بۇل دەرەكتەر قازاقستان حالقى اسسامبلەياسى توراعاسىنىڭ ورىنباسارى مارات ءازىلحانوۆ پەن اقپارات جانە قوعامدىق دامۋ مينيسترلىگى ەتنوسارالىق قاتىناستاردى دامىتۋ كوميتەتىنىڭ توراعاسى عالىم شويكيننىڭ تۇركىستان وبلىسىنا ءىسساپارى اياسىندا وتكەن اۋداندارداعى ەتنومادەني بىرلەستىكتەرى وكىلدەرىمەن كەزدەسۋلەردە كەلتىرىلدى. قازىعۇرت, سارىاعاش, تولەبي, كەلەس, جەتىساي, ماقتاارال, شاردارا اۋداندارىندا جانە ارىس قالاسىندا وتكەن كەزدەسۋلەردە ەتنوسارالىق تۇراقتىلىقتى نىعايتۋ سالاسىنداعى جۇمىستىڭ تيىمدىلىگىن ودان ءارى ارتتىرۋ ماسەلەلەرى تالقىلاندى. تاۋەلسىزدىكتىڭ 30 جىلدىعى اسسامبلەيا جۇمىسىندا ۇلكەن وزگەرىستەر بولعان جىلمەن تۇسپا-تۇس كەلگەنىن اتاپ وتكەن مارات ءازىلحانوۆ ءتۇرلى ەتنوستار وكىلدەرىنىڭ اراسىندا قازاقستاندىق ازاماتتىق بىرەگەيلىكتى نىعايتۋ, ەتنوسارالىق ءوزارا ءىس-قيمىلدىڭ كەڭ كوممۋنيكاتسيالىق الاڭدارىن قالىپتاستىرۋ بويىنشا نىسانالى بىرلەسكەن جۇمىس قاجەتتىگىن ايتتى. ال عالىم شويكين مەملەكەتتىك قىزمەتشىلەردىڭ جۇمىسىنا جانە ولاردىڭ ەلدەگى ەتنوسارالىق تۇراقتىلىقتى نىعايتۋداعى رولىنە, مەملەكەتتىك ورگانداردىڭ ەتنوسارالىق كەلىسىمدى قامتاماسىز ەتۋ سالاسىنداعى جۇمىسىن جەتىلدىرۋ ماسەلەلەرىنە نازار اۋداردى. ياعني ساپالى تالداۋ جانە مونيتورينگ جۇرگىزۋ قاجەت, حالىقپەن اۋقىمدى اقپاراتتىق جانە اقپاراتتىق-ءتۇسىندىرۋ جۇمىسىن ۇيىمداستىرۋ دا ماڭىزدى. سونداي-اق كەزدەسۋدە جاستاردى ينتەگراتسيا رۋحىندا تاربيەلەۋ, مەملەكەتتىك ءتىلدى مەڭگەرۋ, باسقا مادەنيەتتەر مەن داستۇرلەر وكىلدەرىمەن ءوزارا ءىس-قيمىل جاساۋعا بەيىلدىلىك تانىتۋ قاجەتتىلىگى اتاپ ءوتىلدى. بۇل باعىتتا اسسامبلەيانىڭ بارلىق قۇرىلىمى, انالار كەڭەستەرى, قوعامدىق كەلىسىم كەڭەستەرى, جاستار ۇيىمدارى ەتنوسارالىق كوممۋنيكاتسيا الاڭى رەتىندە جۇمىس ىستەۋى ءتيىس.
ال سايرام اۋدانى قارابۇلاق اۋىلدىق وكرۋگىندە وتكەن كەزەكتى جيىنعا تۇركىستان وبلىسى اكىمىنىڭ ورىنباسارى س.قالقامانوۆ قاتىسىپ, وڭىردەگى ەتنوسارالىق كەلىسىمدى نىعايتۋ باعىتىندا اتقارىلىپ جاتقان جۇمىستارعا توقتالدى. كەزدەسۋدە مارات ءازىلحانوۆ مەملەكەت باسشىسىنىڭ جاڭا جولداۋىنىڭ ەرەكشە ماڭىزدىلىعىن, «ۇلتتىڭ ۇيىسۋى – ودان ءارى دامۋدىڭ باستى فاكتورى» دەپ اتالاتىن جەتىنشى ءبولىمى تاتۋلىق پەن كەلىسىم ساياساتى ماسەلەلەرىنە ارنالعانىن اتاپ ءوتتى. جالپى سايرام اۋدانىنداعى قارابۇلاق اۋىلىندا 53 مىڭعا جۋىق حالىق تۇرادى. تۇرعىنداردىڭ كوپشىلىگى وزبەك ەتنوسىنىڭ وكىلدەرى. اياداي اۋىلدا ورتاشا ەسەپپەن 50 مىڭ باس ءىرى قارا مال بورداقىلانادى. بۇل اۋىلدى كوپشىلىك قازاقستاننىڭ كىشىگىرىم ەت دايارلاۋ كومبيناتى دەپ تە جاتادى. كۇن سايىن وسى اۋىلدا ورتاشا ەسەپپەن 100 تونناعا جۋىق ەت ءوندىرىلىپ, شىمكەنت, الماتى قالالارىنداعى بازارلاردى ەتپەن قامتاماسىز ەتەدى.
كەزدەسۋدە ءسوز العان سايرام اۋداندىق وزبەك ەتنومادەني بىرلەستىگىنىڭ توراعاسى گ.رايمكۋلوۆ ايماقتاعى ەتنوسارالىق تاتۋلىق پەن كەلىسىم باعىتىندا اتقارىلىپ جاتقان جۇمىستاردى باياندادى. جيىندى قورىتىندىلاعان مارات ءازىلحانوۆ ەتنوسارالىق ءوزارا ءىس-قيمىلدىڭ كەڭ كوممۋنيكاتسيالىق الاڭدارىن قالىپتاستىرۋ باعىتىندا نىسانالى جانە بىرلەسكەن جۇمىستى جالعاستىرۋ قاجەتتىگىن ايتىپ ءوتتى.
تۇركىستان وبلىسى
