بعم ءمينيسترى قوستاناي قالاسىنا جۇمىس ساپارى بارىسىندا وڭىردەگى كوللەدجدەر مەن جوعارى وقۋ ورىندارىن دا ارالادى. بۇل تۋرالى مينيستر ءوزىنىڭ Facebook پاراقشاسىندا جازدى.
«قوستاناي پوليتەحنيكالىق كوللەدجىنىڭ تەحنيكالىق جابدىقتالۋىن تەكسەرىپ, وقۋ پروتسەسىمەن تانىستىم. ديرەكتوردىڭ ايتۋىنشا, ءبىلىم ورداسىندا 1200-دەن استام ستۋدەنت وقيدى. ولاردىڭ اراسىندا بولاشاق ەلەكترومەحانيكتەر, ەلەكتر مونتاجشىلار, ناۋبايشىلار, كونديتەرلەر, استىق وڭدەۋ ونەركاسىبىنىڭ ماماندارى جانە تاعى باسقالار بار. ستۋدەنتتىڭ ساپالى پراكتيكالىق داعدىلاردى مەڭگەرۋى ءۇشىن قاجەتتى قۇرال-جابدىقتار فرانتسيا, گەرمانيا, اقش, بەلارۋس جانە يتاليادان ساتىپ الىنعان», دەپ جازدى مينيستر.
مينيستر ستۋدەنتتەرمەن اڭگىمەلەسىپ, وقۋ ۇردىسىمەن تانىستى. نان ءپىسىرۋ جانە كونديتەرلىك باعىتتار بويىنشا وقىپ جاتقان ستۋدەنتتەردىڭ جۇمىسىن كورىپ, جاقىندازاڭنامالىق تۇزەتۋلەر ەنگىزىلگەنىن, ەندى كوللەدجدە دايىندالاتىن ءونىمدى ساتۋعا بولاتىنىن جەتكىزدى.
«بۇل بالالاردىڭ وقۋعا جانە ودان ءارى بىلىكتىلىگىن جەتىلدىرۋگە دەگەن قىزىعۋشىلىعىن ارتتىرادى دەپ سانايمىن», دەدى ايماعامبەتوۆ.
ستۋدەنتتەر وقۋ پروتسەسى قالاي ءوتىپ جاتقانى تۋرالى ايتىپ, جوسپارلارىمەن ءبولىستى. وقىتۋشىلار دا ءبىلىم بەرۋ ۇيىمىنىڭ جەتىستىكتەرى تۋرالى بايانداپ, ستۋدەنتتەرى WorldSkills چەمپيوناتىندا 2 مەدال جەڭىپ العانىن ايتتى. كوللەدجدە ءبىلىم بەرۋدى ودان ءارى دامىتۋ تۋرالى ماسەلەلەر مەن ۇسىنىستار تالقىلاندى.
سونداي-اق مينيستر احمەت بايتۇرسىنوۆ اتىنداعى قوستاناي وڭىرلىك ۋنيۆەرسيتەتىنە باردى.
«بۇل ۋنيۆەرسيتەت ستۋدەنتتەرگە پراكتيكالىق ءبىلىم بەرۋ بارىسىندا دۇرىس باعىت العانىن اتاپ وتكىم كەلەدى. ۋنيۆەرسيتەتكە كىرەبەرىستە تۇرعان تەحنيكا — كاماز كولىگى بىردەن كوزگە تۇسەدى. وزدەرىڭىز بىلەتىندەي, قوستاناي وبلىسىنىڭ يندۋستريالىق ايماعىندا ەكى جاڭا «كاماز» زاۋىتى سالىنىپ جاتىر. بۇگىندە جوعارى وقۋ ورنىندا ماشينا جاساۋ ماماندىعىن يگەرىپ جاتقان ستۋدەنتتەر تاجىريبەدەن ءوتىپ, ءارى قاراي وسى كاسىپورىنداردا جۇمىسقا ورنالاسۋى ءۇشىن كەلىسسوزدەر جۇرگىزىلىپ جاتىر. سونىمەن قاتار وسى جازدا ا. بايتۇرسىنوۆ اتىنداعى قوستاناي وڭىرلىك ۋنيۆەرسيتەتىنىڭ 30 ستۋدەنتى ەكى اي كولەمىندە رەسەيدەگى «كاماز» جەتەكشى كاسىپورنىندا وندىرىستىك پراكتيكادان ءوتتى. بۇل ا. بايتۇرسىنوۆ اتىنداعى قوستاناي وڭىرلىك ۋنيۆەرسيتەتى مەن قازان فەدەرالدىق ۋنيۆەرسيتەتىنىڭ (قفۋ) نابەرەجنىە چەلنى ينستيتۋتى اراسىنداعى مەموراندۋمنىڭ ناتيجەسىندە مۇمكىن بولدى», دەيدى باس ۇستاز.
سونىمەن بىرگە جۇمىس بەرۋشىلەر جوعارى وقۋ ورنىنا كەلىپ, ءدارىس وقيدى. بۇل تاجىريبە بەلگىلى ءبىر ماماندىق بويىنشا تەرەڭدەتىپ وقىتۋ ءۇشىن ەنگىزىلگەن. ولاردىڭ اراسىندا «اگروماشحولدينگ» ونەركاسىپتىك كاسىپورنىنىڭ جانە قۇس فابريكالارىنىڭ وكىلدەرى, تاماق ونەركاسىبىنىڭ وندىرۋشىلەرى بار.
ء«سوز كەزەگىندە قوستانايداعى زاۋىتتاردىڭ ءبىرىنىڭ باسشىسى قىزمەتكەرلەردىڭ ۇشتەن ءبىر بولىگى وسى ا. بايتۇرسىنوۆ اتىنداعى قوستاناي وڭىرلىك ۋنيۆەرسيتەتىنىڭ تۇلەكتەرى ەكەنىن اتاپ ءوتتى. سونداي-اق وقۋ اۋديتوريالارىمەن جانە جوو زەرتحانالارىنىڭ جۇمىسىمەن تانىستىم», دەپ جازادى مينيستر.
