ايماقتار • 29 قىركۇيەك، 2021

اۋىز سۋ وندىرىسىنە مەملەكەتتىك قىزمەتشىلەر جاۋاپتى

118 رەت كورسەتىلدى

ماڭعىستاۋ وڭىرىندە اۋىز سۋ ماسەلەسى – جىلدار بويعى جىر. تۇرعىندار سانى ارتقان سايىن ماسەلە قوردالانىپ، جىلدان جىلعا ىسىرىلعان ءسۇر سيپاتقا ەندى.

2021 جىلى 22 قىركۇيەكتە پرەزيدەنت قاسىم-جومارت توقاەۆ ماڭعىستاۋ وبلىسىنا كەلگەن ­سا­پارىندا ءوڭىردىڭ الەۋمەتتىك-ەكو­نوميكالىق دامۋى جونىندە وتكەن كەڭەستە «كاسپي» سۋ تۇ­شىتۋ زاۋىتىنىڭ قۋاتتىلىعىن ارت­تىرۋ جوباسىنىڭ سوزىلىپ كەت­كەنىن جانە قۇنىنىڭ ءوسۋىن سىن­عا الىپ، اتالعان جوبانى كە­لەسى جىلدىڭ سوڭىنا دەيىن اياق­تاۋدى تاپسىرعان بولاتىن. «ايماق باسشىسى ن.نوعاەۆ 2022 جىل­دىڭ سوڭىنا دەيىن ءوندىرىسى ەكى ەسە ارتاتىن «كاسپي» سۋ تۇ­شىتۋ زاۋىتىنىڭ قۋاتتىلىعىن ۇلعايتۋ جوباسىمەن تانىستى»، دەپ حابارلادى وبلىس اكىمىنىڭ ءباسپاسوز قىزمەتى.

قازىرگى ۋاقىتتا زاۋىت تاۋ­لىگىنە 20 مىڭ تەكشە مەتر سۋ تۇ­شى­تۋدا. كەڭەيتۋ جوباسى اياق­تال­عاننان كەيىن كاسىپورىننىڭ تەحنيكالىق مۇمكىندىگى تاۋلىگىنە 40 مىڭ تەكشە مەترگە دەيىن، ياعني ەكى ەسەگە ۇلعايادى. جوبانىڭ قۇ­نى – 12،3 ملرد تەڭگە، ونىڭ ىشىن­دە رەسپۋبليكالىق بيۋدجەت­تەن 7،7 ملرد تەڭگە ءبولىندى. قال­عان بولىگى دە رەسپۋبليكالىق بيۋد­جەتتەن سۇرالادى. ءتيىستى بيۋد­جەتتىك ءوتىنىم مينيسترلىككە جى­بە­رىلدى. جوبا 2022 جىلدىڭ ەكىن­شى توقسانىندا اياقتالادى دەپ كۇتىلۋدە. زاۋىتتىڭ جۇمىسىمەن تانىسقان وبلىس اكىمى نۇرلان نوعاەۆ جاۋاپتى تۇلعالارعا بىر­قاتار ناقتى تاپسىرما جۇكتەدى.

– ءوڭىردى اۋىز سۋمەن ۇزدىك­سىز قامتاماسىز ەتۋ – ەڭ باستى مىن­دەت جانە بۇل مەملەكەت باسشى­سىنىڭ جەكە باقىلاۋىندا. جو­باعا قاتىستى بارلىق لاۋا­زىم­دى تۇلعالار اۋىز سۋ ءوندى­رىسىن ۇلعايتۋعا باعىتتالعان جۇ­مىس­تاردىڭ مەرزىمىندە ىسكە قوسى­لۋىنا جەكە جاۋاپ بەرەدى، – دەدى وبلىس اكىمى.

 

ماڭعىستاۋ وبلىسى

 

سوڭعى جاڭالىقتار

قارسىلاسىن 7 راۋند بويى سابادى

كاسىپقوي بوكس • بۇگىن، 10:32

يندونەزيادا جەر سىلكىندى

الەم • بۇگىن، 09:32

ءۇشىنشى جەڭىلىس

جەكپە-جەك • بۇگىن، 09:02

جوسپارىن جوققا شىعاردى

كاسىپقوي بوكس • كەشە

ۇزدىك وندىقتا گولوۆكين جوق

كاسىپقوي بوكس • كەشە

جەكپە-جەكسىز وتكەن العاشقى جىل

كاسىپقوي بوكس • كەشە

ۇقساس جاڭالىقتار