بۇل ءبىزدىڭ داۋىرىمىزگە دەيىنگى VIII-III عاسىرلاردا ورتالىق ازيادا, اتاپ ايتقاندا قازاقستاننىڭ التاي تاۋ جۇيەسىندە ۇستەمدىك ەتكەن سكيف وركەنيەتىنىڭ جادىگەرلەرى, ساق قورعاندارىنان تابىلعان قۇندى دۇنيەلەر. كورمەدە بەرەل, شىلىكتى جانە ەلەكە سازى سياقتى ءۇش ءتۇرلى قورىمنان شىققان جۇزگە جۋىق ارحەولوگيالىق ولجالار قويىلعان. ەكسپوزيتسيا ەجەلگى ساقتاردىڭ كوشپەلى مال شارۋاشىلىعى, تاۋ-كەن ءوندىرىسى جانە مەتاللۋرگيا سالالارىندا بىرەگەي مادەنيەتى مەن تەرەڭ ءبىلىمى بولعانىن كورسەتەدى. بۇل كەزەڭدى ەجەلگى قازاقتار تاريحىنداعى «التىن عاسىر» دەپ تە اتايدى. ەڭ باعالى ەكسپوناتتاردىڭ ءبىرى – كيىمدەرى 15 000 التىن زاتتان تۇراتىن «التىن ادام».
بىرەگەي التىن ارتەفاكتىلەردىڭ ەۋروپالىق اۋديتورياعا بۇل العاش رەت ۇسىنىلۋى. ولاردى بريتانيالىق بۇقارالىق اقپارات قۇرالدارى حالىقارالىق ارحەولوگيالىق سەنساتسيا دەپ اتاپ, شارا تۋرالى جارىسا جازىپ, تاسپاعا ءتۇسىرىپ جاتىر. كورمەگە كىرۋ تەگىن. ەكسپوزيتسيا فيتسۋيليام مۇراجايىندا كەلەر جىلدىڭ 30 قاڭتارىنا دەيىن وتەدى.
