بريفينگكە قر پرەمەر-ءمينيسترىنىڭ ورىنباسارى رومان سكليار, اۋىل شارۋاشىلىعى ءمينيسترى ەربول قاراشوكەەۆ, يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ جانە ەنەرگەتيكا ءمينيسترى ماعزۇم مىرزاعاليەۆ قاتىستى.
ەكونوميكانى قالپىنا كەلتىرۋ جانە ودان ءارى ءوسۋ تراەكتورياسىنا شىعۋ ءۇشىن پرەزيدەنتتىڭ تاپسىرماسى بويىنشا 2022 جىلدىڭ سوڭىنا دەيىن قازاقستاندا «قاراپايىم زاتتار ەكونوميكاسى» باعدارلاماسى شەڭبەرىندە شاعىن جانە ورتا بيزنەستى قولداۋ شارالارى ۇزارتىلدى.
«باعدارلامانى ىسكە اسىرۋدىڭ 2,5 جىلىندا 787 ملرد تەڭگە سوماسىنا 3011 جوبا ماقۇلداندى. اتالعان جوبالاردى ىسكە اسىرۋ ىشكى نارىقتى وتاندىق تاۋارلارمەن تولىقتىرۋعا, وڭدەۋ ونەركاسىبىنىڭ باسەكەگە قابىلەتتىلىگىن ىنتالاندىرۋعا, ەڭ الدىمەن, حالىق تۇتىناتىن تاۋارلاردىڭ اۋقىمدى نومەنكلاتۋراسىن شىعارۋعا باعىتتالعان», دەپ اتاپ ءوتتى ر.سكليار.
بارلىق جوبانى ىسكە اسىرۋدىڭ ارقاسىندا 35 مىڭ جاڭا جۇمىس ورنى قۇرىلىپ, سالىق بازاسى 100 ملرد تەڭگەگە ۇلعايادى دەپ بولجانىپ وتىر.
