بۇدان باسقا, قر ەڭبەك كودەكسىنە تج, تو جانە باسقا دا شەكتەۋ شارالارى كەزەڭىندە قىزمەتكەرلەردى قالىپتى جۇمىس رەجيمىنەن قاشىقتان جۇمىس ىستەۋگە اۋىستىرۋ ءتارتىبىن وڭايلاتاتىن تۇزەتۋلەر ەنگىزىلدى. سونداي-اق قىزمەتتىڭ ەرەكشەلىگىن ەسكەرە وتىرىپ, قاشىقتىقتان جانە ادەتتەگى جۇمىس كەزەكتەسەتىن ارالاس جۇمىس رەجيمىن پايدالانۋ مۇمكىندىكتەرى جاقسارتىلدى. سونىمەن قاتار, جۇمىس بەرۋشى مەن قىزمەتكەردىڭ ارالاس جانە قاشىقتان جۇمىس رەجيمىندەگى قۇقىعى مەن مىندەتى جانە باسقا دا بىرقاتار وزگەرىس كورسەتىلگەن.
بۇل رەتتە ەۋرازيالىق ەكونوميكالىق وداق تۋرالى شارتتا قاشىقتان ەڭبەك ەتۋ ءۇشىن ەاەو-عا مۇشە مەملەكەتتىڭ ازاماتىن قابىلداعان جۇمىس بەرۋشى قاي ەلدىڭ زاڭناماسىن قولدانۋى كەرەك ەكەنىن رەتتەيتىن نورمالار جوق.
«وسىعان بايلانىستى, قازىرگى ۋاقىتتا ەۋرازيالىق ەكونوميكالىق ينتەگراتسيانى دامىتۋدىڭ 2025 جىلعا دەيىنگى ستراتەگيالىق باعىتىن ىسكە اسىرۋ شەڭبەرىندە, جۇمىس بەرۋشى ەاەو-عا مۇشە باسقا مەملەكەتتىڭ اۋماعىندا تىركەلگەن جاعدايدا, مۇشە مەملەكەتتە جۇمىستاردى ورىندايتىن قىزمەتكەرلەردىڭ قۇقىقتىق جاعدايىن رەتتەۋ قاجەتتىلىگى تۋرالى ۇسىنىستار ازىرلەنەدى», دەپ جازادى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى.
