ءبىرىنشى وقيعا ەكىباستۇزدا بولدى.
«27 قىركۇيەك كۇنى ساعات 13:00-دە قوناەۆ كوشەسىندەگى ۇيىم اۋماعىندا جشس تسەحىنداعى 30 جاستاعى سلەسار بولشەكتەۋ جۇمىستارىن جۇرگىزۋ كەزىندە 10 مەتر بيىكتى قۇلادى», دەپ حابارلادى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى.
ءتۇرلى دەنە جاراقاتتارىن العان ەر ادام ەكىباستۇز قالالىق اۋرۋحاناسىنىڭ جانساقتاۋ بولىمىنە جاتقىزىلدى. دەنساۋلىق ساقتاۋ باسقارماسىنىڭ حابارلاۋىنشا, قازىر زارداپ شەگۋشىنىڭ جاعدايى اۋىر. دارىگەرلەر وعان جابىق ومىرتقالى ج ۇلىن جاراقاتى, ياعني ومىرتقانىڭ ءۇشىنشى دارەجەلى قىسىلۋىنىڭ تۇراقسىز سىنۋى دياگنوزىن قويدى.
ەكىنشى وقيعا پاۆلوداردا ورىن الدى. پوليتسيا دەپارتامەنتى 27 قىركۇيەك كۇنى تاڭەرتەڭ قاتاەۆ كوشەسىندە سالىنىپ جاتقان نىساننىڭ اۋماعىندا 58 جاستاعى اعاش ۇستاسى-بەتونشى باسپالداقتان قۇلاپ كەتكەنىن حابارلادى. ءارتۇرلى جاراقاتتارمەن جۇمىسشى ءبىرىنشى قالالىق اۋرۋحاناعا پوليتراۆما بولىمىنە جەتكىزىلدى.
