قارجى ءمينيسترىنىڭ 2021 جىلعى 29 قىركۇيەكتەگى بۇيرىعىمەن اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى بولىپ نۇرالحان كوشەروۆ تاعايىندالدى. بۇگىن قارجى مينيسترلىگى اپپاراتىنىڭ باسشىسى ا.بەيسەنبەك ۇلى اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ ۇجىمىنا جاڭا باسشىنى تانىستىردى.
نۇرالحان ورالباي ۇلى وڭتۇستىك قازاقستان مەملەكەتتىك ۋنيۆەرسيتەتىن, م.اۋەزوۆ اتىنداعى قازاق گۋمانيتارلىق زاڭ ۋنيۆەرسيتەتى, رەسەي فەدەراتسياسىنىڭ پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن بىتىرگەن.
سالىق ورگاندارىنداعى ەڭبەك جولىن 2008 جىلدان باستاعان. مەملەكەتتىك كىرىستەر ورگاندارىندا ءتۇرلى لاۋازىمداردا ءجۇمىس ىستەگەن.
2015-2018 جىلدارى شىمكەنت قالاسى اكىمىنىڭ ورىنباسارى بولعان. ال, 2018 جىلدىڭ قازان ايىنان بەرى شىمكەنت قالاسى بويىنشا مەملەكەتتىك كىرىستەر دەپارتامەنتىنىڭ باسشىسى لاۋازىمىن اتقارعان.
