پارلامەنت • 28 قىركۇيەك، 2021

تۇركىستان دەكلاراتسياسى قابىلداندى

50 رەت كورسەتىلدى

تۇركپا ح پلەنارلىق وتىرىسىنىڭ سوڭىندا تۇركىستان دەكلاراتسيا قابىلداندى، دەپ جازادى Egemen.kz.

سۋرەتتى تۇسىرگەن ج.جۇمابەكوۆ

ءماجىلىس توراعاسى نۇرلان نىعماتۋلين بارلىق قاتىسۋشىلارعا قاسيەتتى قارا شاڭىراق، بۇكىل «تۇركى الەمىنىڭ رۋحاني استاناسى» كيەلى تۇركىستان جەرىنە كەلىپ، ماڭىزدى جيىنعا قاتىسقاندارعا شىن جۇرەكتەن العىس ءبىلدىردى. سونداي-اق تۇركپا-نىڭ  مەرەيتويلىق شارالارى باۋىرلاس ەلدەر اراسىنداعى ساياسي، ەكونوميكالىق، الەۋمەتتىك  جانە مادەني بايلانىستاردى پارلامەنتتىك دەڭگەيدە ودان ءارى نىعايتۋعا ارنالعانىن ايتتى.

پالاتا سپيكەرىنىڭ ايتۋىنشا، «تۇركىستان دەكلاراتسياسى» بۇكىل تۇركى ەلدەرىنىڭ اتاجۇرتى، رۋحاني استاناسى كيەلى تۇركىستان جەرىندە  قابىلدانعانى ەلدەر اراسىنداعى دوستىققا، تۋىستىققا، سىيلاستىققا  جاڭا سەرپىن بەرەدى. 

«ەندى مۇشە ەلدەرىمىزدىڭ بارلىق سالا بويىنشا ىنتىماقتاستىعىن نىعايتۋ، ۇيىمنىڭ حالىقارالىق مارتەبەسىن كۇشەيتۋ، تۇركى ەلدەر بىرلىگىن تەرەڭدەتۋ - وسىنىڭ بارلىعى الداعى ءبىر جىلدىڭ ىشىندە جۇمىسىمىزدىڭ ەڭ ماڭىزدى باعىتتارى بولادى. مۇراگەرلىكتى ساقتاپ، تۇركپا-عا مۇشە مەملەكەتتەر اياسىن كەڭەيتۋگە دە باسا نازار اۋداراتىن بولامىز»، دەدى پالاتا سپيكەرى.

وسى جيىندا العاش رەت ەلەكتروندىق ساۋدا، ەنەرگەتيكالىق رەسۋرستاردى ءتيىمدى پايدالانۋ جانە ەنەرگەتيكالىق تيىمدىلىك، كينەماتوگرافيا ماسەلەلەرى بويىنشا حالىقارالىق مودەلدىك زاڭدار قابىلداندى. ءماجىلىس توراعاسىنىڭ ايتۋىنشا، وسىنىڭ بارلىعى اسسامبلەيا جۇمىسىنا  جاڭا سەرپىن  بەرەدى.

پالاتا توراعاسى ازەربايجاننان، قىرعىزستاننان، تۇركيادان، ماجارستاننان، وزبەكستاننان كەلگەن ارىپتەستەرىنە، بارشا حالىقارالىق  ۇيىم مۇشەلەرىنە  بىرلەسكەن تابىستى جۇمىس ءۇشىن العىس ءبىلدىردى. 

ءىس-شارا بارىسىندا ازەربايجان رەسپۋبليكاسى ميللي مەدجليسىنىڭ ءتورايىمى ساحيبا گافاروۆا، قىرعىز رەسپۋبليكاسى جوگوركۋ كەنەشىنىڭ توراعاسى تالانت مامىتوۆ، تۇركيا رەسپۋبليكاسى ۇلى ۇلتتىق جينالىسىنىڭ توراعاسى مۇستافا شەنتوپ ءسوز سويلەدى.

ايتا كەتۋ كەرەك، تۇركىستان دەكلاراتسياسىنىڭ ماڭىزدى تارماقتارى ەلباسىنىڭ تاريحي ءرولىن بەكىتۋ، ەلىمىزدەگى پرەزيدەنتتىك ساياسي رەفورمالار پاكەتىن قولداۋ، قاۋىپسىزدىكتى نىعايتۋ، COVID-19 پاندەمياسىنىڭ سالدارىمەن كۇرەسكە ارنالدى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار