سپورت • 29 قىركۇيەك, 2021

اۋىر اتلەتيكادان ەرلەر قۇراماسىنىڭ اعا باپكەرى قىزمەتىنەن كەتتى

240 رەت

كورسەتىلدى

1 مين

وقۋ ءۇشىن

سەرگەي سەدوۆ اۋىر اتلەتيكادان قازاقستان ەرلەر قۇراماسىنىڭ اعا باپكەرى قىزمەتىنەن بوساتىلدى, دەپ حابارلايدى Egemen.kz.

دانا مىرزاقادىر

اۋىر اتلەتيكادان ەرلەر قۇراماسىنىڭ اعا باپكەرى قىزمەتىنەن كەتتى

فەدەراتسيا قۇرامانىڭ بۇرىنعى مۇشەلەرى باپكەرلىك شتابتى ايىپتاۋ تۋرالى ءىستى تەرگەۋ اياسىندا كوميسسيا قۇرىلاتىنىن ءمالىم ەتتى. وعان ساراپشىلار مەن سپورت ارداگەرلەرى ەندى.

«تەرگەۋ بارىسىندا كوميسسيا 2021 جىلعى 28 قىركۇيەكتەن باستاپ ءمان-جايلار انىقتالعانعا جانە قىزمەتتىك تەرگەۋ جونىندەگى تاۋەلسىز كوميسسيا ءتيىستى قورىتىندى شىعارعانعا دەيىن قر ەرلەر ۇلتتىق قۇراماسىنىڭ اعا جاتتىقتىرۋشىسى سەرگەي سەدوۆتى قىزمەتىنەن شەتتەتۋ تۋرالى شەشىم قابىلدادى», دەلىنگەن حابارلامادا.

كوميسسيا قۇرامىنا قازاقستان رەسپۋبليكاسىنىڭ ەڭبەك سىڭىرگەن قايراتكەرى, I حالىقارالىق ساناتتاعى سپورت تورەشىسى ستەرليكوۆ ا.ا, I حالىقارالىق ساناتتاعى سپورت تورەشىسى سولوۆەۆا و, اۋىر اتلەتيكادان ەكى دۇركىن الەم چەمپيونى, قر سپورتشىلار وداعىنىڭ مۇشەسى پودوبەدوۆا س, قر اۋىر اتلەتيكا فەدەراتسياسىنىڭ اتقارۋشى ديرەكتورى نۋرالينوۆ ا. د. ەندى.

فەدەراتسيا ءباسپاسوز قىزمەتى الماتى وبلىستىق پوليتسيا دەپارتامەنتى اۋىراتلەت البەرت ليندەردىڭ ولىمىنە قاتىستى قىلمىستىق ءىس قوزعاعانىن ەسكە سالدى.