«نەگىزگى ماقسات – ساناق جۇرگىزەتىن مامانداردىڭ قاۋىپسىزدىگىن قامتاماسىز ەتۋ جانە زاڭسىز ارەكەتتەردىڭ الدىن الۋ. بۇگىندە بىرلەسىپ جۇمىس ىستەۋ ءتارتىبى بەكىتىلدى», دەدى ازامات قۇرىمباەۆ ورتالىق كوممۋنيكاتسيالار قىزمەتىندە وتكەن ونلاين بريفينگتە.
ونىڭ ايتۋىنشا, ۋچاسكەلىك ينسپەكتورلار قاجەت بولعان جاعدايدا سايجايلار مەن جاتاقحانالارعا ينتەرۆيۋلەرمەن بىرگە بارادى.
«سونداي-اق ساناق جۇرگىزەتىن ماماندار تىركەۋدە تۇرعان ادامدار مەن تۇرمىسى ناشار وتباسىلارعا بارعاندا پوليتسەيلەر ولاردىڭ جانىندا بولادى», دەپ ءتۇسىندىردى اعا ينسپەكتور.
ايتا كەتەرى, بۇگىننەن باستاپ حالىق ساناعى اياسىندا ينتەرۆيۋەرلەر ءۇي-ءۇيدى ارالاپ, ونلاين ساناقتان وتپەگەن ادامداردىڭ ساۋالناما پاراقشالارىن تولتىرادى. وعان شامامەن 20-30 مينۋت كەتەدى. دەگەنمەن 15 قازانعا دەيىن ونلاين ساناقتان وتۋگە بولادى. ال ينتەرۆيۋەر كەلگەندە SMS-حابارلامانى كورسەتە سالۋ قاجەت.
