پرەزيدەنت • 30 قىركۇيەك، 2021

پرەزيدەنتتىڭ حالىقارالىق ىنتىماقتاستىق جونىندەگى ارناۋلى وكىلى براتيسلاۆاعا باردى

32 رەت كورسەتىلدى

قازاقستان پرەزيدەنتىنىڭ حالىقارالىق ىنتىماقتاستىق جونىندەگى ارناۋلى وكىلى ەرجان قازىحان سلوۆاكيامەن اراداعى ىنتىماقتاستىقتى ودان ءارى نىعايتۋ پەرسپەكتيۆالارىن تالقىلاۋ ءۇشىن جۇمىس ساپارىمەن براتيسلاۆاعا باردى، دەپ جازادى Egemen.kz اقوردانىڭ ءباسپاسوز قىزمەتىنە سىلتەمە جاساپ.

ساپار اياسىندا سلوۆاكيا ۇلتتىق كەڭەسىنىڭ (پارلامەنتىنىڭ) ۆيتسە-توراعاسى يۋراي بلانارمەن جانە ۇلتتىق كەڭەسى حالىقارالىق ىستەر جونىندەگى كوميتەتىنىڭ توراعاسى ماريان كەريمەن، سىرتقى جانە ەۋروپالىق ىستەر ءمينيسترى يۆان كورچوكپەن جانە سلوۆاكيا پرەزيدەنتى كەڭسەسىنىڭ سىرتقى بايلانىستار دەپارتامەنتىنىڭ ديرەكتورى يانا كوبزوۆامەن كەزدەستى.

كەزدەسۋلەردە ەكى ەل اراسىنداعى ىنتىماقتاستىقتىڭ قازىرگى جاعدايى مەن دامۋ پەرسپەكتيۆاسى تالقىلاندى. ەرجان قازىحان قازاقستان سلوۆاكيانى ەۋروپالىق وداقتاعى سەنىمدى ءارى پەرسپەكتيۆتى سەرىكتەس رەتىندە قاراستىراتىنىن جانە ءوزارا ءتيىمدى قارىم-قاتىناستاردى دامىتۋعا ۇلكەن ءمان بەرەتىنىن ايتتى. سونداي-اق ول ەۋروپالىق وداقپەن ءتيىمدى ىنتىماقتاستىقتى دامىتۋ – قازاقستاننىڭ سىرتقى ساياساتىنىڭ ستراتەگيالىق باسىم باعىتى ەكەنىن اتاپ ءوتتى.

سلوۆاكيالىق ارىپتەستەر قازاقستاننىڭ COVID-19-عا قارسى «QazVac» ۆاكتسيناسىن ازىرلەۋ جانە ەنگىزۋدەگى جەتىستىگىن جوعارى باعالادى. تاراپتار، سونىمەن قاتار، ۆاكتسينا پاسپورتتارىن ءوزارا تانۋ ماسەلەلەرىن تالقىلادى.

وتكەن كەزدەسۋلەر بارىسىندا مەملەكەت باسشىسى قاسىم-جومارت توقاەۆتىڭ باستاماسىمەن جۇرگىزىلىپ جاتقان ەلىمىزدەگى ساياسي جاڭعىرۋدىڭ ماڭىزى زور ەكەنى ايتىلدى. پرەزيدەنتتىڭ ارناۋلى وكىلى قازاقستاننىڭ ستراتەگياسى «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس دەموكراتيالىق قۇندىلىقتاردى، ادام قۇقىقتارى مەن زاڭ ۇستەمدىگىن ىلگەرىلەتۋگە باعىتتالعانىن جەتكىزدى.

كەزدەسۋلەردە حالىقارالىق كۇن تارتىبىندەگى وزەكتى ماسەلەلەر، ونىڭ ىشىندە جاھاندىق جانە وڭىرلىك قاۋىپسىزدىك ماسەلەلەرى، الەمدىك قوعامداستىقتىڭ اۋعانستانداعى جاعدايدى تۇراقتاندىرۋعا كۇش جۇمىلدىرۋى جان-جاقتى تالقىلاندى. اۋعانستانعا بۇۇ، ەو جانە حالىقارالىق قارجى ينستيتۋتتارى تاراپىنان گۋمانيتارلىق كومەك كورسەتۋدە ودان ءارى تىعىز جانە ءتيىمدى حالىقارالىق ىنتىماقتاستىقتىڭ ماڭىزدىلىعى جانە وسى پروتسەستەردەگى قازاقستاننىڭ ءرولى اتاپ ءوتىلدى.

ساپار اياسىندا ەرجان قازىحان قازاقستاندا بيزنەس جۇرگىزەتىن سلوۆاك كومپانيالارىنىڭ باسشىلارىمەن كەزدەستى. ەكى ەلدىڭ كاسىپكەرلەرى ماشينا جاساۋ، قورعانىس ونەركاسىبى، ەنەرگەتيكا، جاسىل تەحنولوگيالار، ينجينيرينگ، IT، اۋىل شارۋاشىلىعى، قالدىقتاردى قايتا وڭدەۋ، فارماتسەۆتيكا جانە تۋريزم سالالارىنا ءوزارا قىزىعۋشىلىق تانىتىپ وتىر. وسى باعىتتاعى جۇمىستار كەلەسى وتىرىسى 2022 جىلدىڭ ءبىرىنشى توقسانىندا براتيسلاۆادا وتەدى دەپ جوسپارلانىپ وتىرعان ەكونوميكالىق جانە عىلىمي-تەحنيكالىق ىنتىماقتاستىق جونىندەگى ۇكىمەتارالىق كوميسسيا اياسىندا پىسىقتالماق. قازىردىڭ وزىندە قازاقستاندا سلوۆاكيا بيزنەسىنىڭ قاتىسۋىمەن 30-عا جۋىق كومپانيا جۇمىس ىستەيدى. تاراپتار الداعى ۋاقىتتا ولاردىڭ سانى ارتا تۇسەتىنىنە سەنىم ءبىلدىردى.

ساپار بارىسىندا ەرجان قازىحان Finančné Noviny جاڭالىقتار مەن تالداۋ پورتالىنىڭ باس رەداكتورىنا ەكسكليۋزيۆتى سۇحبات بەردى. سۇحباتتا قازاقستاننىڭ سلوۆاكيامەن جانە ەۋروپالىق وداق اراسىنداعى ىنتىماقتاستىقتى ودان ءارى دامىتۋدىڭ پەرسپەكتيۆالارى، سونداي-اق مەملەكەتىمىزدىڭ ەكونوميكالىق دامۋىنىڭ نەگىزگى باعىتتارى ايتىلدى.

سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

اۋىل ەڭبەككەرلەرىمەن جۇزدەستى

ساياسات • بۇگىن، 08:15

شەكارانىڭ شەبى بەرىك

قازاقستان • كەشە

ۇقساس جاڭالىقتار