زەرتتەۋشىلەر ماكاكالارعا تاجىريبە جاساۋدى اياقتادى, وعان دەيىن تىشقاندار مەن حومياكتارعا زەرتتەۋ جۇرگىزگەن. ناتيجەسىندە ۆاكتسينا جانۋارلاردى ينفەكتسيادان قورعاپ قانا قويماي, ۆيرۋستى 100% بەيتاراپتاندىرعان.
تابىنوۆتىڭ ايتۋىنشا, مايمىلدارعا جاسالعان جۇمىستار تۋرالى سوڭعى يممۋنوگەندىلىك دەرەكتەردى العاننان كەيىن, ادامداردا تەستىلەۋ جۇمىسىن باستاۋعا بولادى.
ادام اعزاسىنداعى Naruvax-C19 كلينيكالىق سىناقتارى مۇقيات دايىندىقتى قاجەت ەتەدى.
ءبىرىنشى سىناق ۆاكتسينانى ازىرلەۋشى توپقا جاسالادى.
«بۇگىندە كوروناۆيرۋسقا قارسى ۆاكتسينالاردىڭ ەشبىرى ينفەكتسيادان تولىقتاي قورعاي الماسا دا, اۋرۋدىڭ اۋىر ءوتۋىنىڭ جانە اۋرۋحاناعا ءتۇسۋدىڭ الدىن الادى. Naruvax-C19 تۋرالى ايتاتىن بولساق, بۇل پرەپارات ءالى كلينيكالىق سىناقتاردان وتپەگەن, سوندىقتان قورىتىندى جاساۋعا ەرتەرەك», دەدى ول.
قازىرگى ۋاقىتتا ۆاكتسينا تۋرالى عىلىمي ماقالا پرەپينتى Researsh Square حالىقارالىق پلاتفورماسىندا ورنالاسقان. سونىمەن بىرگە Nature جۋرنالىنا ۇسىنىلعان.
ء«بىز ماقالا وڭ باعاسىن الىپ, جاقىن ارادا جاريالانادى دەپ ۇمىتتەنەمىز», دەدى رەسپوندەنت.
