ايماقتار • 30 قىركۇيەك، 2021

تۇرىك ينۆەستورلارى الماتى وبلىسىندا 3 جوبانى ىسكە قوستى

104 رەت كورسەتىلدى

الماتى وبلىسىندا تۇرىك ينۆەستورلارىنىڭ قاتىسۋىمەن ءۇش كاسىپورىننىڭ اشىلۋ سالتاناتى ءوتتى. سالتاناتتى شاراعا قازاقستان قر سىرتقى ىستەر ءمينيسترىنىڭ ورىنباسارى الماس ايداروۆ، قر تۇركياداعى ەلشىسى ابزال ساپاربەك ۇلى، الماتى وبلىسى اكىمىنىڭ ورىنباسارى سەرىك تۇرداليەۆ جانە ت.ب. قاتىستى، دەپ جازادى Egemen.kz.

گاز جانە ەلەكتر پليتالارىن ءوندىرۋدى ۇيىمداستىرۋ بويىنشا العاشقى جوبانى «Almaty Turmystyq Tehnika Zavody» جشس-مەن بىرلەسىپ تۇركيانىڭ جەتەكشى كومپانيالارىنىڭ ءبىرى «Femas Metal Sanayi ve Ticaret A. S» ىسكە اسىردى. قۇنى $7 ملن بولاتىن جوبا 200-گە دەيىن جاڭا جۇمىس ورىندارىن قۇرۋعا مۇمكىندىك بەرەدى دەپ جوسپارلانۋدا. جوبانىڭ جىل سايىنعى وندىرىستىك قۋاتى 200 000 پليتانى قۇرايتىن بولادى. ايتا كەتۋ كەرەك، Femas Metal زاۋىتى 40 جىلدان استام تاجىريبەسى بار تۇركياداعى گاز جانە ەلەكتر تۇرمىستىق تەحنيكاسىن ءوندىرۋ بويىنشا كوشباسشىلاردىڭ ءبىرى بولىپ تابىلادى، كومپانيا ءوز ءونىمىن 6 كونتينەنتتەگى 130 ەلدە شىعارادى.

1

ء«بىز ءاربىر تۇرىك كومپانياسىمەن ىنتىماقتاستىعىمىزدى باعالايمىز جانە ەكى ەل يگىلىگى ءۇشىن ەكىجاقتى سەرىكتەستىك الەۋەتىن دامىتۋعا دايىنبىز. قازاقستان اۋماعىندا تۇرىك جوبالارىن ىسكە اسىرۋ كادرلاردىڭ بىلىكتىلىگىن تۇراقتى ارتتىرۋعا جانە ءتيىمدى وندىرىستىك تىزبەكتى جونگە سالۋعا ءسوزسىز ىقپال ەتەتىنىنە سەنىمدىمىن، بۇل ءوز كەزەگىندە ەلدىڭ تۇراقتى دامۋىنا جاڭا ينۆەستيتسيالاردىڭ كەلۋىن ىنتالاندىرادى»، دەپ اتاپ ءوتتى الماس ايداروۆ.

ەكىنشى جوبانىڭ ينۆەستورى تۇرىكتىڭ «Aysultan Candy» كومپانياسى اتىنان «ياكار» جشس بولدى. جوبانىڭ قۇنى شامامەن $3 ملن. وسى جوبا اياسىندا جىلىنا 6 000 توننا ءونىم، ونىڭ ىشىندە 2 400 توننا شوكولاد، سونداي-اق 3 600 توننا لوليپوپ شىعارۋ جوسپارلانۋدا، بۇل جۇمىس ورىندارىن 90 ادامعا دەيىن ارتتىرادى.

1

«بۇگىندە تۇركيالىق ينۆەستورلاردىڭ قاتىسۋىمەن قازاقستاندا 50-دەن استام ينۆەستيتسيالىق جوبالار تابىستى جۇزەگە استى. اشىلعالى وتىرعان زاۋىت بيىل قازاقستاندا اشىلىپ وتىرعان ءۇشىنشى كاسىپورىن. بۇل تۇركيانىڭ ەلىمىزدىڭ تاۋەلسىزدىك مەرەيتويىنا وراي جاساعان ەرەكشە سىيى دەپ قابىلدايمىز. زاۋىت ەلىمىزدىڭ، سونىڭ ىشىندە الماتى وبلىسى ەكونوميكاسىنىڭ ودان ءارى دامۋىنا زور ۇلەس قوساتىندىعىنا سەنىمدىمىن»، دەپ اتاپ ءوتتى قر تۇركياداعى  ەلشىسى ابزال ساپاربەك ۇلى.

ايتا كەتەيىك، «ياكار» جشس قازاقستانداعى، سونداي-اق ورتا ازياداعى كونديتەرلىك ونىمدەردىڭ ءىرى وندىرۋشىلەرىنىڭ ءبىرى. بۇگىنگى تاڭدا كاسىپورىننىڭ اسسورتيمەنت قورجىنىنا كارامەل كامپيتتەرى، شوكولاد كامپيتتەرى، دراجە (جەرجاڭعاق) جانە ت. ب. سياقتى كونديتەرلىك ونىمدەر كىرەدى.

كەلەسى جوبا - VOKS Otomotiv Kapi Sistemleri تۇرىك كومپانياسىنىڭ اۆتوماتتى قاقپالار ءوندىرىسىن قۇرۋ جوباسى. جوبانىڭ باستاپقى كەزەڭدەگى قۇنى $1 ملن.  كومپانيا سەكتسيالىق ەسىك جۇيەلەرى، پۆح-برەزەنتتەن جاسالعان ەسىك جۇيەلەرى، تيەۋ رامپالارى جۇيەلەرى، سونداي-اق تيەۋ سيلفوندىق جۇيەلەر سياقتى ونىمدەردى ۇزدىكسىز ءوندىرۋدى جانە ولارعا قىزمەت كورسەتۋدى قامتاماسىز ەتەدى.

وسى جوبالاردى ىسكە اسىرۋ شەڭبەرىندە تۇرىك سەرىكتەستەرىنە جان-جاقتى كومەكتى قر ءسىم، قازاقستاننىڭ تۇركياداعى ەلشىلىگى، «KAZAKH INVEST» ۇك» اق جانە جەرگىلىكتى اتقارۋشى ورگاندار كورسەتتى.

سوڭعى جاڭالىقتار

پولياك اندەرى ورىندالدى

ونەر • بۇگىن، 09:00

ءتورت تىلدە جازىلعان كىتاپ

ايماقتار • بۇگىن، 08:55

كەلەسى قارسىلاس – سەربيا

تەننيس • بۇگىن، 08:51

ءوندىرىس ورىستەگەن ءوڭىر

ايماقتار • بۇگىن، 08:49

سۇرانىس پەن ۇسىنىستىڭ اراسى

ءبىلىم • بۇگىن، 08:43

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار