ادەبيەت • 28 قىركۇيەك، 2021

بالالارعا ارنالعان « ۇلى دالانىڭ اڭىزدارى» جارىققا شىقتى

42 رەت كورسەتىلدى

نۇرسۇلتان نازارباەۆ قورى جانىنداعى مەملەكەتتىك ءتىلدى دامىتۋ قورى « ۇلى دالانىڭ اڭىزدارى» كوميكستەر توپتاماسىنىڭ تۇساۋكەسەرىن وتكىزدى، دەپ جازادى Egemen.kz.

« ۇلى دالانىڭ اڭىزدارى» كوميكستەر توپتاماسىنا «ەڭلىك-كەبەك»، «ەستاي-قورلان»، «قوزى كورپەش–بايان سۇلۋ»، «جۇمباقتاس»، «ايشا ءبيبى»، «شايتانكول»، «بالقاش» تۋىندىلارى ەنگەن.

«جوبا ەلباسىنىڭ « ۇلى دالانىڭ جەتى قىرى» باعدارلامالىق ماقالاسىن ىسكە اسىرۋ اياسىندا قولعا الىنعان. بۇل جولعى توپتاماعا قازاق دالاسىنداعى جەتى ليرو-ەپوستىق جىر مەن باتىرلار تۋرالى اڭىزدى وزەك ەتىپ الدىق. ماقساتىمىز – قازاقتىڭ ءتول فولكلورىن جاس بۋىنعا زاماناۋي تاسىلدەرمەن مەڭگەرتۋ. مىسالى، «قوزى كورپەش – بايان سۇلۋ» ەپوسىنىڭ 89 بەتكە سوزىلاتىن نۇسقاسى بار. ونى قازىرگى بالالار وقىپ وتىرمايتىنى تۇسىنىكتى. سونى ءبىزدىڭ جاس اقىن-جازۋشىلار قىسقاشا مازمۇنداپ، ەڭ نەگىزى تۇستارىنان ديالوگتار قۇراپ، كوميكسكە يكەمدەپ جازىپ شىعادى. سۋرەتشىلەر سونىڭ جەلىسىمەن كوميكس سالادى. ازىرگە كوميكس ستسەناريىن دوسقان جىلقىباەۆ دەگەن جىگىت جازىپ ءجۇر. ال سۋرەتتەرىن اۋەلدى مۇرات ءدىلمانوۆ سالىپ باستاعان. قازىر وعان ەكى جاس سۋرەتشى قوسىلدى»، دەيدى نۇرسۇلتان نازارباەۆ قورى جانىنداعى مەملەكەتتىك ءتىلدى دامىتۋ قورىنىڭ ديرەكتورى ازات شاۋەەۆ.

سونداي-اق ول ءبىر ەرتەگىنىڭ كوميكسى بىردەن ءۇش تىلدە بەرىلگەنىن ايتتى. سونىمەن قاتار « ۇلى دالا حاندارى» جانە « ۇلى دالانىڭ ارۋلارى» دەگەن توپتامالار جوسپاردا بار ەكەن. وندا توميريس پەن زارينادان باستاپ ءاليا، مانشۇكتەرگە دەيىنگى تۇلعالار قامتىلادى.

كوميكستىڭ ەلەكتروندى نۇسقاسى ارنايى سايتتا تەگىن ۇسىنىلادى. ال ءۇش تىلدەگى جيناق ساتىلىمعا شىعادى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار