«ورتاق ەكولوگيالىق پروبلەمالاردى شەشۋ ءۇشىن ۇكىمەتتەر اراسىندا ەكولوگيا, بيوالۋاندىقتى ساقتاۋ, ترانسشەكارالىق سۋ كوزدەرىن بىرلەسىپ ساقتاۋ جانە پايدالانۋ سەكىلدى 7 كەلىسىمگە قول قويىلعان. كەلىسىمدەر جوسپار بويىنشا ىسكە اسىپ جاتىر. بىراق ەكولوگيالىق احۋال ناشارلاۋىن جالعاستىرىپ جاتىر. ونى شەشۋ ءۇشىن حالىقارالىق دەڭگەيدەگى بىرلەسكەن كۇش-جىگەردى بەلسەندىرۋ قاجەت. وسىعان بايلانىستى فورۋمعا قاتىسۋشىلاردىڭ نازارىن مىنا ماسەلەلەرگە اۋدارعىم كەلەدى», دەدى مەملەكەت باسشىسى.
«وسىنىڭ اياسىندا كوپتەگەن ەلدەر وسى عاسىردىڭ ورتاسىنا قاراي كومىرتەگى بەيتاراپتىعىنا قول جەتكىزەتىندەرى تۋرالى مالىمدەدى. جاڭا رەتتەۋ تەتىكتەرى ەنگىزىلىپ جاتىر. ونىڭ ىشىندە ەۋرووداقتىڭ كومىرتەگى سالىعى تۋرالى باستامالارى دا بار. قازاقستان دا رەسەي سياقتى الەمدەگى ەڭ ەنەرگيا تۇتىنۋشى ەلدەردىڭ ءبىرى. ونەركاسىپ ءوندىرىسىنىڭ 50 پايىزدان استامىن كەن ءوندىرۋ سالاسى قۇرايدى. ەلەكتر ەنەرگياسىنىڭ 70 پايىزى كومىردەن الىنادى. وسىنىڭ وزىندە جوعارى تاۋەلدىلىككە قاراماستان, قازاقستان 2060 جىلعا قاراي كومىرتەگى بەيتاراپتىعىنا قول جەتكىزۋ مالىمدەدى. بۇل تولىق مۇمكىن جانە اقىلعا قونىمدى مىندەت», دەپ تولىقتىردى قاسىم-جومارت توقاەۆ.
