پىكىرتالاس الاڭىندا ۋاكىلەتتى مەملەكەتتىك ورگانداردىڭ, عىلىمي-زەرتتەۋ ۇيىمدارىنىڭ وكىلدەرى جانە ماشينا جاساۋ يندۋسترياسىنىڭ 50-دەن استام وندىرۋشىلەرى جينالدى. وتىرىستى يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك كاماليەۆ اشتى.
قاتىسۋشىلار وتاندىق تەمىرجول ماشيناسىن جاساۋدى دامىتۋدىڭ نەگىزگى باعىتتارىن تالقىلادى. تەمىرجول ونىمدەرىنىڭ ساپاسىن ارتتىرۋ, تسيفرلاندىرۋدى دامىتۋ جانە رەسۋرسۇنەمدەۋشى تەحنولوگيالاردى ەنگىزۋ ماسەلەلەرى قوزعالدى. تەمىرجول كولىگى ءۇشىن ينجەنەرلىك كادرلاردى دايارلاۋعا نازار اۋدارىلدى.
وتىرىستا سالانى دامىتۋدىڭ شەشۋشى فاكتورلارىنىڭ ءبىرى عىلىمي-زەرتتەۋ جانە تاجىريبەلىك-كونسترۋكتورلىق قىزمەت (عزتكج) سالاسىندا عىلىم مەن ونەركاسىپتىڭ كووپەراتسياسىن كۇشەيتۋ كەرەكتىگى تىلگە تيەك بولدى.
«قتج» ۇك» اق باس ينجەنەرى باتىر كوتىرەۆتىڭ ايتۋىنشا, عزتكج دامىتۋ بويىنشا شارالار كەشەنىن ازىرلەۋ, عىلىمي-زەرتتەۋ قىزمەتىن قارجىلاندىرۋ كوزدەرىن انىقتاۋ, سونداي-اق عىلىم مەن بيزنەستىڭ ءوزارا ءىس-قيمىل تەتىكتەرىن ايقىنداۋ ءۇشىن «سامۇرىق-قازىنا» قورىنىڭ پورتفەلدىك كومپانيالارىن عىلىممەن, ونەركاسىپپەن ۇشتاستىراتىن بىرىڭعاي ۇيلەستىرۋ ورگانىن قۇرۋ قاجەت.
«قتج» ۇك» اق-دا عزتكج-نى قالىپتاستىرۋعا جانە قولداۋعا ۇلكەن ماڭىز بەرىلەدى. عزتكج ونىمدەرى ونەركاسىپتىك پايدالانۋعا ءساتتى ەنگىزىلۋدە جانە ايتارلىقتاي ەكونوميكالىق ناتيجە اكەلۋدە. بۇل پروتسەسكە كومپانيانىڭ تەحنيكالىق ورتالىعى قىزمەتكەرلەرى بەلسەندى قاتىسىپ كەلەدى.
2018-2020 جىلدار ارالىعىندا «قتج» ۇك» اق-دا 194 تاجىريبەلىك-كونسترۋكتورلىق جۇمىستار قارالىپ, 70-كە جۋىق تەحنيكالىق تاپسىرمالار بەرىلىپ, 51 قابىلداۋ جانە الدىن الا سىناقتان جانە 10 بىلىكتىلىك سىناعىنان وتكىزىلدى. بۇگىنگى تاڭدا 63 ءونىم پايدالانۋدى باقىلاۋ ساتىسىندا.
تەحنيكالىق ورتالىق ديرەكتورى ازامات جانگەلدىنىڭ ايتۋىنشا, جاقىن ارادا ورتالىقتى قايتا قۇرۋ اياقتالادى. بۇل تەمىرجول ماشينا جاساۋ كاسىپورىندارىمەن ء«بىر تەرەزە» قاعيداتى بويىنشا جۇمىس ىستەۋگە مۇمكىندىك بەرەدى. بۇدان باسقا, بولاشاقتا تاجىريبەلىك-كونسترۋكتورلىق جۇمىستاردى باسقارۋ ءۇشىن تسيفرلى پلاتفورما قۇرۋ جوسپارلانۋدا.
ماسەلەلەردى تالقىلاۋ قورىتىندىسى بويىنشا فورۋمعا قاتىسۋشىلار شەشىمدەر قابىلداپ, بىرلەسكەن ۇسىنىمدار ازىرلەدى. تەمىرجول ونىمدەرىن وندىرىسكە قويۋ تيىمدىلىگىن ارتتىرۋ بويىنشا جۇمىس جالعاسادى. ماشينا جاساۋ كاسىپورىندارىنا وتاندىق عىلىمي-زەرتتەۋ ۇيىمدارىمەن عزتكج جۇرگىزۋدى قولداۋعا باسا نازار اۋدارۋ, كونسترۋكتورلىق بيۋرولاردى دامىتۋ جونىندەگى جۇمىستاردى كۇشەيتۋ جانە كاسىپورىنداعى باس كونسترۋكتور مارتەبەسىن كوتەرۋ ۇسىنىلدى.
سەكتسيالىق وتىرىس قورىتىندىسى بويىنشا تەمىرجول ماشينا جاساۋ كاسىپورىندارى مەن وتاندىق عىلىمي-زەرتتەۋ ينستيتۋتتارى اراسىندا عىلىمي-زەرتتەۋ جۇمىستارى بويىنشا قاناتقاقتى جوبالاردى ىسكە اسىرۋ ءۇشىن كەلىسىمدەرگە قول قويىلدى.
