تۇركىستاندا تۇركىتىلدەس ەلدەردىڭ پارلامەنتتىك اسسامبلەياسىنىڭ ونىنشى مەرەيتويلىق وتىرىسى اياقتالدى. جيىننىڭ تابىستى وتكەنىنە سەنىمدىمىن. تۇركىستان قالاسىنا 2018 جىلى وبلىس ورتالىعى مارتەبەسى بەرىلدى. سودان بەرگى ۋاقىتتا قالا قۇرىلىسىندا قانداي جەتىستىككە جەتكەنىمىزدى ءوزىڭىز دە كورگەن بولارسىز. بيىل قالادا تۇركى كەڭەسىنىڭ وتىرىسىن وتكىزۋ جوسپارلانعان ەدى, بىراق پاندەمياعا بايلانىستى جيىن ونلاين ءوتتى, دەدى قازاقستاننىڭ تۇڭعىش پرەزيدەنتى.
«ەلباسى ۇزاق جىلدار بويى ەكىجاقتى قاتىناس ورناتۋ مەن ونى تەرەڭدەتۋ جولىندا قىزمەت ەتكەنىنە توقتالدى. – مەنىڭ مارقۇم گەيدار الي ۇلىمەن جانە رەسپۋبليكانىڭ قازىرگى باسشىسى يلحام گەيدار ۇلىمەن جەكە قارىم-قاتىناسىم ءاردايىم جوعارى دەڭگەيدە. ءبىز ءۇشىن بۇل دوستىقتىڭ ورنى بولەك», دەدى نۇرسۇلتان نازارباەۆ.
ءوز كەزەگىندە ساگيبا گافاروۆا ەلباسىعا قوناقجاي پەيىلى ءۇشىن العىس ءبىلدىرىپ, ازەربايجان پرەزيدەنتى يلحام اليەۆتىڭ ىزگى لەبىزىن جەتكىزدى.
«مەن ءبىزدىڭ حالىقتاردىڭ اراسىنداعى قارىم-قاتىناس دامىپ جاتقانىنا قۋانىشتىمىن. ءبىزدى جاقىنداستىراتىن دۇنيەلەر كوپ, ول: تۇركى الەمى, ءداستۇرىمىز, مادەنيەتىمىز. بۇعان تۇركىستان قالاسىنا بارعاندا كوز جەتكىزدىم. قالا بارشامىزدى تاڭعالدىردى», دەدى س.گافاروۆا.
ميللي ءماجىلىس توراعاسى قازاقستاننىڭ ەلورداسىنان العان اسەرى تۋرالى دا ايتتى.
«جاڭادان قالا سالۋ ءۇشىن ساياسي ەرىك-جىگەر عانا ەمەس, ءسىز سياقتى ءوز ەلىنىڭ پاتريوتىنا ءتان ۇلكەن جۇرەك تە كەرەك», دەدى س.گافاروۆا.
