25 قىركۇيەكتە ءوڭىر باسشىسى نۇرلان نوعاەۆتىڭ توراعالىعىمەن وبلىستاعى اۋىل شارۋاشىلىعى سالاسىنداعى وزەكتى ماسەلەلەر تالقىلانعان جيىن ءوتتى.
جيىنعا اۋىل شارۋاشىلىعى سالاسىنىڭ ماماندارى, ارداگەرلەرى, شارۋا قوجالىقتارىنىڭ يەلەرى مەن جەرگىلىكتى اتقارۋشى ورگانداردىڭ وكىلدەرى قاتىسىپ, مال يەلەرى مەن مەملەكەتتىك ورگان وكىلدەرى سۇحبات قۇرىپ, پىكىر الماستى.
كەزدەسۋدە جەمشوپ دايىنداۋ, مال جايىلىمىنا جەر بەرۋ, قۇدىق قازۋ سىندى بىرقاتار ماسەلە قارالدى. ايماق باسشىسى بەلسەندىلىك تانىتقان ازاماتتارعا العىسىن ايتىپ, جاۋاپتى تۇلعالارعا اۋىل شارۋاشىلىعى سالاسىن جاقسارتۋعا ارنالعان ءار ازاماتتىڭ ۇسىنىسىن زەردەلەۋدى تاپسىردى.
جيىندا سونداي-اق قازىرگى تاڭدا ماڭعىستاۋ وبلىسىنىڭ اكىمدىگى مال سۋارۋعا قاجەتتى قۇدىق قازۋعا ارنالعان سۋبسيديانىڭ كولەمىن ۇلعايتۋ مۇمكىندىكتەرىن قاراستىرىپ جاتقانى ايتىلدى.
– ءتورت ت ۇلىك ءۇشىن سۋدىڭ اسا ماڭىزدى تىرشىلىك كوزى ەكەنىن بارلىعىمىز بىلەمىز. مەملەكەت باسشىسى ماڭعىستاۋ وبلىسىنا كەلگەن ساپارىندا ۇكىمەتكە قۇدىق قازۋعا بەرىلەتىن سۋبسيديا كولەمىن 50-دەن 80 پايىزعا دەيىن ارتتىرۋدى تاپسىردى. بۇدان بولەك, قازىر ءبىز قۇدىق قازۋعا جۇمسالاتىن شىعىنداردى تاعى 10% جەرگىلىكتى بيۋدجەتتەن سۋبسيديالاۋدى قاراستىرىپ جاتىرمىز. ناتيجەسىندە, سۋبسيديانى 90%-عا دەيىن ۇلعايتقىمىز كەلەدى. ماسەلە مۇقيات زەردەلەنىپ, وڭ شەشىمىن تاپسا, وبلىستىق ماسليحاتقا ۇسىناتىن بولامىز, – دەدى ءوڭىر باسشىسى.
نۇرلان نوعاەۆ سونداي-اق جينالعانداردى اۋىل شارۋاشىلىعىن دامىتۋ مەن مال باعۋدا ءتيىمدى تاسىلدەردى قولدانۋعا شاقىردى.
– بيىلعى قۋاڭشىلىق وبلىستاعى بارلىق مال يەسىنىڭ باسىنا تۇسكەن ورتاق قيىنشىلىق, ورتاق سىناق بولدى. ءبىز بۇل تىعىرىقتان بىرلەسكەن جۇيەلى جۇمىستىڭ ارقاسىندا عانا شىعا الامىز. سالا ارداگەرلەرىنىڭ تاجىريبەلەرى مەن كەڭەستەرى وتە ماڭىزدى, ونى مىندەتتى تۇردە پايدالانامىز. سونداي-اق مال شارۋاشىلىعىمەن اينالىسقىسى كەلەتىن ءار شارۋا ءوز مۇمكىندىگىن ەسكەرگەنى دۇرىس. تابيعي جانە كليماتتىق جاعدايلار بار, جەمشوپ بازاسى بولۋ كەرەك, مالدى باعۋ قاجەت دەگەندەي. مەملەكەتتىك ورگاندار زاڭ شەڭبەرىندە بارىنشا كومەكتەسەدى, بىراق ءاربىر ازاماتتىڭ مالى ءۇشىن جاۋاپ بەرمەيدى. اۋىل شارۋاشىلىعىن ناتيجەلى جۇرگىزۋ ءۇشىن جۇيەلى جۇمىس ىستەۋ كەرەك, – دەدى وبلىس اكىمى.
سونداي-اق ماڭعىستاۋ وبلىسىندا مال ازىعى قورىن قالىپتاستىرۋعا قوسىمشا قاراجات بولىنبەك. ناقتىراق ايتساق, قوسىمشا 3,2 ملرد تەڭگە بولىنەدى. بۇل قاراجاتقا 26 200 توننا جەم مەن 4000 توننا ءشوپ ساتىپ الۋ جوسپارلانۋدا.
سونىمەن قاتار الەۋمەتتىك ماڭىزى بار ازىق-ت ۇلىك تاۋارلارىنىڭ قورىن تولىقتىرۋ, تۇتىنۋعا بەرىلگەن اۋىز سۋ قۇنىن سۋبسيديالاۋ, اقتاۋ قالاىشىلىك مارشرۋتىنىڭ 6 باعىتى بويىنشا اۆتوپاركتىڭ جاڭارتىلۋىن سۋبسيديالاۋ جانە ت.ب. بىرقاتار الەۋمەتتىك ماڭىزداعى ماسەلەنى قارجىلاندىرۋ جولعا قويىلماق.
ايماق باسشىسى نۇرلان نوعاەۆ وبلىستىڭ الەۋمەتتىك-ەكونوميكالىق دامۋى بارلىق مەملەكەتتىك ورگانداردىڭ ۇيلەسىمدى جۇمىس ىستەۋ ناتيجەسىندە ىسكە اساتىنىن ايتتى.
ماڭعىستاۋ وبلىسى
