ءبىلىم • 28 قىركۇيەك، 2021

كەشەندى تەستىلەۋ ەرەجەلەرىنە وزگەرىستەر ەنگىزىلەدى

81 رەت كورسەتىلدى

ءبىلىم جانە عىلىم مينيسترلىگى كەشەندى تەستىلەۋدى وتكىزۋ ەرەجەسىنە وزگەرىستەر مەن تولىقتىرۋلار ەنگىزىلەتىن بۇيرىق جوباسىن دايىندادى، دەپ حابارلايدى Egemen.kz.

اتاپ ايتقاندا، ججوكبۇ-نىڭ قابىلداۋ كوميسسياسى ارقىلى كت-عا قاتىسۋ ءۇشىن ءوتىنىش بەرگەن تالاپكەرلەرگە قۇجاتتاردىڭ قابىلدانعانى تۋرالى قولحات (ەركىن نىساندا) بەرىلەدى.

كت-عا كومپيۋتەرلىك فورماتتا قاتىسۋ ءۇشىن ءوتىنىشتى تۇسۋشىلەر قر بعم «ۇلتتىق تەستىلەۋ ورتالىعى» رمقك (ۇتو) اقپاراتتىق جۇيەسى ارقىلى بەرەدى.

جوعارى وقۋ ورنىنان كەيىنگى بىلىمگە قولجەتىمدىلىكتى كەڭەيتۋ ماقساتىندا كت-عا قاتىسۋعا وتىنىشتەردى قابىلداۋ ءۇشىن ەكى كەزەڭ ايقىندالادى: 1 ماۋسىم-15 شىلدە، 1 قاراشا-15 قاراشا. كت 20 شىلدەدەن 10 تامىزعا دەيىن، 18 قاراشادان 11 جەلتوقسانعا دەيىن وتكىزىلەدى.

اتالىپ وتكەندەي، كت-نى قاعاز نەمەسە كومپيۋتەرلىك فورماتتا وتكىزۋ ءۇشىن جەرگىلىكتى جەرلەردە كت-نى ۇيىمداستىرۋ جانە وتكىزۋ جونىندەگى وڭىرلىك مەملەكەتتىك كوميسسيالار قۇرىلادى، ولاردى ءبىلىم بەرۋ سالاسىنداعى ۋاكىلەتتى ورگان بەكىتەدى.

وڭىرلىك مەمكوميسسيانىڭ قۇرامىنا قۇقىق قورعاۋ ورگاندارىنىڭ، قوعامدىق ۇيىمداردىڭ، بۇقارالىق اقپارات قۇرالدارىنىڭ وكىلدەرى كىرەدى. كوميسسيا بەس ادامنان تۇرادى.

بۇل رەتتە وڭىرلىك مەملەكەتتىك كوميسسيانىڭ توراعاسى مەن مۇشەلەرى تەستىلەۋ پروتسەسىنە قاتىسپايدى.

ەرەجەلەردىڭ تولىق ءماتىنىن «اشىق نقا» سايتىنان كورۋگە بولادى، وندا قۇجات 12 قازانعا دەيىن جاريا تالقىلاۋ ءۇشىن ورنالاستىرىلعان.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار