەمينار-ترەنينگتەر تۋرالى ەگجەي-تەگجەيلى بايانداپ بەردى.

ب

سونداي-اق، مينيستر ساراپشىلار قاۋىمداستىعىمەن بىرلەسىپ، قوعامدىق كەڭەستەر تۋرالى ۇلتتىق بايانداما ازىرلەنىپ جاتقانىن جەتكىزدى.

«قوعامدىق كەڭەستەردىڭ حالىقپەن بايلانىس مەحانيزمدەرىن كۇشەيتۋ ءۇشىن «KAZKENES» اقپاراتتىق پورتالىن تانىمال ەتۋ بويىنشا جۇمىس جۇرگىزىلۋدە»، دەدى مينيستر.

سونىمەن قاتار، ايدا بالاەۆا قوعامدىق كەڭەستەر ءوز وكىلەتتىكتەرىن تولىق كولەمدە ورىندامايتىنىنا نازار اۋداردى.

ءوز كەزەگىندە الماتى قالالىق قوعامدىق كەڭەسىنىڭ مۇشەلەرى قوعامدىق كەڭەستەردىڭ وكىلەتتىكتەرىن كەڭەيتۋ بويىنشا زاڭنامالىق تۇزەتۋلەردىڭ ءىس جۇزىندە قالاي جۇزەگە اسىرىلىپ جاتقانىن، كەيبىر جەرگىلىكتى اتقارۋشى ورگاندارمەن ءوزارا ءىس-قيمىل بويىنشا جۇمىستاعى قيىندىقتار تۋرالى ايتىپ بەردى.

ب

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار