«بۇگىن جۇمىس ساپارى بارىسىندا قوستاناي وبلىسىنداعى مەكتەپتەرگە باردىم. ميچۋرين اۋىلدىق مەكتەبى ديرەكتورىنىڭ بەلسەندىلىگى جانە ونىڭ ءبىلىم بەرۋ ۇيىمى جايلى, وقۋ ءۇردىسى تۋرالى قىزىعۋشىلىقپەن ايتىپ بەرگەنى قۋانتتى. ديرەكتور جىل سايىن مەكتەپ كوبىرەك قاراجات الاتىنىن ايتتى. ماسەلەن, بيىل «Nur Otan» پارتياسىنىڭ باعدارلاماسى شەڭبەرىندە مەكتەپتى مودەرنيزاتسيالاۋعا قوسىمشا قارجى بولىنگەن.
ساپار بارىسىندا ارىپتەستەرىممەن دە اڭگىمەلەستىم. مۇعالىمدەر جاڭا وقۋ جىلىنىڭ ەرەكشەلىكتەرى تۋرالى ايتىپ بەردى. ولار 45 مينۋتتىق ساباققا ورالۋ ماسەلەسىنە وڭ باعا بەردى. ويتكەنى پەداگوگتەر بۇل ۋاقىتتى وتكەن ماتەريالدى قايتالاۋعا جانە وقۋشىلاردىڭ بىلىمىندەگى ولقىلىقتاردىڭ ورنىن تولتىرۋعا جۇمسايدى. مۇعالىمدەر ءبىلىم الۋشىلاردىڭ وفلاين فورماتتان كەيىن ءداستۇرلى وقۋ پروتسەسىنە قايتا بەيىمدەلۋلەرىنە ەموتسيونالدىق تۇرعىدا قولداۋ كورسەتۋ ءۇشىن بار كۇش-جىگەرىن جۇمساپ جاتىر.
سونداي-اق باستاۋىش سىنىپتا وقيتىن بۇلدىرشىندەرمەن اڭگىمەلەستىم. ولار ونلاين وقۋ فورماتى ىڭعايسىز بولعانىن, ال بۇگىنگى تاڭدا مۇعالىمدەرىمەن قاۋىشىپ, سىنىپتاستارىن كورگەندەرىنە جانە ءداستۇرلى فورماتتا ءبىلىم الىپ جاتقاندارىنا قۋانىشتى ەكەندەرىن ايتتى. وقۋ كابينەتتەرىن ارالاپ شىققاننان كەيىن بەينەباقىلاۋ كامەرالارى مەن دابىل باتىرمالارىنىڭ جۇمىسىن تەكسەردىم. سونداي-اق ول قالاداعى №27 ورتا مەكتەبىنە باردىم. وقۋ كابينەتتەرىن ارالاپ, ۇيىمنىڭ ماتەريالدىق-تەحنيكالىق جابدىقتالۋىمەن, مەكتەپ كىتاپحاناسىمەن تانىستىم. ۇستازدارمەن جانە وقۋشىلارمەن اڭگىمەلەستىم. سونىمەن بىرگە ءبىلىم بەرۋ ۇيىمدارىنىڭ جانە وبلىستاعى اۋداندىق ءبىلىم بولىمدەرىنىڭ باسشىلارىمەن كەزدەستىم», دەدى ا.ايماعامبەتوۆ.
ءمينيستردىڭ ايتۋىنشا, ەكى ساعات كولەمىندە پەداگوگتەر, مەكتەپ جانە كوللەدج باسشىلارى ديرەكتورلاردى تاعايىنداۋ ەرەجەلەرىنە, روتاتسيالاۋعا, مۇعالىمدەردى جۇمىسقا قابىلداۋعا, ءبىلىم بەرۋ سالاسىندا ۆەرتيكالدى باسقارۋ جۇيەسىن ەنگىزۋگە قاتىستى سۇراقتار قويدى.
مۇعالىمدەردى قايتا دايارلاۋدىڭ ماڭىزى جانە تىرەك (رەسۋرستىق) مەكتەپتەردىڭ بەكىتىلگەن ءبىلىم بەرۋ ۇيىمدارىمەن ءوزارا بايلانىسىنداعى قيىندىقتار, اۋىلدىق مەكتەپتەردە جان باسىنا قارجىلاندىرۋدى ەنگىزۋ قاجەتتىلىگى تۋرالى ايتىلدى. كوللەدج قىزمەتكەرلەرى اكادەميالىق ەركىندىك, كوللەدجدەر مەن جوعارى وقۋ ورىندارىنىڭ ءبىلىم بەرۋ باعدارلامالارىن سينحرونيزاتسيالاۋ ماسەلەلەرىن كوتەردى. سونداي-اق كوللەدجدەن كەيىن ستۋدەنت ءبىلىم الۋ ءۇردىسىن جوعارى وقۋ ورنىندا جالعاستىرعان كەزدە ونىڭ كوللەدجدەگى ناتيجەلەرىنىڭ جوو-دا ەسكەرىلۋى سىندى سۇراقتار تالقىلاندى.
«وقۋعا قۇشتار مەكتەپ» جوباسى وبلىستا بەلسەندى جۇزەگە اسىرىلىپ جاتقانىنا, سونداي-اق كوركەم ادەبيەت ساتىپ الىنعانىنا, مەكتەپ كىتاپحانالارىنىڭ مودەرنيزاتسيالانىپ جاتقانىنا ريزا بولدىم», دەدى مينيستر.
