سيدنەي ورنالاسقان جاڭا وڭتۇستىك ۋەلستەگى شەكتەۋلەر 11 قازاننان باستاپ ۆاكتسينالاۋ دەڭگەيى 70 پايىزعا جەتكەن كەزدە بىرتىندەپ جويىلا باستايدى. بۇل تۋرالى جاڭا وڭتۇستىك ۋەلس شتاتىنىڭ پرەمەر-ءمينيسترى مالىمدەدى. سونداي-اق ۆاكتسينالاۋ دەڭگەيى 1 جەلتوقساندا شامامەن 80 پايىز, سودان كەيىن 90 پايىزعا جەتەدى دەگەن بولجام بار.
تولىق ۆاكتسينا سالدىرماعان ادامدار قوعامدىق, سپورتتىق ءىس-شارالارعا قاتىسۋ, مەيرامحانالاردا تۇسكى اس ءىشۋ جانە دۇكەنگە بارۋ سياقتى كۇندەلىكتى تىرلىكپەن اينالىسا المايدى.
ايماق باسشىسى گلەديس بەرەجيكليان دوستارىمەن ەركىن كەشكى اس ءىشىپ, ۇيگە قوناق شاقىرعىسى كەلەتىندەر مىندەتتى تۇردە ۆاكتسينا سالدىرۋى كەرەك دەگەن پىكىردە.
سيدنەي مەلبۋرنمەن جانە ەل استاناسى كانبەررامەن بىرگە COVID-19 ىندەتىنىڭ ءۇشىنشى تولقىنى ءۇش قالادا تارالعاندا كارانتينگە جابىلعان ەدى. ەل بيلىگى كوروناۆيرۋستىڭ جاڭا ۇلگىسى – «دەلتامەن» كۇرەسۋ ءۇشىن وسىنداي قاتاڭ شارالار قابىلداۋعا ءماجبۇر بولعان.
