ماجىلىستەگى كەزدەسۋدە نۇرلان نىعماتۋلين مەن ساحيبا گافاروۆا پارلامەنتارالىق ىنتىماقتاستىقتىڭ پەرسپەكتيۆالارىن تالقىلادى. سونىمەن بىرگە قازاقستان مەن ازەربايجان باسشىلارى اراسىنداعى كەلىسىمدەردى زاڭنامالىق قولداۋ, سونداي-اق جان-جاقتى دامۋ مۇمكىندىكتەرىن اتاپ ءوتتى.
ءماجىلىس توراعاسى قازاقستاننىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ ازەربايجانمەن قارىم-قاتىناستى نىعايتۋعا قوسقان ەرەكشە ۇلەسىن ەسكە سالدى. سونىمەن قاتار بۇگىندە مەملەكەت باسشىسى قاسىم-جومارت توقاەۆ باكۋمەن ىنتىماقتاستىقتى تەرەڭدەتۋگە ۇلكەن ءمان بەرەتىنىن اتاپ ءوتتى.
ء«بىزدىڭ ەلىمىزدى ورتاق مادەنيەت, ءداستۇر, ورتاق وتكەن تاريح بايلانىستىرادى», دەدى ساحيبا گافاروۆا.
سونداي-اق بيىل ەكى ەلدىڭ تاۋەلسىزدىك العانىنا 30 جىل تولعانى تۋرالى ايتا وتىرىپ, ەكى حالىقتىڭ باس قوسۋى مەن ەلدەردىڭ جاڭعىرۋىنداعى ەلباسى نۇرسۇلتان نازارباەۆ پەن ازەربايجان پرەزيدەنتى گەيدار اليەۆتىڭ تاريحي رولىنە توقتالدى.
نۇرلان نىعماتۋلين مەن ساحيبا گافاروۆا ىنتىماقتاستىق توپتارىنىڭ, مامانداندىرىلعان كوميتەتتەردىڭ بىرلەسكەن جۇمىسىن جانداندىرۋدى, زاڭ شىعارۋ تاجىريبەسىمەن الماسۋدى جالعاستىرۋعا كەلىستى.
تاراپتار تۇركىستان قالاسىندا وتكەن تۇركپا ح پلەنارلىق وتىرىسى تۋرالى دا پىكىر الماستى جانە كەزدەسۋدە قابىلدانعان شەشىمدەر پارلامەنتارالىق ديالوگتى نىعايتۋعا ۇلەس قوساتىنىنا سەنىم ءبىلدىردى.
