جوبانى «Royal Hijyen» تۇرىك كومپانياسى تۇركىستان وبلىسىنىڭ «CaPable Group» مۇگەدەكتەر قوعامىمەن بىرلەسىپ جۇزەگە اسىرادى. وعان قر ءسىم, قازاقستاننىڭ تۇركياداعى ەلشىلىگىنىڭ, «Kazakh invest» ۇك» اق, سونداي-اق ءوڭىر اكىمدىگى قولداۋ ءبىلدىرىپ وتىر. قازاقستان ەكونوميكاسىنا سالىنعان ينۆەستيتسيالاردىڭ جالپى كولەمى 3 ملن دوللاردى قۇرادى.
سالتاناتتى شاراعا قر تۇركياداعى ەلشىسى ابزال ساپاربەك ۇلى, تۇركىستان وبلىسىنىڭ اكىمى ومىرزاق شوكەەۆ, تۇركىستان وبلىسى اكىمىنىڭ ورىنباسارى راشيد ايۋپوۆ, تۇرىك كومپانياسىنىڭ باسشىلىعى جانە ت. ب. قاتىستى.
زاۋىتتا 50-گە جۋىق جۇمىس ورنى اشىلادى. ايتا كەتەيىك, جوبا الەۋمەتتىك ماقساتتا اشىلعان. فابريكادا جۇمىس ىستەيتىن ادامداردىڭ 60%-ىن ەرەكشە قاجەتتىلىكتەرى بار ادامدار قۇرايدى.
ينۆەستوردىڭ ايتۋىنشا, ءوندىرىستىڭ ءبىرىنشى كەزەڭىندە بالالارعا ارنالعان, ال ەكىنشى كەزەڭىندە ەرەسەكتەرگە ارنالعان جورگەك شىعارىلادى. سونىمەن قاتار, جىلىنا 100 ملن دانا جايالىق شىعارىپ, تولىق قۋاتتىلىققا شىققاننان كەيىن ەاەو جانە تمد ەلدەرىنە ەكسپورتقا شىعۋ جوسپارلانىپ وتىر.
«بۇل وتاندىق ەكسپورتتىق الەۋەتتى ارتتىرۋعا مۇمكىندىك بەرەدى», دەپ جازىلعان «Kazakh invest» ءباسپاسوز حابارلاماسىندا.
