ءورت شىققان جەردە تالدىقورعان ورمان شارۋاشىلىعىنىڭ, قازاۆياورمانقورعاۋ, الماتى وبلىسىنىڭ تجد, جەرگىلىكتى اتقارۋشى ورگانداردىڭ كۇشتەرى مەن قۇرالدارى جۇمىس جۇرگىزىپ جاتىر. وقيعا ورنىندا شتاب ۇيىمداستىرىلدى. ۇزدىكسىز بايلانىستى ۇيىمداستىرۋ ءۇشىن كوماندالىق-شتابتىق ماشينا, اەروۆيزۋالدى باقىلاۋ ءۇشىن پيلوتسىز-ۇشۋ اپپاراتى بار جەدەل توپ-درون جىبەرىلدى.
ءورتتى سوندىرۋگە بارلىعى 105 ادام, 17 بىرلىك تەحنيكا, 8 موتوپومپا, سونداي-اق قر تجم «قازاۆياقۇتقارۋ» اق 1 بورت تىكۇشاعى جانە 4 ادام ەكيپاج جۇمىلدىرىلدى.
ەسكەلدى اۋدانىنىڭ اكىمدىگى ءورتتى سوندىرۋگە جۇمىلدىرىلعان ادامدارعا ىستىق تاماق ۇيىمداستىردى.
«ەلدى مەكەندەرگە قاۋىپ جوق. ەڭ جاقىن ەلدى مەكەن - تەكەلى قالاسى 17 شاقىرىم قاشىقتىقتا ورنالاسقان», دەپ جازادى تجم ءباسپاسوز قىزمەتى.
ەستەرىڭىزگە سالا كەتەيىك, 27 قىركۇيەكتە ساعات 15.19-دا الماتى وبلىسى ەسكەلدى اۋدانىنىڭ قورا شاتقالىنداعى تالدىقورعان ورمان شىلىعىنىڭ اۋماعى التىنشى ومارتا اۋدانىندا جەتۋى قيىن تاۋلى جەرلەردە قۇرعاق ءشوپ, بۇتالار, ارالاس ورمان جانعان بولاتىن. جالىن 25 گەكتاردى قۇرادى.
