«جىل باسىنان بەرى قازاقستان رەسپۋبليكاسىندا 7 515 ءورت تىركەلىپ, سالدارىنان 251 ادام قازا تاپتى. 217 ادام ءتۇرلى دەڭگەيدە كۇيىك شالىپ, ۋلانىپ قالدى. 2020 جىلدىڭ ءدال وسىنداي كەزەڭىمەن سالىستىرعاندا, ءورتتىڭ جالپى سانى 7 پايىزعا تومەندەگەنىمەن, قازا تاپقاندار سانى 20 پايىزعا, ال جاراقاتتانعاندار 18 پايىزعا ارتىپ وتىر», دەدى ول.
ءمينيستردىڭ دەرەگىنشە, جەكە تۇرعىن ءۇي سەكتورىندا 4 مىڭنان استام ءورت تىركەلدى. بۇل ەلىمىزدە بولعان بارلىق ءورتتىڭ 58 پايىزىن قۇرايدى.
«شىنايى ساراپتاما جۇرگىزۋ ماقساتىندا وڭىرلەردىڭ ءورت قاۋپى كورسەتكىشى اۋماقتا تۇراتىن حالىقتىڭ سانىن ەسكەرە وتىرىپ ەسەپتەلەدى. ناتيجەلەرى ەڭ كۇردەلى احۋال سولتۇستىك قازاقستان, اقمولا, شىعىس قازاقستان جانە قوستاناي وبلىسىندا ەكەندىگىن كورسەتتى. بۇل وڭىرلەردەگى ءورت جانە ودان قازا تاپقانداردىڭ سانى ورتاشا رەسپۋبليكالىق كورسەتكىشتەن 2-3 ەسەگە اسىپ تۇسەدى», دەدى يۋري يلين.
