«ەلەكتروندىق ەڭبەك بيرجاسىندا پايدالانۋشىلارعا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى شەڭبەرىندە ىسكە اسىرىلاتىن جوبالار بويىنشا بوس ورىندار قولجەتىمدى بولدى: «ۇرپاقتار كەلىسىمشارتى» (كەيىننەن تۇراقتى جۇمىس ورنىنا جۇمىسقا ورنالاسا وتىرىپ, باستاپقى تاجىريبە الۋ ءۇشىن) جانە ء«بىرىنشى جۇمىس ورنى» ء(بىلىمى جانە جۇمىس تاجىريبەسى جوق جاستار ءۇشىن)», دەپ جازادى ەڭبەك جانە حالىقتى الەۋمەتتىك قورعاۋ مينيسترلىگى.
بۇدان باسقا, ەەب-تەگى جەكە كابينەتتە قازاقستاندىقتار جۇمىس ىزدەپ جۇرگەن ادام نەمەسە جۇمىسسىز رەتىندە ەسەپكە تۇرا الادى. جۇمىسىنان ايىرىلعان جاعدايدا الەۋمەتتىك تولەم الۋعا ءوتىنىم بەرەدى. سونداي-اق مەملەكەت سۋبسيديالايتىن جۇمىس ورىندارىنان (جاستار پراكتيكاسى, قوعامدىق جۇمىستار جانە الەۋمەتتىك جۇمىس ورىندارى) بوس ورىن تاڭداي الادى.
جىل باسىنان بەرى 102 مىڭنان استام ازامات ەڭبەك بيرجاسى ارقىلى مەملەكەتتىك قىزمەتتەردى پايدالاندى, ونىڭ ىشىندە 88 مىڭى جۇمىسسىز مارتەبەسىن الدى. جالپى, 47,8 مىڭ ازامات جۇمىسقا ورنالاستىرىلدى, ونىڭ ىشىندە 24,4 مىڭى مەملەكەت سۋبسيديالايتىن جۇمىس ورىندارىنا ورنالاستىرىلدى. 12,2 مىڭ قازاقستاندىققا جۇمىسىنان ايىرىلعان جاعدايدا تولەنەتىن الەۋمەتتىك تولەمدەر تاعايىندالدى.
بۇدان باسقا, ەەب-تە ەرىكتى تۇردە قونىس اۋدارۋ بويىنشا كونسۋلتاتسيالىق قىزمەت الۋ سەرۆيسى جۇمىس ىستەيدى. ازاماتتار ينتەراكتيۆتى كارتادا الەۋەتتى قونىس اۋدارۋ ءوڭىرىنىڭ اقپاراتىن كورە الادى, سونداي-اق ناقتى اۋىلدا/اۋىلدىق وكرۋگتە ينفراقۇرىلىممەن, قابىلداۋ كۆوتاسىمەن جانە بوس جۇمىس ورىندارىمەن تانىسا الادى. كونسۋلتاتسياعا ءوتىنىم بەرگەن كەزدە جۇمىسپەن قامتۋ ورتالىعىنىڭ قىزمەتكەرلەرى ءوتىنىش بەرۋشىمەن تەلەفون ارقىلى حابارلاسادى جانە الەۋەتتى قونىس اۋدارۋشىنى قىزىقتىراتىن بارلىق سۇراقتارعا جاۋاپ بەرەدى.
سونىمەن قاتار, وسى جىلدىڭ شىلدە ايىنان باستاپ ەلەكتروندىق ەڭبەك بيرجاسىندا «Enbek Skills» پلاتفورماسىندا قازاقستاندىقتار قاجەتتى داعدى بويىنشا قىسقا مەرزىمدى وقىتۋدان ءوتىپ, تۇيىندەمەدە اۆتوماتتى تۇردە تىركەلەتىن داعدىنى يەلەنۋ تۋرالى سەرتيفيكات الا الادى. قازىرگى تاڭدا 100-دەن استام اۆتور سايتقا ءوزىنىڭ وقۋ كۋرسىن ورنالاستىردى. بۇگىندە 3,6 مىڭنان استام ادام وقۋدان ءوتىپ, سەرتيفيكات الدى.
قازان ايىندا ەەب-تە جۇمىس بەرۋشىلەر ءۇشىن حالىقتى جۇمىسپەن قامتۋ ورتالىعىنا بارماي-اق مەملەكەت سۋبسيديالايتىن جۇمىس ورىندارىن اشۋ بويىنشا فۋنكتسيونالدى ىسكە اسىرۋ جوسپارلانعان.
