پارلامەنت • 30 قىركۇيەك، 2021

كاسپي تەڭىزىنىڭ ەكولوگيالىق جاعدايىنا قاتىستى زاڭ جوباسى ماقۇلداندى

18 رەت كورسەتىلدى

ءماجىلىس توراعاسى نۇرلان نىعماتۋلين جالپى وتىرىستا ازاماتتىق قوعامدى قورشاعان ورتانى قورعاۋعا قاتىستىرۋ ءۇشىن جاعداي جاساۋ كەرەك ەكەنىنە نازار اۋداردى، دەپ جازادى Egemen.kz.

سۋرەتتى تۇسىرگەن ج.قۇسپانوۆ

دەپۋتاتتار «كاسپي تەڭىزىنىڭ تەڭىز ورتاسىن قورعاۋ جونىندەگى نەگىزدەمەلىك كونۆەنتسياعا كاسپي تەڭىزىن جەرۇستى كوزدەرىنەن جانە قۇرلىقتا جۇزەگە اسىرىلاتىن قىزمەت ناتيجەسىندە لاستانۋدان قورعاۋ جونىندەگى حاتتامانى راتيفيكاتسيالاۋ تۋرالى» زاڭ جوباسىن ماقۇلدادى.

حاتتامانىڭ ماقساتى - كاسپي تەڭىزىنىڭ لاستانۋىن بولعىزباۋ، ازايتۋ، باقىلاۋ جانە الدىن الۋ. وسىعان وراي، دەپۋتاتتار ەكولوگيا، گەولوگيا جانە تابيعي رەسۋرستار مينيسترىنە حالىقتىڭ كاسپي تەڭىزىن قورعاۋ جونىندەگى ءىس-شارالارعا قالاي قاتىسا الاتىنى تۋرالى ساۋال قويدى.

نۇرلان نىعماتۋليننىڭ ايتۋىنشا، جەر قويناۋىن پايدالانۋشىلاردىڭ كەلىسىمشارتىندا كورسەتىلگەن بارلىق ەكولوگيالىق مىندەتتەمە بويىنشا تولىق جانە سەنىمدى اقپارات تاراتۋ كەرەك. بۇل قوعامنىڭ كاسپي تەڭىزىن، جالپى قورشاعان ورتانى قورعاۋعا  اتسالىسۋى ءۇشىن قاجەت.

حاتتامادا لاستانۋ كوزدەرىن باقىلاۋ جونىندەگى شارالارعا نەگىزدەلگەن وڭىرلىك جانە ۇلتتىق باعدارلامالاردى نەمەسە ءىس-قيمىل جوسپارلارىن قابىلداۋ كوزدەلگەن.  

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار