«متق» اق-نىڭ KZ-CERT كومپيۋتەرلىك ينتسيدەنتتەرگە ارەكەت ەتۋ قىزمەتى ينتەرنەتتىڭ قازاقستاندىق سەگمەنتىن مونيتورينگتەن وتكىزۋ پروتسەسىندە SMB حاتتاماسى بويىنشا قولجەتىمدى فايل سەرۆەرىن انىقتادى. بۇل سەرۆەر شەتەلدىك ءبىلىم بەرۋ مەكەمەسى فيليالدارىنىڭ بىرىنە تيەسىلى.
فايلدا ستۋدەنتتەر مەن وقىتۋشىلاردىڭ قاشىقتىقتان وقىتۋ جۇيەسىنە ارنالعان جەكە كابينەتىنىڭ لوگينى مەن ءپارولى بار قۇپيا دەرەكتەر, سونداي-اق ءارتۇرلى ىشكى قۇجاتتار ساقتالعان.
الاياقتاردىڭ ونى وقۋشىلار مەن وقىتۋشىلاردىڭ جەكە كابينەتىنە كىرۋ ءۇشىن پايدالانىپ, اقپاراتتى رۇقساتسىز وزگەرتۋ قاۋپى بار. ول ارقىلى باعالاردى وزگەرتۋگە دە بولادى.
بۇدان باسقا, انىقتالعان سەرۆەردە فايلدى كەدەرگىسىز جۇكتەۋ جانە وزگەرتۋ مۇمكىندىگى بار.
KZ-CERT سەرۆەر يەلەنۋشىسىنە ينتەرنەتتەن قولجەتىمدىلىكتى شەكتەۋ جونىندەگى ۇسىنىم جىبەردى.
