الدىمەن مادەني جيىن «پوەزيا الىبى – مۇقاعالي ماقاتاەۆ» اتتى دوڭگەلەك ۇستەل ماجىلىسىمەن باستالىپ, اقيىق اقىندى كوزى كورگەن كورنەكتى عالىم, مەملەكەتتىك سىيلىقتىڭ لاۋرەاتى مىرزاتاي جولداسبەكوۆ, جازۋشى, قوعام قايراتكەرى التىنشاش جاعانوۆا, جازۋشى, مەملەكەتتىك سىيلىقتىڭ لاۋرەاتى ءسابيت دوسانوۆ, اقىن, مەملەكەتتىك سىيلىقتىڭ اقۇشتاپ باقتىگەرەەۆا, بەلگىلى ساتيريك كوپەن امىربەك قىزىقتى ەستەلىكتەر ايتسا, اقىن, پارلامەنت ءماجىلىسىنىڭ دەپۋتاتى قازىبەك يسا, قازاقستان جازۋشىلار وداعىنىڭ نۇر-سۇلتان قالاسىنداعى فيليالىنىڭ ديرەكتورى, اقىن داۋلەتكەرەي كاپ ۇلى جانە تاعى باسقالار كورنەكتى تۇلعانىڭ شىعارماشىلىعىنا توقتالىپ, تولعامدى ويلارىمەن ءبولىستى.
ودان كەيىن ءىس-شارالار لەگى «رۋحتى قالام قايراتكەرلەرى» اتتى ادەبي كورمەنىڭ تانىستىرىلىمىنا ۇلاسىپ, وندا مۇقاعالي ماقاتاەۆقا ارنالعان كىتاپ ينستاللياتسيالارى مەن اقىن ومىرىنەن سىر شەرتەتىن مونوسپەكتاكل كورسەتىلدى.
سونىمەن بىرگە اتالعان كورمەگە ۇلى اباي اتامىزدان باستاپ, ءسابيت مۇقانوۆ, ءابدىجامىل نۇرپەيىسوۆ, ءابىش كەكىلباەۆ, مىرزاتاي جولداسبەكوۆ, شەرحان مۇرتازا, حاميت ەرعاليەۆ, تۇرسىنبەك كاكىشەۆ, دۇكەنباي دوسجان, قادىر مىرزا ءالى, ورالحان بوكەي, نۇرعوجا وراز, قاجىعالي مۇحانبەتقالي ۇلى, اقۇشتاپ باقتىگەرەەۆا, ءحانبيبى ەسەنقاراقىزى, الىبەك اسقاروۆ جانە ت.ب. اقىن-جازۋشىلاردىڭ تۇتىنعان تۇرمىستىق زاتتارى, قولجازبالارى, فوتوسۋرەتتەرى مەن كىتاپتارى قويىلىپ, كەلۋشىلەردىڭ قىزىعۋشىلىعىن تۋعىزدى.
