2013 جىلعى 16 قىركۇيەك, استانا قالاسى
قازاقستان رەسپۋبليكاسىندا حالىققا ترانسفۋزيالىق كومەك كورسەتۋدى
ۇيىمداستىرۋ ستاندارتىن بەكىتۋ تۋرالى
«حالىك دەنساۋلىعى جانە دەنساۋلىك ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 7-بابىنىڭ 1-تارماعىنىڭ 6) تارماقشاسىنا جانە قازاقستان رەسلۋبليكاسى ۇكىمەتىنىڭ 2004 جىلعى 28 قازانداعى №1117 قاۋلىسىمەن بەكىتىلگەن قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ماسەلەلەرى تۋرالى ەرەجەنىڭ 16-تارماعىنىڭ 16) تارماقشاسىنا سايكەس بۇيىرامىن: 1.قوسا بەرىلىپ وتىرعان قازاقستان رەسپۋبليكاسىندا حالىققا ترانسفۋزيالىق كومەك كورسەتۋدى ۇيىمداستىرۋ ستاندارتى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ستراتەگيالىق دامۋ دەپارتامەنتى (م.ە.شورانوۆ): 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى قامتاماسىز ەتسىن; 2) وسى بۇيرىقتى مەملەكەتتىك تىركەگەننەن كەيىن ونى قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3 قازاقستان رەسپۋبليكاسى دەنساۋلىق ساقتاۋ مينيسترلىگىنىڭ زاڭ قىزمەتى دەپارتامەنتى (د.ە.اسايىنوۆا) مەملەكەتتىك تىركەلگەننەن كەيىن وسى بۇيرىقتى بۇقارالىق اقپارات قۇرالدارىندا رەسمي جاريالاۋدى قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى دەنساۋلىق ساقتاۋ ۆيتسە-ءمينيسترى ە.ءا.بايجۇنىسوۆكە جۇكتەلسىن. 5. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. ءمينيستردىڭ مىندەتىن اتقارۋشى ب.توكەجانوۆ. قازاقستان رەسپۋبليكاسى دەنساۋلىق ساقتاۋ ءمينيسترىنىڭ م.ا. 2013 جىلعى 16 قىركۇيەكتەگى №529 بۇيرىعىمەن بەكىتىلگەن قازاقستان رەسپۋبليكاسىندا حالىققا ترانسفۋزيالىق كومەك كورسەتۋدى ۇيىمداستىرۋ ستاندارتى 1. جالپى ەرەجەلەر 1. قازاقستان رەسپۋبليكاسىندا حالىققا ترانسفۋزيالىق كومەك كورسەتۋدى ۇيىمداستىرۋ ستاندارتى (بۇدان ءارى - ستاندارت) قازاقستان رەسپۋبليكاسى ۇكىمەتىنىڭ 2004 جىلعى 28 تامىزداعى № 1117 قاۋلىسىمەن بەكىتىلگەن قازاقستان رەسپۋبليكاسى دەنساۋلىق ساقتاۋ مينيسترلىگى تۋرالى ەرەجەنىڭ 16-تارماعىنىڭ 16) تارماقشاسىنا سايكەس ازىرلەندى. 2. وسى ستاندارت دونورلىق قاندى جانە ونىڭ كومپونەنتتەرىن دايىنداۋعا جانە قايتا وڭدەۋگە, سونداي-اق دونورلىق قاندى جانە ونىڭ كومپونەنتتەرىن ەمدەۋ ماقساتىندا قولدانۋ تارتىبىنە قويىلاتىن تالاپتاردى ايقىندايدى. 3. قان قىزمەتى سالاسىندا مەديتسينالىق قىزمەتكە مەملەكەتتىك ليتسەنزياسى بار مەملەكەتتىك دەنساۋلىق ساقتاۋ ۇيىمدارى دونورلىق قاندى جانە ونىڭ كومپونەنتتەرىن دايىنداۋدى جانە قايتا وڭدەۋدى جۇزەگە اسىرادى. 4. ءتيىستى ليتسەنزياسى بار, اۋماقتىق, ۆەدومستۆولىق باعىنىستىلىعىنا جانە مەنشىك نىسانىنا قاراماستان مامانداندىرىلعان جانە جوعارى مامانداندىرىلعان ستاتسيونارلىق كومەك كورسەتەتىن دەنساۋلىق ساقتاۋ ۇيىمدارى ترانسفۋزيالىق كومەك كورسەتەدى. 5. ترانسفۋزيالىق كومەك ازاماتتارعا قاننىڭ اۋتو- نەمەسە اللوگەندىك كومپونەنتتەرىنىڭ ەسەبىنەن گەموستاز فاكتورلارىن تۇزەتۋدى جانە/نەمەسە قاننىڭ جاسۋشالىق كومپونەتتەرى تاپشىلىعىنىڭ ورنىن تولتىرۋدى قاجەت ەتەتىن جاعدايلاردا كورسەتىلەدى. وسى ستاندارتتا پايدالانىلاتىن ۇعىمدار: 1) اۆ0 قان توبى – قاندى ادامنىڭ قانىنداعى ەريتروتسيتتىك ا جانە ۆ انتيگەندەرىنىڭ, انتي-ا جانە انتي-ۆ انتيدەنەلەرىنىڭ ءتورت كومبيناتسياسىنا نەگىزدەلگەن توپتارعا سارالاۋ; 2) ۆيرۋستىق يناكتيۆاتسيا – كوبەيۋىن توقتاتۋ ماقساتىندا پاتوگەندىك بيولوگيالىق اگەنتتەرگە اسەر ەتۋ; 3) گەموترانسميسسيالىق ينفەكتسيالار – دونورلىق قان جانە ونىڭ ونىمدەرى ارقىلى جۇعاتىن ينفەكتسيالار; 4) گەماكون – دوناتسيالاۋ جانە كەيىنگى ساقتاۋ ۇدەرىسىندە قاندى جانە ونىڭ كومپونەنتتەرىن جيناۋ ءۇشىن پايدالانىلاتىن ءبىر رەت قولدانىلاتىن ىدىس; 5) دونورلىق قاننىڭ جانە ونىڭ كومپونەنتتەرىنىڭ دوزاسى (بىرلىگى) - ءبىر كونتەينەردەگى دونورلىق قاننىڭ جانە ونىڭ كومپونەنتتەرىنىڭ مولشەرى; 6) دونور – مەديتسينالىق تەكسەرىپ-قاراۋدان وتكەن جانە ءوز ەركىمەن قانىن نەمەسە ونىڭ كومپونەنتتەرىن تاپسىراتىن ادام; 7) دوناتسيا – رەتسيپيەنتتكە قۇيۋعا ارنالعان نەمەسە باسقا مەديتسينالىق ماقساتتا پايدالانىلاتىن دونوردىڭ قانىن جانە ونىڭ كومپونەنتتەرىن الۋ ۇدەرىسى; 8) دوناتسيانىڭ سايكەستەندىرۋ ءنومىرى – دوناتسيا بارىسىندا الىنعان قاننىڭ بارلىق كومپونەنتتەرىن جانە ۇلگىلەرىن تاڭبالاۋ كەزىندە ءاربىر دوناتسيادا بەرىلەتىن بىرەگەي ءنومىر; 9) دونورلىق قاندى جانە ونىڭ كومپونەنتتەرىن كلينيكالىق پايدالانۋ - ەمدىك ماقساتتا رەتسيپيەنتكە دونورلىق قاندى جانە ونىڭ كومپونەنتتەرىن قۇيۋ, ونىڭ ىشىندە دونورلىق قاننىڭ جانە ونىڭ كومپونەنتتەرىنىڭ قورلارىن جاساۋ جانە ساقتاۋ; 10) دونورلىق قان ۇلگىسى – دونوردان الىنىپ, زەرتتەۋ جۇرگىزۋگە ارنالعان قان; 11) جاڭا مۇزداتىلعان پلازمانى كارانتيندەۋ – گەموترانسميسسيالىق ينفەكتسيالارعا دونورلىق قاندى قايتا زەرتتەۋگە دەيىن پايدالانۋعا تىيىم سالىنعان جاڭا مۇزداتىلعان پلازمانى ساقتاۋ; 12) قان كومپونەنتتەرى – باعىتتالعان تەراپيالىق قاسيەتتەرى بار قان جاسۋشالارى جانە جاسۋشاسىز ورتالار (پلازما, كريوپرەتسيپيتات) تۇرىندە بولىنگەن قاننىڭ قۇراما بولىكتەرى; 13) لەيكوفيلترلەۋ - ارنايلى سۇزگىلەردى پايدالانۋ ارقىلى قان كومپونەنتتەرىنەن لەيكوتسيتتەردى الىپ تاستاۋ; 14) پلازما - قاننىڭ جەكەلەگەن ەلەمەنتتەرiنەن بوساتىلعان سۇيىق قۇرامداس بولiگi بولىپ تابىلاتىن قان كومپونەنتى; 15) پلازماتسيتافەرەز – دونورعا قاننىڭ قالعان كومپونەتتەرىن قايتارۋ ارقىلى دونورلىق قاننان پلازمانى نەمەسە جاسۋشالاردى نىسانالى ءبولۋ; 16) رەزۋس-تيىستىلىك - قاندى ەريتروتسيتتەردە Rh (D) انتيگەنىنىڭ بولۋى بويىنشا سارالاۋ; 17) رەتسيپيەنت - دونوردىڭ قانى نەمەسە ونىڭ كومپونەنتتەرى قۇيىلاتىن جەكە ادام; 18) ترانسفۋزيا – ەمدىك ماقساتتا دونورلىق قاندى نەمەسە ونىڭ كومپونەنتتەرىن جانە پرەپاراتتاردى ادامعا ەنگىزۋ; 19) ترانسفۋزيادان كەيىنگى اسقىنۋلار – رەتسيپيەنتتىڭ ومىرىنە نەمەسە دەنساۋلىعىنا قاۋىپ توندىرەتىن دونورلىق قاندى نەمەسە ونىڭ كومپونەنتتەرىن جانە پرەپاراتتاردى پايدالانۋمەن بايلانىستى كەز كەلگەن جاناما اسەر; 20) ترانسفۋزيالىق تەراپيا – ەمدىك ماقساتتا دونورلىق قاندى نەمەسە ونىڭ كومپونەنتتەرىن جانە پرەپاراتتاردى پايدالانۋ. 2. ترانسفۋزيالىق كومەك ۇيىمدارى قىزمەتىنىڭ نەگىزگى باعىتتارى جانە قۇرىلىمى 6. قان قىزمەتى سالاسىنداعى قىزمەتتى جۇزەگە اسىراتىن ۇيىمدار (بۇدان ءارى - قان قىزمەتى ۇيىمدارى) قازاقستان رەسپۋبليكاسىنىڭ حالقىنا وڭىرلىك دەڭگەيدە دونورلىق قاندى ورتالىقتاندىرۋ قاعيداتتارىنا نەگىزدەلگەن ترانسفۋزيالىق كومەكتىڭ قاۋىپسىزدىگى مەن ساپاسىن قامتاماسىز ەتەدى. 7. قان قىزمەتى ۇيىمدارىنىڭ جۇمىسىن شتاتتان تىس باس ترانسفۋزيولوگ (رەسپۋبليكانىڭ, وبلىستىڭ, قالانىڭ) ۇيلەستىرەدى. 8. قان قىزمەتى ۇيىمدارىنىڭ نەگىزگى مىندەتتەرى: 1) قان جانە ونىڭ كومپونەنتتەرىنىڭ دونورلىعىن ۇيىمداستىرۋعا قاتىسۋ; 2) دونورلىق قاننىڭ, ونىڭ كومپونەنتتەرىنىڭ, پرەپاراتتارى مەن دياگنوستيكالىق رەاگەنتتەرىنىڭ ساپاسى مەن قاۋىپسىزدىگىنە قويىلاتىن تالاپتارعا سايكەس قاندى, ونىڭ كومپونەنتتەرىن دايىنداۋدى, قان كومپونەنتتەرى مەن پرەپاراتتاردى, دياگنوستيكالىق رەاگەنتتەردى ءوندىرۋدى ۇيىمداستىرۋ; 3) قازاقستان رەسپۋبليكاسىنداعى ترانسفۋزيالىق كومەكتىڭ قاۋىپسىزدىگىن, ساپاسىن جانە قولجەتىمدىلىگىن قامتاماسىز ەتۋگە باعىتتالعان بىرىڭعاي ستراتەگيانى ىسكە اسىرۋ; 4) قان كومپونەنتتەرى مەن پرەپاراتتارىن كلينيكالىق قولدانۋ بارىسىندا ولاردىڭ قاۋىپسىزدىگىن, ساپاسى مەن تيىمدىلىگىن قامتاماسىز ەتۋ; 5) كلينيكالىق جانە وندىرىستىك ترانسفۋزيولوگيا سالاسىنداعى عىلىمي زەرتتەۋلەردى وسى ۇيىمداردىڭ ەرەجەلەرىمەن بەلگىلەنگەن قۇزىرەتتىككە سايكەس ۇيىمداستىرۋ جانە جۇرگىزۋ بولىپ تابىلادى. 9. قان قىزمەتى ۇيىمدارىنا مىناداي ۇيىمدار جاتادى: 1) قازاقستان رەسپۋبليكاسى دەنساۋلىق ساقتاۋ مينيسترلىگىنىڭ «ترانسفۋزيولوگيا عىلىمي-وندىرىستىك ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى (بۇدان ءارى - تعوو); 2) قازاقستان رەسپۋبليكاسى دەنساۋلىق ساقتاۋ مينيسترلىگىنىڭ «رەسپۋبليكالىق قان ورتالىعى» رەسپۋبليكالىق مەملەكەتتىك قازىنالىق كاسىپورنى (بۇدان ءارى - رقو); 3) قان ورتالىقتارى (وبلىستىق, قالالىق). 10. «قان قىزمەتى سالاسىنداعى قىزمەتتى جۇزەگە اسىراتىن دەنساۋلىق ساقتاۋ ۇيىمدارى تۋرالى ەرەجەنى بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2011 جىلعى 30 جەلتوقسانداعى № 931 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7404 بولىپ تىركەلگەن) (بۇدان ءارى - ەرەجە) سايكەس قان جانە ونىڭ كومپونەنتتەرى دوناتسياسىنىڭ كولەمىنە قاراي قان قىزمەتى سالاسىندا قىزمەتتى جۇزەگە اسىراتىن ۇيىمدار مىناداي ساناتتارعا بولىنەدى: I سانات – جىلىنا 20000 دوناتسيادان* استام; II سانات - جىلىنا 15001 دوناتسيادان باستاپ 20000 دەيىن; III سانات - جىلىنا 10001 دوناتسيادان باستاپ 15000 دەيىن; IV سانات - جىلىنا 5000 دوناتسيادان 10000 دەيىن. ەسكەرتپە: *1 دوزا قان, پلازما, قان جاسۋشالارىنىڭ دوناتسياسى, ونىڭ ىشىندە ەكى مارتە پلازما جانە تسيتافەرەز ءبىر دوناتسيا رەتىندە ەسەپتەلەدى. پلازما دوناتسياسىنىڭ جالپى سانىنان كەمىندە 30 % كولەمىندەگى اپپاراتتىق پلازمافەرەز جۇرگىزۋ كەزىندە قان قىزمەتى سالاسىنداعى قىزمەتتى جۇزەگە اسىراتىن دەنساۋلىق ساقتاۋ ۇيىمداردىڭ ساناتتىلىعى ءبىر ساناتقا جوعارىلايدى. 11. قان قىزمەتىنىڭ شتاتتارى «دەنساۋلىق ساقتاۋ ۇيىمدارىنىڭ ۇلگى شتاتتارى مەن شتات نورماتيۆتەرىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 7 ساۋىردەگى № 238 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2012 جىلعى 2 قاراشادا № 6173 بولىپ تىركەلگەن) بەكىتىلگەن دەنساۋلىق ساقتاۋ ۇيىمداردىڭ ۇلگى شتاتتارى مەن شتات نورماتيۆتەرىنە سايكەس بەلگىلەنەدى. 12. مامانداندىرىلعان جانە جوعارى مامانداندىرىلعان ستاتسيونارلىق كومەك كورسەتەتىن ءتيىستى ليتسەنزياسى بار دەنساۋلىق ساقتاۋ ۇيىمدارى ترانسفۋزيالىق تەراپيانى جۇزەگە اسىردى. 13. مامانداندىرىلعان جانە جوعارى مامانداندىرىلعان ستاتسيونارلىق كومەك كورسەتەتىن, قان كومپونەنتتەرىن پايدالاناتىن دەنساۋلىق ساقتاۋ ۇيىمداردىڭ بازاسىندا ترانسفۋزيولوگيا بولىمشەلەرى (كابينەتتەرى) قۇرىلادى. 14. ترانسفۋزيالىق كومەك كورسەتەتىن مەديتسينالىق ۇيىمداردا (بۇدان ءارى - مۇ) كونسۋلتاتسيالىق-كەڭەسۋ ورگانى (قۇرامىندا باسشىنىڭ مەديتسينالىق ءبولىم جونىندەگى ورىنباسارى, دارىگەر-ترانسفۋزيولوگ, كلينيكالىق بولىمشەلەردىڭ مەڭگەرۋشىلەرى كىرەتىن ترانسفۋزيالىق كەڭەس) قۇرىلادى, ول: 1) ترانسفۋزيالىق تەراپيا تيىمدىلىگىنە جانە ترانسفۋزيادان كەيىنگى بارلىق اسقىنۋلارعا تالداۋ جۇرگىزەدى; 2) ترانسفيزيا ۇدەرىسىنىڭ ءار كەزەڭى ءۇشىن ستاندارتتى وپەراتسيالىق راسىمدەردى (بۇدان ءارى - سور) بەكىتەدى: 3) مامانداردىڭ ترانسفۋزيالىق تەراپيانى جۇرگىزۋگە تەوريالىق جانە پراكتيكالىق دايىندىعىنا باعالاۋ جۇرگىزەدى. 15. ترانسفۋزيالىق كومەكتىڭ كلينيكالىق ۇدەرىسىنىڭ ءار ساتىسىنداعى پەرسونالدىڭ ءوزارا ءىس-قيمىل ءتارتىبى ءبىرىنشى باسشىنىڭ بۇيرىعىمەن بەكىتىلەدى جانە مىنالاردى: 1) جالپى اۋرۋحانا بويىنشا جانە كلينيكالىق بولىمشەلەردە ترانسفۋزيالىق تەراپيانى ۇيىمداستىرۋ ءۇشىن جاۋاپتى مامانداردى; 2) قاندى, ونىڭ كومپونەنتتەرى مەن پرەپاراتتارىن جوسپارلى جانە شۇعىل تۇردە جەتكىزۋ ءتارتىبىن; 3) قان, ونىڭ كومپونەنتتەرى مەن پرەپاراتتارىنىڭ جەتكىلىكتى قورىن, ولاردى ساقتاۋ شارتتارىن جانە قان ونىمدەرىن پايدالانۋدا سۋىقتىق تىزبەك قاعيداتىن ساقتاۋدى قامتاماسىز ەتۋدى; 4) يممۋندىق-گەماتولوگيالىق زەرتتەۋلەردى جۇرگىزۋ ءتارتىبىن انىقتايدى. 16. قان قىزمەتى ۇيىمدارى مەن ترانسفۋزيالىق كومەك كورسەتەتىن مۇ اراسىندا كەلەسى نەگىزگى بولىمدەردى قاراستىراتىن شارت جاسالادى: قان جانە ونىڭ كومپونەنتتەرىنىڭ جانە پرەپاراتتاردىڭ قورىن جاساۋ, ولارعا تاپسىرىس جاساۋ جانە جەتكىزۋ ءتارتىبىن, ترانسفۋزيالىق تەراپيانى وتكىزۋ بويىنشا مۇ ۇيىمداستىرۋشىلىق - ادىستەمەلىك كومەك كورسەتۋ شارتتارىن ايقىنداۋ. 17. ترانسفۋزيالىق تەراپيا جۇرگىزىلەتىن مۇ-دا قان كومپونەنتتەرى مەن پرەپاراتتارىن ترانسفۋزيالاۋ قاجەتتىگىن نەگىزدەۋگە مۇمكىندىك بەرەتىن تاۋلىك بويى جۇمىس ىستەيتىن زەرتحانالىق زەرتتەۋمەن قامتاماسىز ەتىلەدى. 18. مۇ قۇرامىندا ەريتروتسيتتەر بار قان كومپونەنتتەرىنىڭ جانە جاڭا مۇزداتىلعان پلازمانىڭ ازايمايتىن (كەمىندە ەكى كۇندىك) رەزەرۆىن ساقتاۋدى قامتاماسىز ەتەدى. قان ورتالىقتارىنان الشاق جەردە ورنالاسقان ەلدى مەكەندەردەگى مۇ ءۇشىن ازايمايتىن رەزەرۆتىڭ كولەمى قان كومپونەنتتەرىن وڭىرلىك قان ورتالىعىنان جەتكىزۋ كەستەسى بويىنشا جانە قان كومپونەنتتەرىنىڭ قاجەتتىلىگىن ەسەپكە الا وتىرىپ ايقىندالادى. ساقتاۋ مەرزىمى اياقتالعان رەزەرۆتىك قان كومپونەنتتەرى ەسەپتەن شىعارىلۋعا جانە جويىلۋعا جاتادى. 19. قان قىزمەتى ۇيىمدارى جانە ترانسفۋزيولوگيا بولىمشەلەرى قىزمەتىنىڭ نەگىزگى باعىتتارى ەرەجەمەن ايقىندالادى. 20. قان قىزمەتى ۇيىمدارى مەن ترانسفۋزيولوگيا بولىمشەلەردى جاراقتاندىرۋ «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كودەكسىنىڭ (بۇدان ءارى - كودەكس) 7 بابىنىڭ 21) تارماقشاسىنا سايكەس جۇزەگە اسىرىلادى. 3. دونورلاردى قابىلداۋدى جانە ەسەپكە الۋدى ۇيىمداستىرۋ. قاندى جانە ونىڭ كومپونەنتتەرىن دايىنداۋ. 21. ءتيىستى مەديتسينالىق زەرتتەپ-قاراۋدان وتكەن جانە قارسى ايعاقتارى جوق, مەديتسينالىق ماقساتتا قان مەن ونىڭ كومپونەنتتەرىن تاپسىرۋدى (دوناتسيانى) جۇزەگە اسىرۋعا ەرىكتى تۇردە نيەت بىلدىرگەن ون سەگىز جاستان اسقان جەكە ادام دونور بولۋعا قۇقىلى. 22. قان مەن ونىڭ كومپونەنتتەرىن تاپسىرۋدىڭ (دوناتسيا) جيىلىگى مەن رەتى بويىنشا دونورلار مىناداي ساناتتارعا بولىنەدى: 1) العاشقى دونور - قان مەن ونىڭ كومپونەنتتەرىن تاپسىرۋدى (دوناتسيا) العاش رەت ىسكە اسىرعان ادام; 2) قايتالاما دونور - قان مەن ونىڭ كومپونەنتتەرىن بۇرىن تاپسىرعان (دوناتسيا) ادام; 3) تۇراقتى دونور – قان مەن ونىڭ كومپونەنتتەرىن تۇراقتى تۇردە تاپسىراتىن (دوناتسيا) ادام. تۇراقتىلىق دەپ قان تاپسىرۋدى (دوناتسيا) جىلىنا 3 رەت جانە ودان دا ارتىق, پلازما مەن قان جاسۋشالارىن جىلىنا 12 جانە دە ودان دا كوپ رەت تاپسىرۋ تۇراقتىلىعى ۇعىمى ايتىلادى. ەريتروفەرەز ادىسىمەن ەريتروتسيتتەر دونورلىعى ايرىقشا بولىپ تابىلادى, وسىنداي جاعدايدا جىلىنا 2 رەت جانە ودان دا ارتىق تاپسىرۋ (دوناتسيا) تۇراقتى دونورلىق بولىپ تانىلادى. 23. دونوردىڭ كودەكستىڭ 165 بابىنىڭ 2,3 تارماقتارىندا كوزدەلگەن قۇقىقتارى مەن مىندەتتەرى بار. 24. قان مەن ونىڭ كومپونەنتتەرىن تاپسىرۋ (دوناتسيا) مىناداي تۇرلەرگە بولىنەدى: 1) تاپسىرۋ (دوناتسيا) ءتۇرى بويىنشا: قان دونورلىعى; پلازما, ونىڭ ىشىندە يممۋندىق پلازما دونورلىعى; قان جاسۋشالارى دونورلىعى; 2) ۋاجدەمە بويىنشا تاپسىرۋ (دوناتسيا): وتەۋسىز (وتەۋسىز ەرىكتى تاپسىرۋ (دوناتسيا), ماقساتتى تاپسىرۋ (دوناتسيا) جانە اۋتولوگيالىق تاپسىرۋ (دوناتسيا)); قاندى اقىلى نەگىزدە تاپسىرۋ (دوناتسيا) دەپ بولىنەدى. قان مەن ونىڭ كومپونەنتتەرىن وتەۋسىز ەرىكتى تاپسىرۋ (دوناتسيا) – اللوگەندىك قان مەن ونىڭ كومپونەنتتەرىن كودەكستىڭ 167-بابىنا سايكەس دونورعا بەرىلەتىن كەپىلدىكتەردەن باسقا, اقىسىز ىسكە اسىرىلاتىن تاپسىرۋ (دوناتسيا). قان مەن ونىڭ كومپونەنتتەرىن ماقساتتى تاپسىرۋ (دوناتسيا) – اللوگەندىك قان مەن ونىڭ كومپونەنتتەرىن ناقتى پاتسيەنتتەر ءۇشىن تاپسىرۋ جانە كودەكستىڭ 167-بابىنا سايكەس دونورعا بەرىلەتىن كەپىلدىكتەردەن باسقا, اقىسىز ىسكە اسىرىلاتىن تاپسىرۋ (دوناتسيا). قان مەن ونىڭ كومپونەنتتەرىن اۋتولوگيالىق تاپسىرۋ (دوناتسيا) – ءبىر ادامنان الىنعان جانە كەيىننەن سول ادامنىڭ وزىنە عانا اۋتولوگيالىق قايتا قۇيۋعا ارنالعان قان مەن ونىڭ كومپونەنتتەرىن تاپسىرۋ (دوناتسيا). 25. دونورلاردى قابىلداۋ جانە ەسەپكە الۋ جانە ولاردى مەديتسينالىق تەكسەرىپ-قاراۋ وتكىزۋ ءتارتىبى قازاقستان رەسپۋبليكاسى دەنساۋلىق ساقتاۋ مينيسترلىگىنىڭ 2009 جىلعى 10 قاراشاداعى № 680 بۇيرىعىمەن بەكىتىلگەن قاندى جانە ونىڭ كومپونەنتتەرىن بەرۋ الدىندا (دوناتسيا) دونوردى مەديتسينالىق تەكسەرۋ قاعيداسىنا (بۇدان ءارى – № 680 بۇيرىق) (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5934 بولىپ تىركەلگەن) سايكەس جۇزەگە اسىرىلادى. 26. قان قىزمەتى ۇيىمدارىندا دونوردى قابىلداۋ جەكە باسىن كۋالاندىراتىن قۇجاتتاردىڭ نەمەسە اسكەري قىزمەتكەرلەر ءۇشىن اسكەري بيلەتتىڭ نەگىزىندە جۇرگىزىلەدى. 27. دونورعا ساۋالناما جۇرگىزىلەدى. قان جانە ونىڭ كومپونەنتتەرىنىڭ دونورىنا, سونداي-اق گەموپوەزدىك ءدىن جاسۋشالارىنىڭ (بۇدان ءارى – گدج), پەريفەريالىق جانە پلاتسەنتالىق قان دونورىنا ارنالعان ساۋالنامانىڭ نىسانى № 680 بۇيرىعىنا سايكەس. 28. دونوردىڭ دەرەكتەرى دونورلىققا جاتپايتىن دونورلار جانە تۇلعالار تۋرالى ەلەكتروندىق مالىمەتتەر دەرەكقورىمەن سالىستىرىپ-تەكسەرىلەدى. 29. دونورلارعا ءاربىر قان مەن ونىڭ كومپونەنتتەرىن تاپسىرار (دوناتسيا) الدىندا ا, ۆ, D, Kell يممۋنوگەماتولوگيالىق زەرتتەۋ, گەموگلوبين (گەماتوكريت) دەڭگەيىن, پەريفەريالىق قاننىڭ گدج دونورىنا پەريفەريالىق قاننىڭ قۇرامىن (گەموگلوبين, (گەماتوكريت), ەريتروتسيتتەر, لەيكوتسيتتەر, ترومبوتسيتتەر) انىقتاۋ جۇرگىزىلەدى. 30. دونوردى مەديتسينالىق تەكسەرىپ-قاراۋدى, شەتتەتۋ نەمەسە جىبەرۋ جانە قان مەن ونىڭ كومپونەنتتەرىن تاپسىرۋدىڭ (دوناتسيا) ءتۇرىن ترانسفۋزيولوگ-دارىگەرى نەمەسە قان قىزمەتى ۇيىمىنىڭ تەراپەۆتى (بۇدان ءارى - دارىگەر), ال پلاتسەنتالىق قاننىڭ گدج دونورىنا - پلاتسەنتالىق قاندى جيناۋدى جۇرگىزەتىن بوساندىرۋ ۇيىمدارىنىڭ دايىندالعان اكۋشەريالىق-گينەكولوگيالىق پەرسونالى جۇزەگە اسىرادى. 31. قاۋىپ فاكتورلارىنىڭ بولۋىنا كۇدىك بولعاندا نەمەسە انىقتالعان كەزدە جانە كلينيكالىق ايعاقتارى بويىنشا مەديتسينالىق تەكسەرۋدىڭ كولەمى قان مەن ونىڭ كومپونەنتتەرىن تاپسىرۋعا (دوناتسيا) جىبەرۋدى جۇزەگە اسىراتىن دارىگەردىڭ شەشىمىمەن ۇلعايتىلۋى مۇمكىن. 32. زەرتحانالىق زەرتتەۋلەر كورسەتكىشتەرىنىڭ نورمالاردان اۋىتقۋلارى بولعاندا دونور قان مەن ونىڭ كومپونەنتتەرىن تاپسىرۋدان (دوناتسيا) ءبىر اي مەرزىمىنە شەتتەلەدى. 33. شەتتەتۋ سەبەبى دونورلار مەن ادامداردىڭ قان دونورلىعىنا جاتپايتىن ەلەكتروندىق دەرەكتەر بارىسىنا جانە دونور كارتاسىندا تىركەلەدى. 34. قان جانە ونىڭ كومپونەنتتەرىنىڭ العاشقى دونورلارىن قان مەن ونىڭ كومپونەنتتەرىن تاپسىرعاننان (دوناتسيادان) كەيىن № 680 بۇيرىققا سايكەس نىسان بويىنشا دونور كۋالىگى بەرىلەدى. 35. جوعالعان دونور كۋالىگىنىڭ تۇپنۇسقاسى دونوردىڭ جازباشا ءوتىنىشىنىڭ نەگىزىندە بەرىلەدى. دونورلىقتان شەتتەتىلگەن دونورعا «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى № 907 بۇيرىعىمەن (بۇدان ءارى –№ 907 بۇيرىق) (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6697 بولىپ تىركەلگەن) بەكىتىلگەن نىسانعا سايكەس انىقتاما بەرىلەدى. 36. دونور قانىن ترانسفۋزيالىق ينفەكتسيالارعا زەرتحانالىق زەرتتەۋ جۇرگىزۋ قان مەن ونىڭ كومپونەنتتەرىن تاپسىرۋ (دوناتسيا) كۇنى جۇرگىزىلەدى. 37. قاندى جانە ونىڭ كومپونەنتتەرىن تاپسىرار (دوناتسيا) الدىندا, مەديتسينالىق تەكسەرىپ-قاراۋدى جۇرگىزەتىن ترانسفۋزيولوگ دارىگەرى № 680 بۇيرىعىنا سايكەس دونورعا بەرىلگەن اقپاراتپەن دونوردى تانىستىرادى. 38. قاندى جانە ونىڭ كومپونەنتتەرىن (دوناتسيا) تاپسىرار الدىندا دونور قۇرامىندى قانتى بار كونديتەرلىك بۇيىمدارمەن ءتاتتى شاي الادى. 39. قاندى دايىنداۋ بولىمشەسىندە دونوردى سايكەستەندىرۋ, گەماكوندى جانە قان ۇلگىلەرىنە ارنالعان پروبيركالاردى (ۆاكۋتەينەرلەر) باستاپقى پاسپورتتاۋ جۇرگىزىلەدى. 40. دونور تۋرالى زاتتاڭباداعى جانە پروبيركاداعى دەرەكتەردى سايكەستەندىرگەننەن كەيىن قاندى جانە ونىڭ كومپونەنتتەرىن الۋ (بۇدان ءارى – ەكسفۋزيا) جۇرگىزىلەدى. 41. ۆەنەپۋنكتسيا ءساتسىز بولسا نەمەسە ماگيسترال قانمەن بىتەلىپ قالسا جانە بۇدان ءارى ەكسفۋزيا جاساۋ مۇمكىن بولماسا, دونوردىڭ كەلىسىمىمەن باسقا گەماكونمەن قايتادان ۆەنەپۋنكتسيا جاسالادى. 42. كودەكسىنىڭ 167-بابىنىڭ 1-تارماعىنا سايكەس دونور بولىپ تابىلاتىن قىزمەتكەردى مەديتسينالىق زەرتتەپ-قاراۋ جانە قان مەن ونىڭ كومپونەنتتەرىن تاپسىرۋ (دوناتسيالاۋ) كۇندەرى جۇمىس بەرۋشى ورتاشا ايلىق جالاقىسىن ساقتاي وتىرىپ, جۇمىسىنان بوساتادى. كودەكستىڭ 167-بابىنىڭ 7-تارماعىنا سايكەس دونورلىق فۋنكتسيانى وتەۋسىز جۇزەگە اسىرعان دونور قان مەن ونىڭ كومپونەنتتەرىن تاپسىرعاننان (دوناتسيادان) كەيىن ءوز قانىنىڭ كولەمى مەن ورگانيزمىنىڭ قۋاتى شىعىندارىن تولتىرۋ ءۇشىن تاڭداۋى بويىنشا تەگىن تاماق نە «قان مەن ونىڭ كومپونەنتتەرىن اقىلى نەگىزدە تاپسىرعانى (دوناتسيالاعانى) ءۇشىن دونورلارعا اقى تولەۋ مولشەرىن جانە ونى جۇزەگە اسىرۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 30 جەلتوقسانداعى №2300 قاۋلىسىمەن بەلگىلەنگەن مولشەردەگى ونىڭ اقشالاي بالاماسىن الادى. 43. ۇيىمدار مەن وقۋ ورىندارىندا كوشپەلى جاعدايدا دونورلىق قاندى جانە ونىڭ كومپونەنتتەرىن الۋ جۇمىسىن قان ورتالىعىنىڭ كوشپەلى بريگاداسى جۇرگىزەدى. قوسالقى جۇمىستار جۇرگىزۋ ءۇشىن قان دايىنداۋ ۇيىمداستىرىلىپ وتىرعان ۇيىمداردىڭ جانە وقۋ ورىندارىنىڭ قىزمەتكەرلەرىنىڭ اراسىنان ەرىكتىلەر جۇمىلدىرىلادى. 44. كوشپەلى بريگادانىڭ باسشىسى: 1) بريگادانىڭ قۇرامىن, جاراقتارىن جانە جابدىقتارىن جاساقتايدى; 2) قان دايىنداۋدىڭ بارلىق ساتىسىن, ونىڭ ساقتالۋىن جانە قان ورتالىعىنا تاسىمالدانۋىن ۇيىمداستىرادى; 3) دونورلىق ماسەلەلەرى بويىنشا ءتۇسىندىرۋ سۇحباتىن وتكىزەدى. 45. قان كومپونەنتتەرىن پلازماتسيتافەرەز ادىسىمەن الۋ ورىنداۋ تەحنيكاسى بويىنشا: 1) ديسكرەتتىك (قولمەن جاسالاتىن); 2) اپپاراتتىق (اۆتوماتتى) بولىپ بولىنەدى. 46. اپپاراتتىق پلازماتسيتافەرەز دايىنداۋشى زاۋىت رەگلامەنتتەيتىن نۇسقاۋلىقتار مەن حاتتامالارعا جانە قان قىزمەتى ۇيىمىنىڭ ءبىرىنشى باسشىسى بەكىتەتىن سور سايكەس جۇرگىزىلەدى. 47. دونورلىق قاندى جانە ونىڭ كومپونەنتتەرىن دايىنداۋ, قايتا وڭدەۋ, ساقتاۋ, تاسىمالداۋ ءتارتىبى, سونداي-اق دوناتسيا كەزىندە جاناما رەاكتسيالار پايدا بولعان جاعدايدا دونورلارعا مەديتسينالىق كومەك كورسەتۋ قاعيداسى قازاقستان رەسپۋبليكاسى دەنساۋلىق ساقتاۋ مينيستر مىندەتىن اتقارۋشى 2009 جىلعى 6 قاراشاداعى № 666 بۇيرىعىمەن (بۇدان ءارى – № 666 بۇيرىق) (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5925 بولىپ تىركەلگەن) بەكىتىلگەن قاندى, ونىڭ كومپونەنتتەرىن دايىنداۋ, وڭدەۋ, ساقتاۋ, وتكىزۋ ەرەجەسىنە, سونداي-اق قاندى, ونىڭ كومپونەنتتەرى مەن پرەپاراتتاردى ساقتاۋ, قۇيۋ ەرەجەسىنە سايكەس جۇزەگە اسىرىلادى. 4. ەمدەۋ قىزمەتىن جۇزەگە اسىراتىن مەديتسينالىق ۇيىمداردا قاندى, ونىڭ كومپونەنتتەرىن جانە پرەپاراتتاردى قۇيۋ جاعدايلارى جانە ءتارتىبى 48. كلينيكاعا كەلىپ تۇسكەن كەزدە بارلىق الەۋەتتى رەتسيپيەنتتەردىڭ قان توبى مەن رەزۋس تيىستىلىگىن انىقتايدى جانە راستايدى: (جوسپارلى نەمەسە شۇعىل وپەراتسيا الدىنداعى حيرۋرگيالىق بەيىندەگى ناۋقاستار, ترانسفۋزيا جاساۋدى قاجەت ەتەتىن گەمورراگيالىق سيندروم نەمەسە وزگە دە اسقىنۋلار تۋىنداۋى مۇمكىن بوساناتىن ايەلدەر مەن تەراپيالىق ناۋقاستار, سونداي-اق 1 جاسقا دەيىنگى بالالار). ەريتروتسيتتەرگە قارسى تۇراقتى ەمەس انتيدەنەلەردىڭ سكرينينگى بارلىق الەۋەتتى گەموكومپونەنت رەتسيپيەنتتەر ءۇشىن (قاننىڭ توپتىق جانە رەزۋس تيىستىلىگىنە قاراماستان) مىندەتتى بولىپ تابىلادى. 49. ناۋقاس شۇعىل تارتىپپەن تۇسكەن جاعدايدا جانە قۇيۋدى جۇرگىزۋ قاجەت بولعان كەزدە قان توبىن جانە رەزۋس تيىستىلىگىن كەزەكشى دارىگەر انىقتايدى. ناۋقاس قانىنىڭ توپتىق جانە رەزۋس تيىستىلىگىن راستاۋدى ءبىر تاۋلىك ىشىندە جۇرگىزەدى. زەرتتەۋگە ارنالعان قان رەتسيپيەنتتەن ترانسفۋزيادان بۇرىن الىنادى جانە توڭازىتقىشتا +20س+60س تەمپەراتۋرادا ساقتالادى. قاندى يممۋنولوگيالىق زەرتتەۋ ناتيجەسى № 907 بۇيرىققا سايكەس نىسان بويىنشا رەسىمدەلەدى جانە مەديتسينالىق كارتاعا تيتۋل پاراعىنىڭ ىشكى جاعىنا جاپسىرىلادى. 50. دونورلىق قان جانە ونىڭ كومپونەنتتەرىنىڭ ترانسفۋزياسى الدىندا رەتسيپيەنتتى ايتۆ, ۆ جانە س گەپاتيتتەرىنە تەكسەرۋ قاجەت, شىعارۋ ەپيكريزىندە ايتۆ-عا, ۆ جانە س گەپاتيتتەرىنە قايتا تەكسەرۋ قاجەتتىگى كورسەتىلەدى. 51. قابىلداۋ بولىمشەسىنىڭ دارىگەرى نەمەسە ەمدەۋشى دارىگەر ترانسفۋزيالىق جانە اكۋشەرليالىق انامنەزگە قاتىستى مىناداي مالىمەتتەردى انىقتاپ مەديتسينالىق كارتاعا ەنگىزۋى قاجەت: 1) بۇرىن قان قۇيۋ بولدى ما, قاشان جانە نەمەن بايلانىستى; 2) ترانسفۋزيادان كەيىنگى اسقىنۋلار, نارەستەنىڭ گەموليزدىك اۋرۋمەن تۋىلۋىمەن اياقتالعان جۇكتىلىكتەر بولدى ما. 52. ترانسفۋزيالىق تەراپيانى جۇرگىزۋ الدىندا № 666 بۇيرىققا سايكەس ناۋقاستىڭ نەمەسە ون التى جاسقا تولماعان ناۋقاستار ءۇشىن ناۋقاستىڭ نەمەسە اتا-انالارىنىڭ, قامقورشىلارىنىڭ نەمەسە قورعانشىلارىنىڭ, جاقىن تۋىستارىنىڭ جانە پسيحيكالىق اۋرۋى بار ناۋقاستار ءۇشىن اقپاراتتاندىرىلعان ەرىكتى كەلىسىمى مىندەتتى شارت بولىپ تابىلادى. 53. دارىگەر ناۋقاسقا نەمەسە ونىڭ زاڭدى وكىلدەرىنە قاننىڭ, ونىڭ كومپونەنتتەرىنىڭ نەمەسە قان پرەپاراتتارىنىڭ كۇتىلەتىن جاعىمدى اسەرى تۋرالى جانە ىقتيمال اسقىنۋلار, سونداي-اق بالامالى ادىستەرى تۋرالى اقپارات بەرەدى. 54. شۇعىل جاعدايلاردا, كورسەتىلگەن ادامداردىڭ كەلىسىمىن الۋ مۇمكىندىگى بولماعان جاعدايدا قۇجاتپەن رەسىمدەلگەن شەشىمدى دارىگەرلىك كوميسسيا قابىلدايدى. دارىگەرلىك كوميسسيا ءبىر تاۋلىك ىشىندە تەك قانا ءبىر قۇيۋدى نەمەسە قان كومپونەنتىنىڭ بىرنەشە دوزاسىن قۇيۋ تۋرالى شەشىم قابىلدايدى. 55. ەگەر ناۋقاس (نەمەسە ونىڭ زاڭدى وكىلدەرى) دونورلىق قان جانە ونىڭ كومپونەنتتەرىن قۇيۋدان باس تارتسا, بۇل شەشىم № 666 بۇيرىققا سايكەس قۇجاتپەن رەسىمدەلەدى جانە ەمدەۋشى دارىگەر مەن بولىمشە مەڭگەرۋشىسى قۇجاتقا بۇرىشتاما قويادى. 56. ناۋقاس نەمەسە ونىڭ زاڭدى وكىلدەرى قۇيۋدان ءۇزىلدى-كەسىلدى باس تارتقان جاعدايدا دارىگەرلەر پاتسيەنت ءومىرىن ساقتاپ قالۋ ءۇشىن بارلىق بالاما ادىستەردى پايدالانۋعا مىندەتتى. 57. № 666 بۇيرىقتىڭ تالاپتارىنا سايكەس دونورلىق قاندى جانە ونىڭ كومپونەنتتەرىن قۇيۋدى جۇرگىزۋ تۋرالى دارىگەردىڭ (دارىگەرلەر, مەديتسينالىق كونسيليۋم) زەرتحانالىق جانە كلينيكالىق دەرەكتەردىڭ نەگىزىندە قابىلداناتىن شەشىمى ولاردى, سونداي-اق قان كومپونەنتتەرىنىڭ نەمەسە پرەپاراتتارىنىڭ ەسەپتەلگەن دوزاسىن كورسەتە وتىرىپ, ترانسفۋزيا الدىنداعى ەپيكريزدى مەديتسينالىق كارتاسىندا رەسىمدەيدى. ايعاقتار (ونىڭ ىشىندە تۇجىرىمدامالار بويىنشا) جانە دوزالار № 666 بۇيرىققا سايكەس بولۋى ءتيىس. 58. دارىگەر (دارىگەرلەر, مەديتسينالىق كونسيليۋم) دونورلىق قاندى جانە ونىڭ كومپونەنتتەرىڭ № 666 بۇيرىقتىڭ ەرەجەلەرىنىڭ نەگىزىندە نەمەسە كلينيكالىق نەمەسە وزگە جاعدايلاردى ەسەپكە الا وتىرىپ قابىلدايدى جانە وسى شەشىمدى نەگىزدەمەلەرى نەمەسە سەبەپتەرىن كورسەتە وتىرىپ, مەديتسينالىق كارتادا تىركەيدى. 59. دارىگەر دونورلىق قاندى جانە ونىڭ كومپونەنتتەرى ءار قۇيۋ كەزىندە قۇرامىندا ەريتروتسيتتەر بار زاتتار ترانسفۋزياسىنىڭ حاتتاماسىن نەمەسە قان كومپونەنتتەرى مەن پرەپاراتتارى ترانسفۋزياسىنىڭ حاتتاماسىن № 907 بۇيرىققا سايكەس نىساندار بويىنشا تولتىرادى. 60. بيولوگيالىق سىناما ۋاقىتىندا, دونورلىق قاندى جانە ونىڭ كومپونەنتتەرىن قۇيۋ كەزىندە نەمەسە ودان كەيىن اسقىنۋلار دامىعان جاعدايدا, ناۋقاستىڭ جاعدايىن, ومىرلىك ماڭىزدى فۋنكتسيالار مونيتورينگىنىڭ دەرەكتەرىن, ەمدەۋ ادىستەرى مەن ەمدەۋدىڭ ناتيجەلىلىگىن سيپاتتاي وتىرىپ تولىق جازبا (جازبالار) جاسالادى. ناۋقاستىڭ قانى مەن نەسەبىنە شۇعىل زەرتحانالىق باقىلاۋ جاسالادى. رەاكتسيا نەمەسە اسقىنۋ دامىعان دونورلىق قان نەمەسە ونىڭ كومپونەنتى بار گەماكون جانە ناۋقاس اسقىنۋ دامىعانعا دەيىن 12 ساعاتتىڭ ىشىندە العان دونورلىق قان نەمەسە ونىڭ كومپونەنتىنىڭ قالدىقتارى بار بارلىق گەماكوندار قان ورتالىعىندا ساراپتاما جۇرگىزىلگەنگە دەيىن +20س+60س تەمپەراتۋرا كەزىندە توڭازىتقىشتا ساقتالادى. 61. № 907 بۇيرىققا سايكەس نىساندار بويىنشا مەديتسينالىق كارتاعا قوسىمشا ترانسفۋزيالىق پاراق تولتىرىلادى, وندا بارلىق قۇيۋلار, ولاردىڭ مولشەرى, سايكەستىك نومىرلەرى جانە دونورلىق قان مەن ونىڭ كومپونەنتتەرى نەمەسە پرەپاراتتاردى ءوندىرۋشى, قۇيۋعا ايعاقتار جانە اسقىنۋدىڭ بولۋى جازىلادى. وسى اقپارات ناۋقاستى شىعارۋ كەزىندە نەمەسە باسقا مۇ-عا اۋىستىرۋ كەزىندە بەرىلەتىن مەديتسينالىق كارتادان ءۇزىندى كوشىرمەدە كورسەتىلەدى. كوپ رەتتىك قۇيۋلاردا ءۇزىندى كوشىرمەگە ترانسفۋزيالىق پاراقتىڭ كوشىرمەسى قوسا بەرىلۋى مۇمكىن. 62. انامنەزدە ترانسفۋزيادان كەيىنگى اسقىنۋلارعا, گەموليزدىك اۋرۋى بار بالانىڭ تۋىلۋىمەن اياقتالعان جۇكتىلىككە ايعاقتارى بار رەتسيپيەنتتەرگە, سونداي-اق اللويمۋندىق انتيدەنەلەر بار ناۋقاستارعا قان قىزمەتى ۇيىمىنىڭ مامانداندىرىلعان زەرتحاناسىندا دونورلىق قاندى, ونىڭ كومپونەنتتەرى مەن پرەپاراتتارىنا جەكە ىرىكتەپ الۋ جۇرگىزىلەدى. ميەلودەپرەسسيا, لەيكوز, نەمەسە اپلاستيكالىق سيندرومى بار ناۋقاستارعا بىرنەشە رەت قۇيۋ جاساۋ قاجەتتى بولعان كەزدە, انتيگەن قۇرىلىمى بويىنشا سايكەس دونوردى ىرىكتەپ الۋ ماقساتىندا ناۋقاستىڭ فەنوتيپى زەرتتەلەدى. 63. يممۋنولوگيالىق رەاكتسيالاردىڭ الدىن الۋ ماقساتىندا رەتسيپيەنتتەردىڭ بەلگىلى كونتينگەنتى (بالالار, بوساندىرۋ مەكەمەلەرىنىڭ پاتسيەنتتەرى, يممۋنودەپرەسسياسى بار جانە ترانسفۋزياعا تاۋەلدى تۇلعالار) ەڭ تومەن ساقتاۋ مەرزىمى بار لەيكوفيلترلەنگەن دونورلىق قانمەن جانە ونىڭ كومپونەنتتەرىمەن قامتاماسىز ەتىلەدى. ينفەكتسيالىق اسقىنۋلاردىڭ الدىن الۋ ماقساتىندا رەتسيپيەنتتەردىڭ جوعارىدا كورسەتىلگەن كونتينگەنتى ۆيرۋستازارتىلعان نەمەسە كارانتيندەلگەن قان كومپونەنتتەرىمەن قامتاماسىز ەتىلەدى. يممۋندىق كومپرومەتاتسيالىق رەتسيپيەنتتەردە, مىسالى, ايقىن يممۋندىق تاپشىلىعى كەزىندە يممۋندىق دەپرەسسيالىق تەراپيانى قابىلدايتىن رەتسيپيەنتتەردە, دەنە سالماعى جەتكىلىكسىز جاڭا تۋعان نارەستەلەردە, جاتىرىشىلىك قان قۇيۋدا, دونورلىق قاندى جانە ونىڭ كومپونەنتتەرىن تۋىستارىنان قۇيعاندا «ترانسپلانتانت اجىراپ قالۋى» اسقىنۋىن پروفيلاكتيكالاۋ ءۇشىن دونورلىق قاننىڭ جانە ونىڭ كومپونەنتەرىنىڭ يونداۋشى ساۋلەلەنۋى جۇرگىزىلەدى. بۇدان باسقا, ساۋلەلەنگەن دونورلىق قاندى جانە ونىڭ كومپونەنتتەرىن رەتسيپيەنتتەردىڭ بارلىق ساناتىن ەمدەۋدە № 666 بۇيرىققا سايكەس پايدالانۋعا بولادى. دونورلىق قاندى جانە ونىڭ كومپونەنتتەرىن ساۋلەلەۋ شاراسى قان قىزمەتى ۇيىمدارىندا ءتيىستى جابدىقتار بولعان كەزدە جۇرگىزىلەدى. 64. دونورلىق قاندى جانە ونىڭ كومپونەنتتەرىن جانە قان پرەپاراتتارىن قۇيۋعا ايعاقتار, قاندى ۇنەمدەيتىن جانە اللوگەندى ترانسفۋزياعا بالاما تەحنولوگيالاردى پايدالانۋ, ترانسفۋزيانى نەگىزدەۋ جانە قۇجاتتامالىق رەىسمدەۋ ءتارتىبى, يممۋنوگەماتولوگيالىق زەرتتەۋلەردى جۇرگىزۋ ادىستەمەسى, ناۋقاستىڭ جاي-كۇيىن, ترانسفۋزيادان كەيىنگى اسقىنۋلار دامىعان جاعدايدا ءىس-قىمىل ءتاسىلىن باعالاۋ № 666 بۇيرىقپەن ايقىندالعان. 5. قان قىزمەتى ماماندارىنىڭ كاسىپتىك ءبىلىمىنىڭ دەڭگەيىنە قويىلاتىن تالاپتار 65. قان قىزمەتىنىڭ ماماندارى ءۇشىن كاسىپتىك ءبىلىمنىڭ دەڭگەيىنە قويىلاتىن تالاپتار كودەكستىڭ 175-بابىمەن, «ليتسەنزيالاۋ تۋرالى» قازاقستان رەسپۋبليكاسىنىڭ زاڭىمەن, «دەنساۋلىق ساقتاۋ سالاسىنداعى اككرەديتتەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 12 قازانداعى № 1559 قاۋلىسىمەن رەگلامەنتتەلدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 14 جەلتوقساندا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №8964 بولىپ ەنگىزىلدى.
